10. Vāsidāyakattheraapadānaṃ

36. ‘‘Kammārohaṃ pure āsiṃ, tivarāyaṃ puruttame;

Ekā vāsi mayā dinnā, sayambhuṃ aparājitaṃ [sayambhumhiparājite (?)].

37. ‘‘Catunnavutito kappe, yaṃ vāsimadadiṃ tadā;

Duggatiṃ nābhijānāmi, vāsidānassidaṃ phalaṃ.

38. ‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā vāsidāyako thero imā gāthāyo abhāsitthāti.

Vāsidāyakattherassāpadānaṃ dasamaṃ.

Udakāsanavaggo catuvīsatimo.