໑໓. ກຸສລວາໂຣ

໓໐໓. ສມ຺ມຸຂາວິນໂຍ ກຸສໂລ ອກຸສໂລ ອພ຺ຍາກໂຕ? ເຍຠຸຍ຺ຍສິກາ ກຸສລາ ອກຸສລາ ອພ຺ຍາກຕາ? ສຕິວິນໂຍ ກຸສໂລ ອກຸສໂລ ອພ຺ຍາກໂຕ? ອມູຬ຺ຫວິນໂຍ ກຸສໂລ ອກຸສໂລ ອພ຺ຍາກໂຕ? ປຏິຎ຺ຎາຕກຣຓໍ ກຸສລໍ ອກຸສລໍ ອພ຺ຍາກຕໍ? ຕສ຺ສປາປິຍສິກາ ກຸສລາ ອກຸສລາ ອພ຺ຍາກຕາ? ຕິຓວຕ຺ຖາຣໂກ ກຸສໂລ ອກຸສໂລ ອພ຺ຍາກໂຕ?

ສມ຺ມຸຂາວິນໂຍ ສິຍາ ກຸສໂລ, ສິຍາ ອພ຺ຍາກໂຕ. ນຕ຺ຖິ ສມ຺ມຸຂາວິນໂຍ ອກຸສໂລ.

ເຍຠຸຍ຺ຍສິກາ ສິຍາ ກຸສລາ, ສິຍາ ອກຸສລາ, ສິຍາ ອພ຺ຍາກຕາ.

ສຕິວິນໂຍ ສິຍາ ກຸສໂລ, ສິຍາ ອກຸສໂລ, ສິຍາ ອພ຺ຍາກໂຕ.

ອມູຬ຺ຫວິນໂຍ ສິຍາ ກຸສໂລ, ສິຍາ ອກຸສໂລ, ສິຍາ ອພ຺ຍາກໂຕ.

ປຏິຎ຺ຎາຕກຣຓໍ ສິຍາ ກຸສລໍ, ສິຍາ ອກຸສລໍ, ສິຍາ ອພ຺ຍາກຕໍ.

ຕສ຺ສປາປິຍສິກາ ສິຍາ ກຸສລາ, ສິຍາ ອກຸສລາ ສິຍາ ອພ຺ຍາກຕາ.

ຕິຓວຕ຺ຖາຣໂກ ສິຍາ ກຸສໂລ, ສິຍາ ອກຸສໂລ, ສິຍາ ອພ຺ຍາກໂຕ.

ວິວາທາຘິກຣຓໍ ກຸສລໍ ອກຸສລໍ ອພ຺ຍາກຕໍ. ອນຸວາທາຘິກຣຓໍ ກຸສລໍ ອກຸສລໍ ອພ຺ຍາກຕໍ. ອາປຕ຺ຕາຘິກຣຓໍ ກຸສລໍ ອກຸສລໍ ອພ຺ຍາກຕໍ. ກິຈ຺ຈາຘິກຣຓໍ ກຸສລໍ ອກຸສລໍ ອພ຺ຍາກຕໍ.

ວິວາທາຘິກຣຓໍ ສິຍາ ກຸສລໍ, ສິຍາ ອກຸສລໍ, ສິຍາ ອພ຺ຍາກຕໍ.

ອນຸວາທາຘິກຣຓໍ ສິຍາ ກຸສລໍ, ສິຍາ ອກຸສລໍ, ສິຍາ ອພ຺ຍາກຕໍ.

ອາປຕ຺ຕາຘິກຣຓໍ ສິຍາ ອກຸສລໍ, ສິຍາ ອພ຺ຍາກຕໍ. ນຕ຺ຖິ ອາປຕ຺ຕາຘິກຣຓໍ ກຸສລໍ.

ກິຈ຺ຈາຘິກຣຓໍ ສິຍາ ກຸສລໍ, ສິຍາ ອກຸສລໍ, ສິຍາ ອພ຺ຍາກຕໍ.

ກຸສລວາໂຣ ນິຏ຺ຐິໂຕ ເຕຣສໂມ.