໖. ອາຣາມວຄ຺ໂຄ

໒໒໓. ຊານໍ ສຠິກ຺ຂຸກໍ ອາຣາມໍ ອນາປຸຈ຺ຉາ ປວິສນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ສມ຺ພຫຸລາ ຠິກ຺ຂຸນິໂຍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ສມ຺ພຫຸລາ ຠິກ຺ຂຸນິໂຍ ອາຣາມໍ ອນາປຸຈ຺ຉາ ປວິສິໍສຸ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ, ທ຺ເວ ອນຸປຎ຺ຎຕ຺ຕິໂຍ. ຉນ຺ນໍ ອາປຕ຺ຕິສມຸຏ຺ຐານານໍ ເອເກນ ສມຸຏ຺ຐາເນນ ສມຸຏ຺ຐາຕິ – ຘຸຣນິກ຺ເຂເປ…ເປ….

ຠິກ຺ຂຸໍ ອກ຺ໂກສນ຺ຕິຍາ ປຣິຠາສນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ເວສາລິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ຉພ຺ພຄ຺ຄິຍາ ຠິກ຺ຂຸນິໂຍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ຉພ຺ພຄ຺ຄິຍາ ຠິກ຺ຂຸນິໂຍ ອາຍສ຺ມນ຺ຕໍ ອຸປາລິໍ ອກ຺ໂກສິໍສຸ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ຕີຫິ ສມຸຏ຺ຐາເນຫິ ສມຸຏ຺ຐາຕິ…ເປ….

ຈຓ຺ຑີກຕາຍ ຄຓໍ ປຣິຠາສນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ຖຸລ຺ລນນ຺ທໍ ຠິກ຺ຂຸນິໍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ຖຸລ຺ລນນ຺ທາ ຠິກ຺ຂຸນີ ຈຓ຺ຑີກຕາຍ ຄຓໍ ປຣິຠາສິ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ຕີຫິ ສມຸຏ຺ຐາເນຫິ ສມຸຏ຺ຐາຕິ…ເປ….

ນິມນ຺ຕິຕາຍ ວາ ປວາຣິຕາຍ ວາ ຂາທນີຍໍ ວາ ໂຠຊນີຍໍ ວາ ອຎ຺ຎຕ຺ຣ ຠຸຎ຺ຊນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ສມ຺ພຫຸລາ ຠິກ຺ຂຸນິໂຍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ສມ຺ພຫຸລາ ຠິກ຺ຂຸນິໂຍ ຠຸຕ຺ຕາວິນິໂຍ ປວາຣິຕາ ອຎ຺ຎຕ຺ຣ ຠຸຎ຺ຊິໍສຸ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ຈຕູຫິ ສມຸຏ຺ຐາເນຫິ ສມຸຏ຺ຐາຕິ…ເປ….

ກຸລໍ ມຈ຺ຉຣາຍນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ອຎ຺ຎຕຣໍ ຠິກ຺ຂຸນິໍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ອຎ຺ຎຕຣາ ຠິກ຺ຂຸນີ ກຸລໍ ມຈ຺ຉຣາຍິ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ຕີຫິ ສມຸຏ຺ຐາເນຫິ ສມຸຏ຺ຐາຕິ…ເປ….

ອຠິກ຺ຂຸເກ ອາວາເສ ວສ຺ສໍ ວສນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ສມ຺ພຫຸລາ ຠິກ຺ຂຸນິໂຍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ສມ຺ພຫຸລາ ຠິກ຺ຂຸນິໂຍ ອຠິກ຺ຂຸເກ ອາວາເສ ວສ຺ສໍ ວສິໍສຸ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ທ຺ວີຫິ ສມຸຏ຺ຐາເນຫິ ສມຸຏ຺ຐາຕິ – ເອຬກໂລມເກ…ເປ….

ວສ຺ສໍວຸຏ຺ຐາຍ ຠິກ຺ຂຸນິຍາ ອຸຠໂຕສງ຺ເຆ ຕີຫິ ຐາເນຫິ ນ ປວາເຣນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ສມ຺ພຫຸລາ ຠິກ຺ຂຸນິໂຍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ສມ຺ພຫຸລາ ຠິກ຺ຂຸນິໂຍ ວສ຺ສໍວຸຏ຺ຐາ ຠິກ຺ຂຸສງ຺ຆໍ [ຠິກ຺ຂຸນິສໍເຆ (ກ.)] ນ ປວາເຣສຸໍ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ເອເກນ ສມຸຏ຺ຐາເນນ ສມຸຏ຺ຐາຕິ – ຘຸຣນິກ຺ເຂເປ…ເປ….

ໂອວາທາຍ ວາ ສໍວາສາຍ ວາ ນ ຄຈ຺ຉນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສກ຺ເກສຸ ປຎ຺ຎຕ຺ຕໍ. ກໍ ອາຣພ຺ຠາຕິ? ຉພ຺ພຄ຺ຄິຍາ ຠິກ຺ຂຸນິໂຍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ຉພ຺ພຄ຺ຄິຍາ ຠິກ຺ຂຸນິໂຍ ໂອວາທໍ ນ ຄຈ຺ຉິໍສຸ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ເອເກນ ສມຸຏ຺ຐາເນນ ສມຸຏ຺ຐາຕິ – ປຐມປາຣາຊິເກ…ເປ….

ອຸໂປສຖມ຺ປິ ນ ປຸຈ຺ຉນ຺ຕິຍາ ໂອວາທມ຺ປິ ນ ຍາຈນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ສມ຺ພຫຸລາ ຠິກ຺ຂຸນິໂຍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ສມ຺ພຫຸລາ ຠິກ຺ຂຸນິໂຍ ອຸໂປສຖມ຺ປິ ນ ປຸຈ຺ຉິໍສຸ ໂອວາທມ຺ປິ ນ ຍາຈິໍສຸ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ເອເກນ ສມຸຏ຺ຐາເນນ ສມຸຏ຺ຐາຕິ – ຘຸຣນິກ຺ເຂເປ…ເປ….

ປສາເຂ ຊາຕໍ ຄຓ຺ຑໍ ວາ ຣຸຘິຕໍ [ຣຸຫິຕໍ (ສີ. ສ຺ຍາ.)] ວາ ອນປໂລເກຕ຺ວາ ສງ຺ຆໍ ວາ ຄຓໍ ວາ ປຸຣິເສນ ສທ຺ຘິໍ ເອເກເນກາຍ ເຠທາເປນ຺ຕິຍາ ປາຈິຕ຺ຕິຍໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ອຎ຺ຎຕຣໍ ຠິກ຺ຂຸນິໍ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ອຎ຺ຎຕຣາ ຠິກ຺ຂຸນີ ປສາເຂ ຊາຕໍ ຄຓ຺ຑໍ ປຸຣິເສນ ສທ຺ຘິໍ ເອເກເນກາ ເຠທາເປສິ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ທ຺ວີຫິ ສມຸຏ຺ຐາເນຫິ ສມຸຏ຺ຐາຕິ – ກຖິນເກ…ເປ….

ອາຣາມວຄ຺ໂຄ ຉຏ຺ໂຐ.