1-7. Paṭiccavārādi

Hetupaccayo

132. Anidassanaappaṭighaṃ saraṇaṃ dhammaṃ paṭicca anidassanaappaṭigho saraṇo dhammo uppajjati hetupaccayā (sabbattha ekaṃ).

Anidassanaappaṭighaṃ araṇaṃ dhammaṃ paṭicca anidassanaappaṭigho araṇo dhammo uppajjati hetupaccayā… satta (saṃkhittaṃ).

133. Hetuyā ekavīsa…pe… avigate ekavīsa (saṃkhittaṃ). (Sahajātavārampi…pe… sampayuttavārampi paṭiccavārasadisaṃ).

134. Anidassanaappaṭigho araṇo dhammo anidassanaappaṭighassa araṇassa dhammassa hetupaccayena paccayo (saṃkhittaṃ).

Hetuyā satta, ārammaṇe tīṇi…pe… avigate pañcavīsa (saṃkhittaṃ).

(Yathā kusalattike pañhāvāraṃ, evaṃ vitthāretabbaṃ.)

Sanidassanattikasaraṇadukaṃ niṭṭhitaṃ.

Dhammānulome tikadukapaṭṭhānaṃ niṭṭhitaṃ.

Catuttho bhāgo niṭṭhito.