໒໑. ຠຊຕິວາໂຣ

໓໑໘. ວິວາທາຘິກຣຓໍ ຈຕຸນ຺ນໍ ອຘິກຣຓານໍ ກຕມໍ ອຘິກຣຓໍ ຠຊຕິ? ກຕມໍ ອຘິກຣຓໍ ອຸປນິສ຺ສິຕໍ? ກຕມໍ ອຘິກຣຓໍ ປຣິຍາປນ຺ນໍ? ກຕເມນ ອຘິກຣເຓນ ສງ຺ຄຫິຕໍ?

ອນຸວາທາຘິກຣຓໍ ຈຕຸນ຺ນໍ ອຘິກຣຓານໍ ກຕມໍ ອຘິກຣຓໍ ຠຊຕິ? ກຕມໍ ອຘິກຣຓໍ ອຸປນິສ຺ສິຕໍ? ກຕມໍ ອຘິກຣຓໍ ປຣິຍາປນ຺ນໍ? ກຕເມນ ອຘິກຣເຓນ ສງ຺ຄຫິຕໍ?

ອາປຕ຺ຕາຘິກຣຓໍ ຈຕຸນ຺ນໍ ອຘິກຣຓານໍ ກຕມໍ ອຘິກຣຓໍ ຠຊຕິ? ກຕມໍ ອຘິກຣຓໍ ອຸປນິສ຺ສິຕໍ? ກຕມໍ ອຘິກຣຓໍ ປຣິຍາປນ຺ນໍ? ກຕເມນ ອຘິກຣເຓນ ສງ຺ຄຫິຕໍ?

ກິຈ຺ຈາຘິກຣຓໍ ຈຕຸນ຺ນໍ ອຘິກຣຓານໍ ກຕມໍ ອຘິກຣຓໍ ຠຊຕິ? ກຕມໍ ອຘິກຣຓໍ ອຸປນິສ຺ສິຕໍ? ກຕມໍ ອຘິກຣຓໍ ປຣິຍາປນ຺ນໍ? ກຕເມນ ອຘິກຣເຓນ ສງ຺ຄຫິຕໍ?

ວິວາທາຘິກຣຓໍ ຈຕຸນ຺ນໍ ອຘິກຣຓານໍ ວິວາທາຘິກຣຓໍ ຠຊຕິ, ວິວາທາຘິກຣຓໍ ອຸປນິສ຺ສິຕໍ, ວິວາທາຘິກຣຓໍ ປຣິຍາປນ຺ນໍ, ວິວາທາຘິກຣເຓນ ສງ຺ຄຫິຕໍ.

ອນຸວາທາຘິກຣຓໍ ຈຕຸນ຺ນໍ ອຘິກຣຓານໍ ອນຸວາທາຘິກຣຓໍ ຠຊຕິ, ອນຸວາທາຘິກຣຓໍ ອຸປນິສ຺ສິຕໍ, ອນຸວາທາຘິກຣຓໍ ປຣິຍາປນ຺ນໍ, ອນຸວາທາຘິກຣເຓນ ສງ຺ຄຫິຕໍ.

ອາປຕ຺ຕາຘິກຣຓໍ ຈຕຸນ຺ນໍ ອຘິກຣຓານໍ ອາປຕ຺ຕາຘິກຣຓໍ ຠຊຕິ, ອາປຕ຺ຕາຘິກຣຓໍ ອຸປນິສ຺ສິຕໍ, ອາປຕ຺ຕາຘິກຣຓໍ ປຣິຍາປນ຺ນໍ, ອາປຕ຺ຕາຘິກຣເຓນ ສງ຺ຄຫິຕໍ.

ກິຈ຺ຈາຘິກຣຓໍ ຈຕຸນ຺ນໍ ອຘິກຣຓານໍ ກິຈ຺ຈາຘິກຣຓໍ ຠຊຕິ, ກິຈ຺ຈາຘິກຣຓໍ ອຸປນິສ຺ສິຕໍ, ກິຈ຺ຈາຘິກຣຓໍ ປຣິຍາປນ຺ນໍ, ກິຈ຺ຈາຘິກຣເຓນ ສງ຺ຄຫິຕໍ.

໓໑໙. ວິວາທາຘິກຣຓໍ ສຕ຺ຕນ຺ນໍ ສມຖານໍ ກຕິ ສມເຖ ຠຊຕິ, ກຕິ ສມເຖ ອຸປນິສ຺ສິຕໍ, ກຕິ ສມເຖ ປຣິຍາປນ຺ນໍ, ກຕິຫິ ສມເຖຫິ ສງ຺ຄຫິຕໍ, ກຕິຫິ ສມເຖຫິ ສມ຺ມຕິ?

ອນຸວາທາຘິກຣຓໍ ສຕ຺ຕນ຺ນໍ ສມຖານໍ ກຕິ ສມເຖ ຠຊຕິ, ກຕິ ສມເຖ ອຸປນິສ຺ສິຕໍ, ກຕິ ສມເຖ ປຣິຍາປນ຺ນໍ, ກຕິຫິ ສມເຖຫິ ສງ຺ຄຫິຕໍ, ກຕິຫິ ສມເຖຫິ ສມ຺ມຕິ?

