Namo tassa bhagavato arahato sammāsambuddhassa.

Vessantarāgīti

[Ka]

Bāttiṃsalakkhaṇūpeta,

Dātabbaṃ dadataṃ vara;

Vessantaratta māpādi,

Sañcaraṃ bhavasāgare.

[Kha]

Dvandaṃdvandaṃ sañcarantī,

Janānande yasodhīre;

Maddittaṃ samupāgañchi,

Tvaṃpitena bhavaṇṇave.

[Ga]

Tumhaṃdāni pavakkhāmi,

Upattiṃ nandiniṃ tahiṃ;

Dajjahvovo mamokāsaṃ,

Kavayo pyābhinandatha.

1. Ekanavutehito kappe,

Vipassīnāma nāyako;

Vineyye tārayaṃkhemaṃ,

Loke uppajjicakkhumā.

2. Khemārāmamhi sambuddho,

Migadāye manorame;

Nissāya bandhumatiṃso,

Vihāsi nagaraṃtadā.

3. Rajjaṃdhammena kāresi,

Nagaretamhi bandhumā;

Rājātassa duvedhītā,

Āsuṃ sabbaṅgasobhaṇā.

4. Ekohi ekadārājā,

Bandhumassa supesayi;

Sahassagghanikaṃ soṇṇa-

Mālañcā naggha candanaṃ.

5. Adāsi bandhumārājā,

Pitājeṭṭhāya candanaṃ;

Soṇṇamālaṃ kaniṭṭhāya,

Tahiṃ viyāya dhītuyā.

6. Ubhotāpīti cintesuṃ,

Natthatthovata tehino;

Bhagyavantassa pūjema,

Saṃpasādena cetasā.

7. Tatosācandanaṃ cuṇṇaṃ-

Kārāpetvāna jeṭṭhakā;

Gantvāna vihāraṃ soṇṇa,

Vaṇṇaṃpūjesi nāyakaṃ.

8. Vikiritvā tu sāgandha,

Kuṭiyaṃ sesacandanaṃ;

Evañhi patthanaṃ kāsi,

Buddhamātā bhavāmahaṃ.

9. Kāretvā soṇṇamālaṃtu,

Uracchada pasādanaṃ;

Pūjesi hemavaṇṇaṃsā,

Bhagavantaṃ kaniṭṭhakā.

10. Evampi patthanaṃkāsi,

Idaṃmama pasādanaṃ;

Sarīre niccalā ṭhātu,

Carantiyā bhavābhavaṃ.

11. Ubhopi rājakaññātā,

Ṭhatvāna yāvatā yukaṃ;

Upapajjiṃsu sovaggaṃ,

Cutāsukha pamodanaṃ.

12. Manussadeva lokesu,

Saṃsariṃsu sukhaṃduve;

Ekanavuti kappāni,

Muccitvā pāyadukkhato.

13. Kassapassa kāletāsu,

Kaniṭṭhā kikirājino;

Dhītā uracchadānāma,

Hutvāna parinibbutā.

14. Jeṭṭhakā pana dhītāsi,

Kikissa rājino tahiṃ;

Dhammānāma damitā sā,

Komāra brahmacārinī.

15. Tatoca vitvāna sā deva,

Manussesu punappunaṃ;

Saṃsarantī mahesīsi,

Pūrindadassa ekadā.

16. Rattacandana lepena,

Limpita dehinī hisā;

Katapuñña visesena,

Nāmena phussatīhvitā.

17. Devindo aññadādisvā,

Parikkhīṇāyukaṃ viyaṃ;

Deviṃ taṃ parivārena,

Mahatā nesinandanaṃ.

18. Sirīsayana piṭṭhamhi,

Taṃsayāviya māghavā;

Ṭhito sayanapassamhi,

Phussatiṃ etadabravī.

19. Varetedasadassāmi,

Phussatevaravaṇṇike;

Tvaṃñhiicchasiyeladdhuṃ,

Labhāpessāmitevare.

20. Sutvātaṃ phussatīdevī,

Lomahaṃ sanarūpinī;

Khīṇāyutamajānantī,

Attano etadabravī.

21. Pāpaṃnu tvayi deviṃnda,

Kataṃme appiyāthate;

Rammāme cavanaṃ icchaṃ,

Maññebhaṇaṃti īdisaṃ.

22. Natebhadde kataṃpāpaṃ,

Nacame appiyātuvaṃ;

Puññaṃtute parikkhīṇaṃ,

Tasmā te vaṃvadāmahaṃ.

23. Santike maraṇaṃ tuyhaṃ,

Vinābhāvo bhavissati;

Paṭiggaṇhāhi me ete,

Varedasa pavacchato.

24. Sakkassavacanaṃ sutvā,

Ñātvāmaraṇa mattano;

Varesā laddhumicchantī,

Devindameta dabravī.

25. Ito cutāsahassakkhi,

Sīvirājanivesane;

Mahesī phussatīnāma,

Nīlanettā yathāmigī.

26. Assaṃ nīlabhamukāhaṃ,

Labheyyaṃ puttamuttamaṃ;

Dhārenti yācamegabbhaṃ,

Majjhimaṅgaṃ anunnataṃ.

27. Palitāna virūhantu,

Alambāca payoro;

Kāyerajo nalimpetha,

Vajjhañcāpi pamocaye.

28. Yeyācitā varābhadde,

Tayādasa mayātava;

Dinnāte tuṭṭhacittena,

Sabbelacchasi mānuse.

29. Tatocavitvāna sādeva-

Lokā nibbatti icchiyaṃ;

Mahesiyā paṭisandhi-

Vasena maddarājino.

30. Dasamā saccayenesā,

Dhītaraṃ maddarājinī;

Heṭṭhāsusetacchattassa,

Vijāyi seṭṭharūpiniṃ.

31. Rattacandana lepena,

Esālimpi tadehinī;

Tenassā brāhmaṇānāmaṃ,

Akaṃsu phussatīiti.

32. Saññākāra doḷāruḷa-

Maṅgalādīni kātuna;

Mahatā parihārena,

Posiṃsu khattiyāniyo.

33. Madhūrakhīra sampannā,

Siniddhapīṇa yobbanā;

Dhātiyo khattiyānītaṃ,

Khīraṃpāyiṃsu yāpanaṃ.

34. Saṅkamantīva vuddhāsā,