໑໙໙. ຜາສຸວິຫາຣປຎ຺ຈກໍ

໓໒໔. ຠິກ຺ຂຸ ອຕ຺ຖຕກຖິໂນ ຜາສຸວິຫາຣິໂກ ຈີວຣໍ ອາທາຍ ປກ຺ກມຕິ – ‘‘ອມຸກໍ ນາມ ອາວາສໍ ຄມິສ຺ສາມິ; ຕຕ຺ຖ ເມ ຜາສຸ ຠວິສ຺ສຕິ ວສິສ຺ສາມິ, ໂນ ເຈ ເມ ຜາສຸ ຠວິສ຺ສຕິ, ອມຸກໍ ນາມ ອາວາສໍ ຄມິສ຺ສາມິ; ຕຕ຺ຖ ເມ ຜາສຸ ຠວິສ຺ສຕິ ວສິສ຺ສາມິ, ໂນ ເຈ ເມ ຜາສຸ ຠວິສ຺ສຕິ, ອມຸກໍ ນາມ ອາວາສໍ ຄມິສ຺ສາມິ; ຕຕ຺ຖ ເມ ຜາສຸ ຠວິສ຺ສຕິ ວສິສ຺ສາມິ, ໂນ ເຈ ເມ ຜາສຸ ຠວິສ຺ສຕິ, ປຈ຺ເຈສ຺ສ’’ນ຺ຕິ. ຕສ຺ສ ພຫິສີມຄຕສ຺ສ ເອວໍ ໂຫຕິ – ‘‘ອິເຘວິມໍ ຈີວຣໍ ກາເຣສ຺ສໍ, ນ ປຈ຺ເຈສ຺ສ’’ນ຺ຕິ. ໂສ ຕໍ ຈີວຣໍ ກາເຣຕິ. ຕສ຺ສ ຠິກ຺ຂຸໂນ ນິຏ຺ຐານນ຺ຕິໂກ ກຖິນຸທ຺ຘາໂຣ.

ຠິກ຺ຂຸ ອຕ຺ຖຕກຖິໂນ ຜາສຸວິຫາຣິໂກ ຈີວຣໍ ອາທາຍ ປກ຺ກມຕິ – ‘‘ອມຸກໍ ນາມ ອາວາສໍ ຄມິສ຺ສາມິ; ຕຕ຺ຖ ເມ ຜາສຸ ຠວິສ຺ສຕິ ວສິສ຺ສາມິ, ໂນ ເຈ ເມ ຜາສຸ ຠວິສ຺ສຕິ, ອມຸກໍ ນາມ ອາວາສໍ ຄມິສ຺ສາມິ; ຕຕ຺ຖ ເມ ຜາສຸ ຠວິສ຺ສຕິ ວສິສ຺ສາມິ, ໂນ ເຈ ເມ ຜາສຸ ຠວິສ຺ສຕິ, ອມຸກໍ ນາມ ອາວາສໍ ຄມິສ຺ສາມິ; ຕຕ຺ຖ ເມ ຜາສຸ ຠວິສ຺ສຕິ ວສິສ຺ສາມິ, ໂນ ເຈ ເມ ຜາສຸ ຠວິສ຺ສຕິ, ປຈ຺ເຈສ຺ສ’’ນ຺ຕິ. ຕສ຺ສ ພຫິສີມຄຕສ຺ສ ເອວໍ ໂຫຕິ – ‘‘ເນວິມໍ ຈີວຣໍ ກາເຣສ຺ສໍ, ນ ປຈ຺ເຈສ຺ສ’’ນ຺ຕິ. ຕສ຺ສ ຠິກ຺ຂຸໂນ ສນ຺ນິຏ຺ຐານນ຺ຕິໂກ ກຖິນຸທ຺ຘາໂຣ.

ຠິກ຺ຂຸ ອຕ຺ຖຕກຖິໂນ ຜາສຸວິຫາຣິໂກ ຈີວຣໍ ອາທາຍ ປກ຺ກມຕິ – ‘‘ອມຸກໍ ນາມ ອາວາສໍ ຄມິສ຺ສາມິ; ຕຕ຺ຖ ເມ ຜາສຸ ຠວິສ຺ສຕິ ວສິສ຺ສາມິ, ໂນ ເຈ ເມ ຜາສຸ ຠວິສ຺ສຕິ, ອມຸກໍ ນາມ ອາວາສໍ ຄມິສ຺ສາມິ; ຕຕ຺ຖ ເມ ຜາສຸ ຠວິສ຺ສຕິ ວສິສ຺ສາມິ, ໂນ ເຈ ເມ ຜາສຸ ຠວິສ຺ສຕິ, ອມຸກໍ ນາມ ອາວາສໍ ຄມິສ຺ສາມິ; ຕຕ຺ຖ ເມ ຜາສຸ ຠວິສ຺ສຕິ ວສິສ຺ສາມິ, ໂນ ເຈ ເມ ຜາສຸ ຠວິສ຺ສຕິ, ປຈ຺ເຈສ຺ສ’’ນ຺ຕິ. ຕສ຺ສ ພຫິສີມຄຕສ຺ສ ເອວໍ ໂຫຕິ – ‘‘ອິເຘວິມໍ ຈີວຣໍ ກາເຣສ຺ສໍ, ນ ປຈ຺ເຈສ຺ສ’’ນ຺ຕິ. ໂສ ຕໍ ຈີວຣໍ ກາເຣຕິ. ຕສ຺ສ ຕໍ ຈີວຣໍ ກຍິຣມານໍ ນສ຺ສຕິ. ຕສ຺ສ ຠິກ຺ຂຸໂນ ນາສນນ຺ຕິໂກ ກຖິນຸທ຺ຘາໂຣ.