ອາປຕ຺ຕາຘິກຣຓໍ ສຕ຺ຕນ຺ນໍ ສມຖານໍ ກຕິ ສມເຖ ຠຊຕິ, ກຕິ ສມເຖ ອຸປນິສ຺ສິຕໍ, ກຕິ ສມເຖ ປຣິຍາປນ຺ນໍ, ກຕິຫິ ສມເຖຫິ ສງ຺ຄຫິຕໍ, ກຕິຫິ ສມເຖຫິ ສມ຺ມຕິ?

ກິຈ຺ຈາຘິກຣຓໍ ສຕ຺ຕນ຺ນໍ ສມຖານໍ ກຕິ ສມເຖ ຠຊຕິ, ກຕິ ສມເຖ ອຸປນິສ຺ສິຕໍ, ກຕິ ສມເຖ ປຣິຍາປນ຺ນໍ, ກຕິຫິ ສມເຖຫິ ສງ຺ຄຫິຕໍ, ກຕິຫິ ສມເຖຫິ ສມ຺ມຕິ?

ວິວາທາຘິກຣຓໍ ສຕ຺ຕນ຺ນໍ ສມຖານໍ ທ຺ເວ ສມເຖ ຠຊຕິ, ທ຺ເວ ສມເຖ ອຸປນິສ຺ສິຕໍ, ທ຺ເວ ສມເຖ ປຣິຍາປນ຺ນໍ, ທ຺ວີຫິ ສມເຖຫິ ສງ຺ຄຫິຕໍ, ທ຺ວີຫິ ສມເຖຫິ ສມ຺ມຕິ – ສມ຺ມຸຂາວິນເຍນ ຈ ເຍຠຸຍ຺ຍສິກາຍ ຈ.

ອນຸວາທາຘິກຣຓໍ ສຕ຺ຕນ຺ນໍ ສມຖານໍ ຈຕ຺ຕາໂຣ ສມເຖ ຠຊຕິ, ຈຕ຺ຕາໂຣ ສມເຖ ອຸປນິສ຺ສິຕໍ, ຈຕ຺ຕາໂຣ ສມເຖ ປຣິຍາປນ຺ນໍ, ຈຕູຫິ ສມເຖຫິ ສງ຺ຄຫິຕໍ, ຈຕູຫິ ສມເຖຫິ ສມ຺ມຕິ – ສມ຺ມຸຂາວິນເຍນ ຈ ສຕິວິນເຍນ ຈ ອມູຬ຺ຫວິນເຍນ ຈ ຕສ຺ສປາປິຍສິກາຍ ຈ.

ອາປຕ຺ຕາຘິກຣຓໍ ສຕ຺ຕນ຺ນໍ ສມຖານໍ ຕໂຍ ສມເຖ ຠຊຕິ, ຕໂຍ ສມເຖ ອຸປນິສ຺ສິຕໍ, ຕໂຍ ສມເຖ ປຣິຍາປນ຺ນໍ, ຕີຫິ ສມເຖຫິ ສງ຺ຄຫິຕໍ ຕີຫິ ສມເຖຫິ ສມ຺ມຕິ – ສມ຺ມຸຂາວິນເຍນ ຈ ປຏິຎ຺ຎາຕກຣເຓນ ຕິຓວຕ຺ຖາຣເກນ ຈ.

ກິຈ຺ຈາຘິກຣຓໍ ສຕ຺ຕນ຺ນໍ ສມຖານໍ ເອກໍ ສມຖໍ ຠຊຕິ, ເອກໍ ສມຖໍ ອຸປນິສ຺ສິຕໍ, ເອກໍ ສມຖໍ ປຣິຍາປນ຺ນໍ, ເອເກນ ສມເຖນ ສງ຺ຄຫິຕໍ, ເອເກນ ສມເຖນ ສມ຺ມຕິ – ສມ຺ມຸຂາວິນເຍນາຕິ.

ຠຊຕິວາໂຣ ນິຏ຺ຐິໂຕ ເອກວີສຕິໂມ.

ສມຖເຠໂທ ນິຏ຺ຐິໂຕ.

ຕສ຺ສຸທ຺ທານໍ –

ອຘິກຣຓໍ ປຣິຍາຍໍ, ສາຘາຣຓາ ຈ ຠາຄິຍາ;

ສມຖາ ສາຘາຣຓິກາ, ສມຖສ຺ສ ຕພ຺ຠາຄິຍາ.

ສມຖາ ສມ຺ມຸຂາ ເຈວ, ວິນເຍນ ກຸສເລນ ຈ;

ຍຕ຺ຖ ສມຖສໍສຏ຺ຐາ, ສມ຺ມນ຺ຕິ ນ ສມ຺ມນ຺ຕິ ຈ.

ສມຖາຘິກຣຓຎ຺ເຈວ, ສມຸຏ຺ຐານໍ ຠຊນ຺ຕິ ຈາຕິ.