໘. ກຸມາຣີຠູຕວຄ຺ໂຄ

໒໒໕. ອູນວີສຕິວສ຺ສໍ ກຸມາຣິຠູຕໍ ວຸຏ຺ຐາເປນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ສມ຺ພຫຸລາ ຠິກ຺ຂຸນິໂຍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ສມ຺ພຫຸລາ ຠິກ຺ຂຸນິໂຍ ອູນວີສຕິວສ຺ສໍ ກຸມາຣິຠູຕໍ ວຸຏ຺ຐາເປສຸໍ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ຕີຫິ ສມຸຏ຺ຐາເນຫິ ສມຸຏ຺ຐາຕິ…ເປ….

ປຣິປຸຓ຺ຓວີສຕິວສ຺ສໍ ກຸມາຣິຠູຕໍ ທ຺ເວ ວສ຺ສານິ ຉສຸ ຘມ຺ເມສຸ ອສິກ຺ຂິຕສິກ຺ຂໍ ວຸຏ຺ຐາເປນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ສມ຺ພຫຸລາ ຠິກ຺ຂຸນິໂຍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ສມ຺ພຫຸລາ ຠິກ຺ຂຸນິໂຍ ປຣິປຸຓ຺ຓວີສຕິວສ຺ສໍ ກຸມາຣິຠູຕໍ ທ຺ເວ ວສ຺ສານິ ຉສຸ ຘມ຺ເມສຸ ອສິກ຺ຂິຕສິກ຺ຂໍ ວຸຏ຺ຐາເປສຸໍ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ຕີຫິ ສມຸຏ຺ຐາເນຫິ ສມຸຏ຺ຐາຕິ…ເປ….

ປຣິປຸຓ຺ຓວີສຕິວສ຺ສໍ ກຸມາຣິຠູຕໍ ທ຺ເວ ວສ຺ສານິ ຉສຸ ຘມ຺ເມສຸ ສິກ຺ຂິຕສິກ຺ຂໍ ສງ຺ເຆນ ອສມ຺ມຕໍ ວຸຏ຺ຐາເປນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ສມ຺ພຫຸລາ ຠິກ຺ຂຸນິໂຍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ສມ຺ພຫຸລາ ຠິກ຺ຂຸນິໂຍ ປຣິປຸຓ຺ຓວີສຕິວສ຺ສໍ ກຸມາຣິຠູຕໍ ທ຺ເວ ວສ຺ສານິ ຉສຸ ຘມ຺ເມສຸ ສິກ຺ຂິຕສິກ຺ຂໍ ສງ຺ເຆນ ອສມ຺ມຕໍ ວຸຏ຺ຐາເປສຸໍ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ຕີຫິ ສມຸຏ຺ຐາເນຫິ ສມຸຏ຺ຐາຕິ…ເປ….

ອູນທ຺ວາທສວສ຺ສາຍ ວຸຏ຺ຐາເປນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ສມ຺ພຫຸລາ ຠິກ຺ຂຸນິໂຍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ສມ຺ພຫຸລາ ຠິກ຺ຂຸນິໂຍ ອູນທ຺ວາທສວສ຺ສາ ວຸຏ຺ຐາເປສຸໍ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ຕີຫິ ສມຸຏ຺ຐາເນຫິ ສມຸຏ຺ຐາຕິ…ເປ….

ປຣິປຸຓ຺ຓທ຺ວາທສວສ຺ສາຍ ສງ຺ເຆນ ອສມ຺ມຕາຍ ວຸຏ຺ຐາເປນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ສມ຺ພຫຸລາ ຠິກ຺ຂຸນິໂຍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ສມ຺ພຫຸລາ ຠິກ຺ຂຸນິໂຍ ປຣິປຸຓ຺ຓທ຺ວາທສວສ຺ສາ ສງ຺ເຆນ ອສມ຺ມຕາ ວຸຏ຺ຐາເປສຸໍ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ຕີຫິ ສມຸຏ຺ຐາເນຫິ ສມຸຏ຺ຐາຕິ – ທຸຕິຍປາຣາຊິເກ…ເປ….

