໑໐໙. ສຕ຺ຕາຫກຣຓີຍານຸຊານນາ

໑໘໗. ອຖ ໂຂ ຠຄວາ ຣາຊຄເຫ ຍຖາຠິຣນ຺ຕໍ ວິຫຣິຕ຺ວາ ເຍນ ສາວຕ຺ຖິ ເຕນ ຈາຣິກໍ ປກ຺ກາມິ. ອນຸປຸພ຺ເພນ ຈາຣິກໍ ຈຣມາໂນ ເຍນ ສາວຕ຺ຖິ ຕທວສຣິ. ຕຕ຺ຣ ສຸທໍ ຠຄວາ ສາວຕ຺ຖິຍໍ ວິຫຣຕິ ເຊຕວເນ ອນາຖປິຓ຺ຑິກສ຺ສ ອາຣາເມ. ເຕນ ໂຂ ປນ ສມເຍນ ໂກສເລສຸ ຊນປເທ ອຸເທເນນ ອຸປາສເກນ ສງ຺ຆໍ ອຸທ຺ທິສ຺ສ ວິຫາໂຣ ກາຣາປິໂຕ ໂຫຕິ. ໂສ ຠິກ຺ຂູນໍ ສນ຺ຕິເກ ທູຕໍ ປາເຫສິ – ‘‘ອາຄຈ຺ຉນ຺ຕຸ ຠທນ຺ຕາ, ອິຈ຺ຉາມິ ທານຎ຺ຈ ທາຕຸໍ, ຘມ຺ມຎ຺ຈ ໂສຕຸໍ, ຠິກ຺ຂູ ຈ ປສ຺ສິຕຸ’’ນ຺ຕິ. ຠິກ຺ຂູ ເອວມາຫໍສຸ – ‘‘ຠຄວຕາ, ອາວຸໂສ, ປຎ຺ຎຕ຺ຕໍ ‘ນ ວສ຺ສໍ ອຸປຄນ຺ຕ຺ວາ ປຸຣິມໍ ວາ ເຕມາສໍ ປຈ຺ຉິມໍ ວາ ເຕມາສໍ ອວສິຕ຺ວາ ຈາຣິກາ ປກ຺ກມິຕພ຺ພາ’ຕິ. ອາຄເມຕຸ ອຸເທໂນ ອຸປາສໂກ, ຍາວ ຠິກ຺ຂູ ວສ຺ສໍ ວສນ຺ຕິ. ວສ຺ສໍວຸຏ຺ຐາ ອາຄມິສ຺ສນ຺ຕິ. ສເຈ ປນສ຺ສ ອຈ຺ຈາຍິກໍ ກຣຓີຍໍ, ຕຕ຺ເຖວ ອາວາສິການໍ ຠິກ຺ຂູນໍ ສນ຺ຕິເກ ວິຫາຣໍ ປຕິຏ຺ຐາເປຕູ’’ຕິ. ອຸເທໂນ ອຸປາສໂກ ອຸຊ຺ຌາຍຕິ ຂິຍ຺ຍຕິ ວິປາເຈຕິ – ‘‘ກຖຎ຺ຫິ ນາມ ຠທນ຺ຕາ ມຍາ ປຫິເຕ ນ ອາຄຈ຺ຉິສ຺ສນ຺ຕິ. ອຫຎ຺ຫິ ທາຍໂກ ກາຣໂກ ສງ຺ຆຸປຏ຺ຐາໂກ’’ຕິ. ອສ຺ໂສສຸໍ ໂຂ ຠິກ຺ຂູ ອຸເທນສ຺ສ ອຸປາສກສ຺ສ ອຸຊ຺ຌາຍນ຺ຕສ຺ສ ຂິຍ຺ຍນ຺ຕສ຺ສ ວິປາເຈນ຺ຕສ຺ສ. ອຖ ໂຂ ເຕ ຠິກ຺ຂູ ຠຄວໂຕ ເອຕມຕ຺ຖໍ ອາໂຣເຈສຸໍ. ອຖ ໂຂ ຠຄວາ ເອຕສ຺ມິໍ ນິທາເນ ເອຕສ຺ມິໍ ປກຣເຓ ຘມ຺ມິໍ ກຖໍ ກຕ຺ວາ ຠິກ຺ຂູ ອາມນ຺ເຕສິ – ‘‘ອນຸຊານາມິ, ຠິກ຺ຂເວ, ສຕ຺ຕນ຺ນໍ ສຕ຺ຕາຫກຣຓີເຍນ ປຫິເຕ ຄນ຺ຕຸໍ, ນ ຕ຺ເວວ ອປ຺ປຫິເຕ. ຠິກ຺ຂຸສ຺ສ, ຠິກ຺ຂຸນິຍາ, ສິກ຺ຂມານາຍ, ສາມເຓຣສ຺ສ, ສາມເຓຣິຍາ, ອຸປາສກສ຺ສ, ອຸປາສິກາຍ – ອນຸຊານາມິ, ຠິກ຺ຂເວ, ອິເມສໍ ສຕ຺ຕນ຺ນໍ ສຕ຺ຕາຫກຣຓີເຍນ ປຫິເຕ ຄນ຺ຕຸໍ, ນ ຕ຺ເວວ ອປ຺ປຫິເຕ. ສຕ຺ຕາຫໍ ສນ຺ນິວຕ຺ໂຕ ກາຕພ຺ໂພ’’.

໑໘໘. ອິຘ ປນ, ຠິກ຺ຂເວ, ອຸປາສເກນ ສງ຺ຆໍ ອຸທ຺ທິສ຺ສ ວິຫາໂຣ ກາຣາປິໂຕ ໂຫຕິ. ໂສ ເຈ ຠິກ຺ຂູນໍ ສນ຺ຕິເກ ທູຕໍ ປຫິເຓຍ຺ຍ – ‘‘ອາຄຈ຺ຉນ຺ຕຸ ຠທນ຺ຕາ, ອິຈ຺ຉາມິ ທານຎ຺ຈ ທາຕຸໍ, ຘມ຺ມຎ຺ຈ ໂສຕຸໍ, ຠິກ຺ຂູ ຈ ປສ຺ສິຕຸ’’ນ຺ຕິ, ຄນ຺ຕພ຺ພໍ, ຠິກ຺ຂເວ, ສຕ຺ຕາຫກຣຓີເຍນ, ປຫິເຕ, ນ ຕ຺ເວວ ອປ຺ປຫິເຕ. ສຕ຺ຕາຫໍ ສນ຺ນິວຕ຺ໂຕ ກາຕພ຺ໂພ.

ອິຘ ປນ, ຠິກ຺ຂເວ, ອຸປາສເກນ ສງ຺ຆໍ ອຸທ຺ທິສ຺ສ ອຑ຺ຒໂຍໂຄ ກາຣາປິໂຕ ໂຫຕິ…ເປ… ປາສາໂທ ກາຣາປິໂຕ ໂຫຕິ… ຫມ຺ມິຍໍ ກາຣາປິຕໍ ໂຫຕິ… ຄຸຫາ ກາຣາປິຕາ ໂຫຕິ… ປຣິເວຓໍ ກາຣາປິຕໍ ໂຫຕິ… ໂກຏ຺ຐໂກ ກາຣາປິໂຕ ໂຫຕິ… ອຸປຏ຺ຐານສາລາ ກາຣາປິຕາ ໂຫຕິ… ອຄ຺ຄິສາລາ ກາຣາປິຕາ ໂຫຕິ… ກປ຺ປິຍກຸຏິ ກາຣາປິຕາ ໂຫຕິ… ວຈ຺ຈກຸຏິ ກາຣາປິຕາ ໂຫຕິ… ຈງ຺ກໂມ ກາຣາປິໂຕ ໂຫຕິ … ຈງ຺ກມນສາລາ ກາຣາປິຕາ ໂຫຕິ… ອຸທປາໂນ ກາຣາປິໂຕ ໂຫຕິ … ອຸທປານສາລາ ກາຣາປິຕາ ໂຫຕິ… ຊນ຺ຕາຆຣໍ ກາຣາປິຕໍ ໂຫຕິ… ຊນ຺ຕາຆຣສາລາ ກາຣາປິຕາ ໂຫຕິ… ໂປກ຺ຂຣຓີ ກາຣາປິຕາ ໂຫຕິ… ມຓ຺ຑໂປ ກາຣາປິໂຕ ໂຫຕິ… ອາຣາໂມ ກາຣາປິໂຕ ໂຫຕິ… ອາຣາມວຕ຺ຖຸ ກາຣາປິຕໍ ໂຫຕິ. ໂສ ເຈ ຠິກ຺ຂູນໍ ສນ຺ຕິເກ ທູຕໍ ປຫິເຓຍ຺ຍ – ‘‘ອາຄຈ຺ຉນ຺ຕຸ ຠທນ຺ຕາ, ອິຈ຺ຉາມິ ທານຎ຺ຈ ທາຕຸໍ, ຘມ຺ມຎ຺ຈ ໂສຕຸໍ, ຠິກ຺ຂູ ຈ ປສ຺ສິຕຸ’’ນ຺ຕິ, ຄນ຺ຕພ຺ພໍ, ຠິກ຺ຂເວ, ສຕ຺ຕາຫກຣຓີເຍນ, ປຫິເຕ, ນ ຕ຺ເວວ ອປ຺ປຫິເຕ. ສຕ຺ຕາຫໍ ສນ຺ນິວຕ຺ໂຕ ກາຕພ຺ໂພ.

ອິຘ ປນ, ຠິກ຺ຂເວ, ອຸປາສເກນ ສມ຺ພຫຸເລ ຠິກ຺ຂູ ອຸທ຺ທິສ຺ສ…ເປ… ເອກໍ ຠິກ຺ຂຸໍ ອຸທ຺ທິສ຺ສ ວິຫາໂຣ ກາຣາປິໂຕ ໂຫຕິ… ອຑ຺ຒໂຍໂຄ ກາຣາປິໂຕ ໂຫຕິ… ປາສາໂທ ກາຣາປິໂຕ ໂຫຕິ … ຫມ຺ມິຍໍ ກາຣາປິຕໍ ໂຫຕິ… ຄຸຫາ ກາຣາປິຕາ ໂຫຕິ… ປຣິເວຓໍ ກາຣາປິຕໍ ໂຫຕິ… ໂກຏ຺ຐໂກ ກາຣາປິໂຕ ໂຫຕິ… ອຸປຏ຺ຐານສາລາ ກາຣາປິຕາ ໂຫຕິ… ອຄ຺ຄິສາລາ ກາຣາປິຕາ ໂຫຕິ… ກປ຺ປິຍກຸຏິ ກາຣາປິຕາ ໂຫຕິ… ວຈ຺ຈກຸຏິ ກາຣາປິຕາ ໂຫຕິ… ຈງ຺ກໂມ ກາຣາປິໂຕ ໂຫຕິ… ຈງ຺ກມນສາລາ ກາຣາປິຕາ ໂຫຕິ… ອຸທປາໂນ ກາຣາປິໂຕ ໂຫຕິ… ອຸທປານສາລາ ກາຣາປິຕາ ໂຫຕິ… ຊນ຺ຕາຆຣໍ ກາຣາປິຕໍ ໂຫຕິ… ຊນ຺ຕາຆຣສາລາ ກາຣາປິຕາ ໂຫຕິ… ໂປກ຺ຂຣຓີ ກາຣາປິຕາ ໂຫຕິ… ມຓ຺ຑໂປ ກາຣາປິໂຕ ໂຫຕິ… ອາຣາໂມ ກາຣາປິໂຕ ໂຫຕິ… ອາຣາມວຕ຺ຖຸ ກາຣາປິຕໍ ໂຫຕິ. ໂສ ເຈ ຠິກ຺ຂູນໍ ສນ຺ຕິເກ ທູຕໍ ປຫິເຓຍ຺ຍ – ‘‘ອາຄຈ຺ຉນ຺ຕຸ ຠທນ຺ຕາ, ອິຈ຺ຉາມິ ທານຎ຺ຈ ທາຕຸໍ, ຘມ຺ມຎ຺ຈ ໂສຕຸໍ, ຠິກ຺ຂູ ຈ ປສ຺ສິຕຸ’’ນ຺ຕິ, ຄນ຺ຕພ຺ພໍ, ຠິກ຺ຂເວ, ສຕ຺ຕາຫກຣຓີເຍນ, ປຫິເຕ, ນ ຕ຺ເວວ ອປ຺ປຫິເຕ. ສຕ຺ຕາຫໍ ສນ຺ນິວຕ຺ໂຕ ກາຕພ຺ໂພ.

