1-7. Paṭiccavārādi

Paccayacatukkaṃ

Hetupaccayo

174. Hīnaṃ hetuṃ dhammaṃ paṭicca hīno hetu dhammo uppajjati hetupaccayā. Majjhimaṃ hetuṃ dhammaṃ paṭicca majjhimo hetu dhammo uppajjati hetupaccayā. Paṇītaṃ hetuṃ dhammaṃ paṭicca paṇīto hetu dhammo uppajjati hetupaccayā. (3) (Saṃkhittaṃ.)

175. Hetuyā tīṇi, ārammaṇe tīṇi…pe… avigate tīṇi (saṃkhittaṃ).

Naadhipatiyā tīṇi, napurejāte tīṇi, napacchājāte tīṇi, naāsevane tīṇi, navipāke tīṇi, navippayutte tīṇi (saṃkhittaṃ).

(Sahajātavārampi…pe… sampayuttavārampi paṭiccavārasadisaṃ vitthāretabbaṃ.)

Hetu-ārammaṇapaccayā

176. Hīno hetu dhammo hīnassa hetussa dhammassa hetupaccayena paccayo. (1)

Majjhimo hetu dhammo majjhimassa hetussa dhammassa hetupaccayena paccayo. (1)

Paṇīto hetu dhammo paṇītassa hetussa dhammassa hetupaccayena paccayo. (1)

Hīno hetu dhammo hīnassa hetussa dhammassa ārammaṇapaccayena paccayo. Hīno hetu dhammo majjhimassa hetussa dhammassa ārammaṇapaccayena paccayo. (2)

Majjhimo hetu dhammo majjhimassa hetussa dhammassa ārammaṇapaccayena paccayo. Majjhimo hetu dhammo hīnassa hetussa dhammassa ārammaṇapaccayena paccayo. (2)

Paṇīto hetu dhammo majjhimassa hetussa dhammassa ārammaṇapaccayena paccayo. (1)

177. Hīno hetu dhammo hīnassa hetussa dhammassa adhipatipaccayena paccayo. (1)

Majjhimo hetu dhammo majjhimassa hetussa dhammassa adhipatipaccayena paccayo. Majjhimo hetu dhammo hīnassa hetussa dhammassa adhipatipaccayena paccayo. (2)

Paṇīto hetu dhammo paṇītassa hetussa dhammassa adhipatipaccayena paccayo. Paṇīto hetu dhammo majjhimassa hetussa dhammassa adhipatipaccayena paccayo. (2)

Hīno hetu dhammo hīnassa hetussa dhammassa anantarapaccayena paccayo… dve.

Majjhimo hetu dhammo majjhimassa hetussa dhammassa anantarapaccayena paccayo… dve.

Paṇīto hetu dhammo paṇītassa hetussa dhammassa anantarapaccayena paccayo… dve (saṃkhittaṃ).

178. Hetuyā tīṇi, ārammaṇe pañca, adhipatiyā pañca…pe. … avigate tīṇi (saṃkhittaṃ).

Nahetuyā aṭṭha, naārammaṇe aṭṭha (saṃkhittaṃ).

Hetupaccayā naārammaṇe tīṇi (saṃkhittaṃ).

Nahetupaccayā ārammaṇe pañca (saṃkhittaṃ).

(Yathā kusalattike pañhāvāraṃ, evaṃ vitthāretabbaṃ.)

Nahetupadaṃ

Hetupaccayo

179. Hīnaṃ nahetuṃ dhammaṃ paṭicca hīno nahetu dhammo uppajjati hetupaccayā.

(Yathā saṃkiliṭṭhattikahetudukaṃ, evaṃ vitthāretabbaṃ.)