‘‘ອລໍ ຕາວ ເຕ, ອຍ຺ເຍ, ວຸຏ຺ຐາປິເຕນາ’’ຕິ ວຸຈ຺ຈມານາຍ ‘‘ສາຘູ’’ຕິ ປຏິສ຺ສຸຓິຕ຺ວາ ປຈ຺ຉາ ຂີຍນຘມ຺ມໍ ອາປຊ຺ຊນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ຈຓ຺ຑກາຬິໍ ຠິກ຺ຂຸນິໍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ຈຓ຺ຑກາຬີ ຠິກ຺ຂຸນີ ‘‘ອລໍ ຕາວ ເຕ, ອຍ຺ເຍ, ວຸຏ຺ຐາປິເຕນາ’’ຕິ ວຸຈ຺ຈມານາ ‘‘ສາຘູ’’ຕິ ປຏິສ຺ສຸຓິຕ຺ວາ ປຈ຺ຉາ ຂີຍນຘມ຺ມໍ ອາປຊ຺ຊິ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ຕີຫິ ສມຸຏ຺ຐາເນຫິ ສມຸຏ຺ຐາຕິ…ເປ….

ສິກ຺ຂມານໍ – ‘‘ສເຈ ເມ ຕ຺ວໍ, ອຍ຺ເຍ, ຈີວຣໍ ທສ຺ສສິ, ເອວາຫໍ ຕໍ ວຸຏ຺ຐາເປສ຺ສາມີ’’ຕິ ວຕ຺ວາ ເນວ ວຸຏ຺ຐາເປນ຺ຕິຍາ ນ ວຸຏ຺ຐາປນາຍ ອຸສ຺ສຸກ຺ກໍ ກໂຣນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ຖຸລ຺ລນນ຺ທໍ ຠິກ຺ຂຸນິໍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ຖຸລ຺ລນນ຺ທາ ຠິກ຺ຂຸນີ ສິກ຺ຂມານໍ – ‘‘ສເຈ ເມ ຕ຺ວໍ, ອຍ຺ເຍ, ຈີວຣໍ ທສ຺ສສິ, ເອວາຫໍ ຕໍ ວຸຏ຺ຐາເປສ຺ສາມີ’’ຕິ ວຕ຺ວາ ເນວ ວຸຏ຺ຐາເປສິ ນ ວຸຏ຺ຐາປນາຍ ອຸສ຺ສຸກ຺ກໍ ອກາສິ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ເອເກນ ສມຸຏ຺ຐາເນນ ສມຸຏ຺ຐາຕິ – ຘຸຣນິກ຺ເຂເປ…ເປ….

ສິກ຺ຂມານໍ – ‘‘ສເຈ ມໍ ຕ຺ວໍ, ອຍ຺ເຍ, ທ຺ເວ ວສ຺ສານິ ອນຸພນ຺ຘິສ຺ສສິ, ເອວາຫໍ ຕໍ ວຸຏ຺ຐາເປສ຺ສາມີ’’ຕິ ວຕ຺ວາ ເນວ ວຸຏ຺ຐາເປນ຺ຕິຍາ ນ ວຸຏ຺ຐາປນາຍ ອຸສ຺ສຸກ຺ກໍ ກໂຣນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ຖຸລ຺ລນນ຺ທໍ ຠິກ຺ຂຸນິໍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ຖຸລ຺ລນນ຺ທາ ຠິກ຺ຂຸນີ ສິກ຺ຂມານໍ – ‘‘ສເຈ ມໍ ຕ຺ວໍ, ອຍ຺ເຍ, ທ຺ເວ ວສ຺ສານິ ອນຸພນ຺ຘິສ຺ສສິ, ເອວາຫໍ ຕໍ ວຸຏ຺ຐາເປສ຺ສາມີ’’ຕິ ວຕ຺ວາ ເນວ ວຸຏ຺ຐາເປສິ ນ ວຸຏ຺ຐາປນາຍ ອຸສ຺ສຸກ຺ກໍ ອກາສິ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ເອເກນ ສມຸຏ຺ຐາເນນ ສມຸຏ຺ຐາຕິ – ຘຸຣນິກ຺ເຂເປ…ເປ….

