7. Pañhāvāro

Paccayacatukkaṃ

Hetupaccayo

28. Hetusampayutto kusalo dhammo hetusampayuttassa kusalassa dhammassa hetupaccayena paccayo (saṃkhittaṃ).

Hetuyā ekaṃ, ārammaṇe ekaṃ, adhipatiyā ekaṃ, anantare ekaṃ, samanantare ekaṃ…pe… kamme ekaṃ…pe… avigate ekaṃ (saṃkhittaṃ).

Paccanīyuddhāro

29. Hetusampayutto kusalo dhammo hetusampayuttassa kusalassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo.

30. Nahetuyā ekaṃ, naārammaṇe ekaṃ (saṃkhittaṃ).

Hetupaccayā naārammaṇe ekaṃ (saṃkhittaṃ).

Nahetupaccayā ārammaṇe ekaṃ (saṃkhittaṃ).

(Yathā kusalattike pañhāvārassa anulomampi paccanīyampi anulomapaccanīyampi paccanīyānulomampi gaṇitaṃ, evaṃ gaṇetabbaṃ.)