໑໓໖. ນານາສໍວາສກາທີຫິ ປວາຣຓາ

໒໓໐. ອິຘ ປນ, ຠິກ຺ຂເວ, ອາຄນ຺ຕຸກາ ຠິກ຺ຂູ ປສ຺ສນ຺ຕິ ອາວາສິເກ ຠິກ຺ຂູ ນານາສໍວາສເກ. ເຕ ສມານສໍວາສກທິຏ຺ຐິໍ ປຏິລຠນ຺ຕິ, ສມານສໍວາສກທິຏ຺ຐິໍ ປຏິລຠິຕ຺ວາ ນ ປຸຈ຺ຉນ຺ຕິ, ອປຸຈ຺ຉິຕ຺ວາ ເອກໂຕ ປວາເຣນ຺ຕິ. ອນາປຕ຺ຕິ. ເຕ ປຸຈ຺ຉນ຺ຕິ, ປຸຈ຺ຉິຕ຺ວາ ນາຠິວິຕຣນ຺ຕິ, ອນຠິວິຕຣິຕ຺ວາ ເອກໂຕ ປວາເຣນ຺ຕິ. ອາປຕ຺ຕິ ທຸກ຺ກຏສ຺ສ. ເຕ ປຸຈ຺ຉນ຺ຕິ, ປຸຈ຺ຉິຕ຺ວາ ນາຠິວິຕຣນ຺ຕິ, ອນຠິວິຕຣິຕ຺ວາ ປາເຏກ຺ກໍ ປວາເຣນ຺ຕິ. ອນາປຕ຺ຕິ.

ອິຘ ປນ, ຠິກ຺ຂເວ, ອາຄນ຺ຕຸກາ ຠິກ຺ຂູ ປສ຺ສນ຺ຕິ ອາວາສິເກ ຠິກ຺ຂູ ສມານສໍວາສເກ. ເຕ ນານາສໍວາສກທິຏ຺ຐິໍ ປຏິລຠນ຺ຕິ, ນານາສໍວາສກທິຏ຺ຐິໍ ປຏິລຠິຕ຺ວາ ນ ປຸຈ຺ຉນ຺ຕິ, ອປຸຈ຺ຉິຕ຺ວາ ເອກໂຕ ປວາເຣນ຺ຕິ. ອາປຕ຺ຕິ ທຸກ຺ກຏສ຺ສ. ເຕ ປຸຈ຺ຉນ຺ຕິ, ປຸຈ຺ຉິຕ຺ວາ ອຠິວິຕຣນ຺ຕິ, ອຠິວິຕຣິຕ຺ວາ ປາເຏກ຺ກໍ ປວາເຣນ຺ຕິ. ອາປຕ຺ຕິ ທຸກ຺ກຏສ຺ສ. ເຕ ປຸຈ຺ຉນ຺ຕິ, ປຸຈ຺ຉິຕ຺ວາ ອຠິວິຕຣນ຺ຕິ, ອຠິວິຕຣິຕ຺ວາ ເອກໂຕ ປວາເຣນ຺ຕິ. ອນາປຕ຺ຕິ.

ອິຘ ປນ, ຠິກ຺ຂເວ, ອາວາສິກາ ຠິກ຺ຂູ ປສ຺ສນ຺ຕິ ອາຄນ຺ຕຸເກ ຠິກ຺ຂູ ນານາສໍວາສເກ. ເຕ ສມານສໍວາສກທິຏ຺ຐິໍ ປຏິລຠນ຺ຕິ, ສມານສໍວາສກທິຏ຺ຐິໍ ປຏິລຠິຕ຺ວາ ນ ປຸຈ຺ຉນ຺ຕິ, ອປຸຈ຺ຉິຕ຺ວາ ເອກໂຕ ປວາເຣນ຺ຕິ. ອນາປຕ຺ຕິ. ເຕ ປຸຈ຺ຉນ຺ຕິ, ປຸຈ຺ຉິຕ຺ວາ ນາຠິວິຕຣນ຺ຕິ, ອນຠິວິຕຣິຕ຺ວາ ເອກໂຕ ປວາເຣນ຺ຕິ. ອາປຕ຺ຕິ ທຸກ຺ກຏສ຺ສ. ເຕ ປຸຈ຺ຉນ຺ຕິ, ປຸຈ຺ຉິຕ຺ວາ ນາຠິວິຕຣນ຺ຕິ, ອນຠິວິຕຣິຕ຺ວາ ປາເຏກ຺ກໍ ປວາເຣນ຺ຕິ. ອນາປຕ຺ຕິ.

ອິຘ ປນ, ຠິກ຺ຂເວ, ອາວາສິກາ ຠິກ຺ຂູ ປສ຺ສນ຺ຕິ ອາຄນ຺ຕຸເກ ຠິກ຺ຂູ ສມານສໍວາສເກ. ເຕ ນານາສໍວາສກທິຏ຺ຐິໍ ປຏິລຠນ຺ຕິ, ນານາສໍວາສກທິຏ຺ຐິໍ ປຏິລຠິຕ຺ວາ ນ ປຸຈ຺ຉນ຺ຕິ, ອປຸຈ຺ຉິຕ຺ວາ ເອກໂຕ ປວາເຣນ຺ຕິ. ອາປຕ຺ຕິ ທຸກ຺ກຏສ຺ສ. ເຕ ປຸຈ຺ຉນ຺ຕິ, ປຸຈ຺ຉິຕ຺ວາ ອຠິວິຕຣນ຺ຕິ, ອຠິວິຕຣິຕ຺ວາ ປາເຏກ຺ກໍ ປວາເຣນ຺ຕິ. ອາປຕ຺ຕິ ທຸກ຺ກຏສ຺ສ. ເຕ ປຸຈ຺ຉນ຺ຕິ, ປຸຈ຺ຉິຕ຺ວາ ອຠິວິຕຣນ຺ຕິ, ອຠິວິຕຣິຕ຺ວາ ເອກໂຕ ປວາເຣນ຺ຕິ. ອນາປຕ຺ຕິ.

ນານາສໍວາສກາທີຫິ ປວາຣຓາ ນິຏ຺ຐິຕາ.