໑໕. ສມຖວາໂຣ, ວິສ຺ສຊ຺ຊນາວາໂຣ

໓໐໕. ຍສ຺ມິໍ ສມເຍ ສມ຺ມຸຂາວິນເຍນ ຈ ເຍຠຸຍ຺ຍສິກາຍ ຈ ອຘິກຣຓໍ ວູປສມ຺ມຕິ, ຍຕ຺ຖ ເຍຠຸຍ຺ຍສິກາ ລພ຺ຠຕິ ຕຕ຺ຖ ສມ຺ມຸຂາວິນໂຍ ລພ຺ຠຕິ, ຍຕ຺ຖ ສມ຺ມຸຂາວິນໂຍ ລພ຺ຠຕິ ຕຕ຺ຖ ເຍຠຸຍ຺ຍສິກາ ລພ຺ຠຕິ. ນ ຕຕ຺ຖ ສຕິວິນໂຍ ລພ຺ຠຕິ, ນ ຕຕ຺ຖ ອມູຬ຺ຫວິນໂຍ ລພ຺ຠຕິ, ນ ຕຕ຺ຖ ປຏິຎ຺ຎາຕກຣຓໍ ລພ຺ຠຕິ, ນ ຕຕ຺ຖ ຕສ຺ສປາປິຍສິກາ ລພ຺ຠຕິ, ນ ຕຕ຺ຖ ຕິຓວຕ຺ຖາຣໂກ ລພ຺ຠຕິ.

ຍສ຺ມິໍ ສມເຍ ສມ຺ມຸຂາວິນເຍນ ຈ ສຕິວິນເຍນ ຈ ອຘິກຣຓໍ ວູປສມ຺ມຕິ, ຍຕ຺ຖ ສຕິວິນໂຍ ລພ຺ຠຕິ ຕຕ຺ຖ ສມ຺ມຸຂາວິນໂຍ ລພ຺ຠຕິ, ຍຕ຺ຖ ສມ຺ມຸຂາວິນໂຍ ລພ຺ຠຕິ ຕຕ຺ຖ ສຕິວິນໂຍ ລພ຺ຠຕິ. ນ ຕຕ຺ຖ ອມູຬ຺ຫວິນໂຍ ລພ຺ຠຕິ, ນ ຕຕ຺ຖ ປຏິຎ຺ຎາຕກຣຓໍ ລພ຺ຠຕິ, ນ ຕຕ຺ຖ ຕສ຺ສປາປິຍສິກາ ລພ຺ຠຕິ, ນ ຕຕ຺ຖ ຕິຓວຕ຺ຖາຣໂກ ລພ຺ຠຕິ, ນ ຕຕ຺ຖ ເຍຠຸຍ຺ຍສິກາ ລພ຺ຠຕິ.

ຍສ຺ມິໍ ສມເຍ ສມ຺ມຸຂາວິນເຍນ ຈ ອມູຬ຺ຫວິນເຍນ ຈ ອຘິກຣຓໍ ວູປສມ຺ມຕິ, ຍຕ຺ຖ ອມູຬ຺ຫວິນໂຍ ລພ຺ຠຕິ ຕຕ຺ຖ ສມ຺ມຸຂາວິນໂຍ ລພ຺ຠຕິ, ຍຕ຺ຖ ສມ຺ມຸຂາວິນໂຍ ລພ຺ຠຕິ ຕຕ຺ຖ ອມູຬ຺ຫວິນໂຍ ລພ຺ຠຕິ. ນ ຕຕ຺ຖ ປຏິຎ຺ຎາຕກຣຓໍ ລພ຺ຠຕິ, ນ ຕຕ຺ຖ ຕສ຺ສປາປິຍສິກາ ລພ຺ຠຕິ, ນ ຕຕ຺ຖ ຕິຓວຕ຺ຖາຣໂກ ລພ຺ຠຕິ, ນ ຕຕ຺ຖ ເຍຠຸຍ຺ຍສິກາ ລພ຺ຠຕິ, ນ ຕຕ຺ຖ ສຕິວິນໂຍ ລພ຺ຠຕິ.