ຠິກ຺ຂຸ ອຕ຺ຖຕກຖິໂນ ຜາສຸວິຫາຣິໂກ ຈີວຣໍ ອາທາຍ ປກ຺ກມຕິ – ‘‘ອມຸກໍ ນາມ ອາວາສໍ ຄມິສ຺ສາມິ; ຕຕ຺ຖ ເມ ຜາສຸ ຠວິສ຺ສຕິ ວສິສ຺ສາມິ, ໂນ ເຈ ເມ ຜາສຸ ຠວິສ຺ສຕິ, ອມຸກໍ ນາມ ອາວາສໍ ຄມິສ຺ສາມິ; ຕຕ຺ຖ ເມ ຜາສຸ ຠວິສ຺ສຕິ ວສິສ຺ສາມິ, ໂນ ເຈ ເມ ຜາສຸ ຠວິສ຺ສຕິ, ອມຸກໍ ນາມ ອາວາສໍ ຄມິສ຺ສາມິ; ຕຕ຺ຖ ເມ ຜາສຸ ຠວິສ຺ສຕິ ວສິສ຺ສາມິ, ໂນ ເຈ ເມ ຜາສຸ ຠວິສ຺ສຕິ, ປຈ຺ເຈສ຺ສ’’ນ຺ຕິ. ໂສ ພຫິສີມຄໂຕ ຕໍ ຈີວຣໍ ກາເຣຕິ. ໂສ ກຕຈີວໂຣ – ‘‘ປຈ຺ເຈສ຺ສໍ ປຈ຺ເຈສ຺ສ’’ນ຺ຕິ ພຫິທ຺ຘາ ກຖິນຸທ຺ຘາຣໍ ວີຕິນາເມຕິ. ຕສ຺ສ ຠິກ຺ຂຸໂນ ສີມາຕິກ຺ກນ຺ຕິໂກ ກຖິນຸທ຺ຘາໂຣ.

ຠິກ຺ຂຸ ອຕ຺ຖຕກຖິໂນ ຜາສຸວິຫາຣິໂກ ຈີວຣໍ ອາທາຍ ປກ຺ກມຕິ – ‘‘ອມຸກໍ ນາມ ອາວາສໍ ຄມິສ຺ສາມິ; ຕຕ຺ຖ ເມ ຜາສຸ ຠວິສ຺ສຕິ ວສິສ຺ສາມິ, ໂນ ເຈ ເມ ຜາສຸ ຠວິສ຺ສຕິ, ອມຸກໍ ນາມ ອາວາສໍ ຄມິສ຺ສາມິ; ຕຕ຺ຖ ເມ ຜາສຸ ຠວິສ຺ສຕິ ວສິສ຺ສາມິ, ໂນ ເຈ ເມ ຜາສຸ ຠວິສ຺ສຕິ, ອມຸກໍ ນາມ ອາວາສໍ ຄມິສ຺ສາມິ; ຕຕ຺ຖ ເມ ຜາສຸ ຠວິສ຺ສຕິ ວສິສ຺ສາມິ, ໂນ ເຈ ເມ ຜາສຸ ຠວິສ຺ສຕິ, ປຈ຺ເຈສ຺ສ’’ນ຺ຕິ. ໂສ ພຫິສີມຄໂຕ ຕໍ ຈີວຣໍ ກາເຣຕິ. ໂສ ກຕຈີວໂຣ ‘‘ປຈ຺ເຈສ຺ສໍ ປຈ຺ເຈສ຺ສ’’ນ຺ຕິ ສມ຺ຠຸຓາຕິ ກຖິນຸທ຺ຘາຣໍ. ຕສ຺ສ ຠິກ຺ຂຸໂນ ສຫ ຠິກ຺ຂູຫິ ກຖິນຸທ຺ຘາໂຣ.

ຜາສຸວິຫາຣປຎ຺ຈກໍ ນິຏ຺ຐິຕໍ.