6. Pattadāyakattheraapadānaṃ

20. ‘‘Paramena damathena, siddhatthassa mahesino;

Pattadānaṃ mayā dinnaṃ, ujubhūtassa tādino.

21. ‘‘Catunnavutito kappe, yaṃ dānamadadiṃ tadā;

Duggatiṃ nābhijānāmi, pattadānassidaṃ phalaṃ.

22. ‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā pattadāyako thero imā gāthāyo abhāsitthāti.

Pattadāyakattherassāpadānaṃ chaṭṭhaṃ.