ຍສ຺ມິໍ ສມເຍ ສມ຺ມຸຂາວິນເຍນ ຈ ປຏິຎ຺ຎາຕກຣເຓນ ຈ ອຘິກຣຓໍ ວູປສມ຺ມຕິ, ຍຕ຺ຖ ປຏິຎ຺ຎາຕກຣຓໍ ລພ຺ຠຕິ ຕຕ຺ຖ ສມ຺ມຸຂາວິນໂຍ ລພ຺ຠຕິ, ຍຕ຺ຖ ສມ຺ມຸຂາວິນໂຍ ລພ຺ຠຕິ ຕຕ຺ຖ ປຏິຎ຺ຎາຕກຣຓໍ ລພ຺ຠຕິ. ນ ຕຕ຺ຖ ຕສ຺ສປາປິຍສິກາ ລພ຺ຠຕິ, ນ ຕຕ຺ຖ ຕິຓວຕ຺ຖາຣໂກ ລພ຺ຠຕິ, ນ ຕຕ຺ຖ ເຍຠຸຍ຺ຍສິກາ ລພ຺ຠຕິ, ນ ຕຕ຺ຖ ສຕິວິນໂຍ ລພ຺ຠຕິ, ນ ຕຕ຺ຖ ອມູຬ຺ຫວິນໂຍ ລພ຺ຠຕິ.

ຍສ຺ມິໍ ສມເຍ ສມ຺ມຸຂາວິນເຍນ ຈ ຕສ຺ສປາປິຍສິກາຍ ຈ ອຘິກຣຓໍ ວູປສມ຺ມຕິ, ຍຕ຺ຖ ຕສ຺ສປາປິຍສິກາ ລພ຺ຠຕິ ຕຕ຺ຖ ສມ຺ມຸຂາວິນໂຍ ລພ຺ຠຕິ, ຍຕ຺ຖ ສມ຺ມຸຂາວິນໂຍ ລພ຺ຠຕິ ຕຕ຺ຖ ຕສ຺ສປາປິຍສິກາ ລພ຺ຠຕິ. ນ ຕຕ຺ຖ ຕິຓວຕ຺ຖາຣໂກ ລພ຺ຠຕິ, ນ ຕຕ຺ຖ ເຍຠຸຍ຺ຍສິກາ ລພ຺ຠຕິ, ນ ຕຕ຺ຖ ສຕິວິນໂຍ ລພ຺ຠຕິ, ນ ຕຕ຺ຖ ອມູຬ຺ຫວິນໂຍ ລພ຺ຠຕິ, ນ ຕຕ຺ຖ ປຏິຎ຺ຎາຕກຣຓໍ ລພ຺ຠຕິ.

ຍສ຺ມິໍ ສມເຍ ສມ຺ມຸຂາວິນເຍນ ຈ ຕິຓວຕ຺ຖາຣເກນ ຈ ອຘິກຣຓໍ ວູປສມ຺ມຕິ, ຍຕ຺ຖ ຕິຓວຕ຺ຖາຣໂກ ລພ຺ຠຕິ ຕຕ຺ຖ ສມ຺ມຸຂາວິນໂຍ ລພ຺ຠຕິ, ຍຕ຺ຖ ສມ຺ມຸຂາວິນໂຍ ລພ຺ຠຕິ ຕຕ຺ຖ ຕິຓວຕ຺ຖາຣໂກ ລພ຺ຠຕິ. ນ ຕຕ຺ຖ ເຍຠຸຍ຺ຍສິກາ ລພ຺ຠຕິ, ນ ຕຕ຺ຖ ສຕິວິນໂຍ ລພ຺ຠຕິ, ນ ຕຕ຺ຖ ອມູຬ຺ຫວິນໂຍ ລພ຺ຠຕິ, ນ ຕຕ຺ຖ ປຏິຎ຺ຎາຕກຣຓໍ ລພ຺ຠຕິ, ນ ຕຕ຺ຖ ຕສ຺ສປາປິຍສິກາ ລພ຺ຠຕິ.

ສມຖວາໂຣ ນິຏ຺ຐິໂຕ ປນ຺ນຣສໂມ.