ປຸຣິສສໍສຏ຺ຐໍ ກຸມາຣກສໍສຏ຺ຐໍ ຈຓ຺ຑິໍ ໂສກາວາສໍ ສິກ຺ຂມານໍ ວຸຏ຺ຐາເປນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ຖຸລ຺ລນນ຺ທໍ ຠິກ຺ຂຸນິໍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ຖຸລ຺ລນນ຺ທາ ຠິກ຺ຂຸນີ ປຸຣິສສໍສຏ຺ຐໍ ກຸມາຣກສໍສຏ຺ຐໍ ຈຓ຺ຑິໍ ໂສກາວາສໍ ສິກ຺ຂມານໍ ວຸຏ຺ຐາເປສິ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ຕີຫິ ສມຸຏ຺ຐາເນຫິ ສມຸຏ຺ຐາຕິ…ເປ….

ມາຕາປິຕູຫິ ວາ ສາມິເກນ ວາ ອນນຸຎ຺ຎາຕໍ ສິກ຺ຂມານໍ ວຸຏ຺ຐາເປນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ຖຸລ຺ລນນ຺ທໍ ຠິກ຺ຂຸນິໍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ຖຸລ຺ລນນ຺ທາ ຠິກ຺ຂຸນີ ມາຕາປິຕູຫິປິ ສາມິເກນາປິ ອນນຸຎ຺ຎາຕໍ ສິກ຺ຂມານໍ ວຸຏ຺ຐາເປສິ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ຈຕູຫິ ສມຸຏ຺ຐາເນຫິ ສມຸຏ຺ຐາຕິ – ສິຍາ ວາຈໂຕ ສມຸຏ຺ຐາຕິ, ນ ກາຍໂຕ ນ ຈິຕ຺ຕໂຕ; ສິຍາ ກາຍໂຕ ຈ ວາຈໂຕ ຈ ສມຸຏ຺ຐາຕິ, ນ ຈິຕ຺ຕໂຕ; ສິຍາ ວາຈໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ກາຍໂຕ; ສິຍາ ກາຍໂຕ ຈ ວາຈໂຕ ຈ ຈິຕ຺ຕໂຕ ຈ ສມຸຏ຺ຐາຕິ…ເປ….

ປາຣິວາສິກຉນ຺ທທາເນນ ສິກ຺ຂມານໍ ວຸຏ຺ຐາເປນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ຣາຊຄເຫ ປຎ຺ຎຕ຺ຕໍ. ກໍ ອາຣພ຺ຠາຕິ? ຖຸລ຺ລນນ຺ທໍ ຠິກ຺ຂຸນິໍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ຖຸລ຺ລນນ຺ທາ ຠິກ຺ຂຸນີ ປາຣິວາສິກຉນ຺ທທາເນນ ສິກ຺ຂມານໍ ວຸຏ຺ຐາເປສິ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ຕີຫິ ສມຸຏ຺ຐາເນຫິ ສມຸຏ຺ຐາຕິ…ເປ….

ອນຸວສ຺ສໍ ວຸຏ຺ຐາເປນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ສມ຺ພຫຸລາ ຠິກ຺ຂຸນິໂຍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ສມ຺ພຫຸລາ ຠິກ຺ຂຸນິໂຍ ອນຸວສ຺ສໍ ວຸຏ຺ຐາເປສຸໍ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ຕີຫິ ສມຸຏ຺ຐາເນຫິ ສມຸຏ຺ຐາຕິ…ເປ….

ເອກໍ ວສ຺ສໍ ທ຺ເວ ວຸຏ຺ຐາເປນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ສມ຺ພຫຸລາ ຠິກ຺ຂຸນິໂຍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ສມ຺ພຫຸລາ ຠິກ຺ຂຸນິໂຍ ເອກໍ ວສ຺ສໍ ທ຺ເວ ວຸຏ຺ຐາເປສຸໍ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ຕີຫິ ສມຸຏ຺ຐາເນຫິ ສມຸຏ຺ຐາຕິ…ເປ….

ກຸມາຣີຠູຕວຄ຺ໂຄ ອຏ຺ຐໂມ.