໒໕໒. ປຏິສາຣຓີຍກມ຺ມປຏິປ຺ປສ຺ສທ຺ຘິກຖາ

໔໒໕. ອິຘ ປນ, ຠິກ຺ຂເວ, ຠິກ຺ຂຸ ສງ຺ເຆນ ປຏິສາຣຓີຍກມ຺ມກໂຕ ສມ຺ມາ ວຕ຺ຕຕິ, ໂລມໍ ປາເຕຕິ, ເນຕ຺ຖາຣໍ ວຕ຺ຕຕິ, ປຏິສາຣຓີຍສ຺ສ ກມ຺ມສ຺ສ ປຏິປ຺ປສ຺ສທ຺ຘິໍ ຍາຈຕິ. ຕຕ຺ຣ ເຈ ຠິກ຺ຂູນໍ ເອວໍ ໂຫຕິ – ‘‘ອຍໍ ໂຂ, ອາວຸໂສ, ຠິກ຺ຂຸ ສງ຺ເຆນ ປຏິສາຣຓີຍກມ຺ມກໂຕ ສມ຺ມາ ວຕ຺ຕຕິ, ໂລມໍ ປາເຕຕິ, ເນຕ຺ຖາຣໍ ວຕ຺ຕຕິ, ປຏິສາຣຓີຍສ຺ສ ກມ຺ມສ຺ສ ປຏິປ຺ປສ຺ສທ຺ຘິໍ ຍາຈຕິ. ຫນ຺ທສ຺ສ ມຍໍ ປຏິສາຣຓີຍກມ຺ມໍ ປຏິປ຺ປສ຺ສມ຺ເຠມາ’’ຕິ. ເຕ ຕສ຺ສ ປຏິສາຣຓີຍກມ຺ມໍ ປຏິປ຺ປສ຺ສມ຺ເຠນ຺ຕິ – ອຘມ຺ເມນ ວຄ຺ຄາ. ໂສ ຕມ຺ຫາ ອາວາສາ ອຎ຺ຎໍ ອາວາສໍ ຄຈ຺ຉຕິ. ຕຕ຺ຖປິ ຠິກ຺ຂູນໍ ເອວໍ ໂຫຕິ – ‘‘ອິມສ຺ສ ໂຂ, ອາວຸໂສ, ຠິກ຺ຂຸໂນ ສງ຺ເຆນ ປຏິສາຣຓີຍກມ຺ມໍ ປຏິປ຺ປສ຺ສທ຺ຘໍ ອຘມ຺ເມນ ວຄ຺ເຄຫິ. ຫນ຺ທສ຺ສ ມຍໍ ປຏິສາຣຓີຍກມ຺ມໍ ປຏິປ຺ປສ຺ສມ຺ເຠມາ’’ຕິ. ເຕ ຕສ຺ສ ປຏິສາຣຓີຍກມ຺ມໍ ປຏິປ຺ປສ຺ສມ຺ເຠນ຺ຕິ – ອຘມ຺ເມນ ສມຄ຺ຄາ…ເປ… ຘມ຺ເມນ ວຄ຺ຄາ… ຘມ຺ມປຕິຣູປເກນ ວຄ຺ຄາ… ຘມ຺ມປຕິຣູປເກນ ສມຄ຺ຄາ…ເປ….

ຈກ຺ກໍ ກາຕພ຺ພໍ.

ປຏິສາຣຓີຍກມ຺ມປຏິປ຺ປສ຺ສທ຺ຘິກຖາ ນິຏ຺ຐິຕາ.