ອິຘ ປນ, ຠິກ຺ຂເວ, ອຸປາສເກນ ຠິກ຺ຂຸນິສງ຺ຆໍ ອຸທ຺ທິສ຺ສ…ເປ… ສມ຺ພຫຸລາ ຠິກ຺ຂຸນິໂຍ ອຸທ຺ທິສ຺ສ…ເປ… ເອກໍ ຠິກ຺ຂຸນິໍ ອຸທ຺ທິສ຺ສ…ເປ… ສມ຺ພຫຸລາ ສິກ຺ຂມານາໂຍ ອຸທ຺ທິສ຺ສ…ເປ… ເອກໍ ສິກ຺ຂມານໍ ອຸທ຺ທິສ຺ສ…ເປ… ສມ຺ພຫຸເລ ສາມເຓເຣ ອຸທ຺ທິສ຺ສ…ເປ… ເອກໍ ສາມເຓຣໍ ອຸທ຺ທິສ຺ສ…ເປ… ສມ຺ພຫຸລາ ສາມເຓຣິໂຍ ອຸທ຺ທິສ຺ສ…ເປ… ເອກໍ ສາມເຓຣິໍ ອຸທ຺ທິສ຺ສ ວິຫາໂຣ ກາຣາປິໂຕ ໂຫຕິ…ເປ… ອຑ຺ຒໂຍໂຄ ກາຣາປິໂຕ ໂຫຕິ… ປາສາໂທ ກາຣາປິໂຕ ໂຫຕິ… ຫມ຺ມິຍໍ ກາຣາປິຕໍ ໂຫຕິ… ຄຸຫາ ກາຣາປິຕາ ໂຫຕິ… ປຣິເວຓໍ ກາຣາປິຕໍ ໂຫຕິ… ໂກຏ຺ຐໂກ ກາຣາປິໂຕ ໂຫຕິ… ອຸປຏ຺ຐານສາລາ ກາຣາປິຕາ ໂຫຕິ… ອຄ຺ຄິສາລາ ກາຣາປິຕາ ໂຫຕິ … ກປ຺ປິຍກຸຏິ ກາຣາປິຕາ ໂຫຕິ… ຈງ຺ກໂມ ກາຣາປິໂຕ ໂຫຕິ… ຈງ຺ກມນສາລາ ກາຣາປິຕາ ໂຫຕິ… ອຸທປາໂນ ກາຣາປິໂຕ ໂຫຕິ… ອຸທປານສາລາ ກາຣາປິຕາ ໂຫຕິ… ໂປກ຺ຂຣຓີ ກາຣາປິຕາ ໂຫຕິ… ມຓ຺ຑໂປ ກາຣາປິໂຕ ໂຫຕິ… ອາຣາໂມ ກາຣາປິໂຕ ໂຫຕິ… ອາຣາມວຕ຺ຖຸ ກາຣາປິຕໍ ໂຫຕິ. ໂສ ເຈ ຠິກ຺ຂູນໍ ສນ຺ຕິເກ ທູຕໍ ປຫິເຓຍ຺ຍ – ‘‘ອາຄຈ຺ຉນ຺ຕຸ ຠທນ຺ຕາ, ອິຈ຺ຉາມິ ທານຎ຺ຈ ທາຕຸໍ, ຘມ຺ມຎ຺ຈ ໂສຕຸໍ, ຠິກ຺ຂູ ຈ ປສ຺ສິຕຸ’’ນ຺ຕິ, ຄນ຺ຕພ຺ພໍ, ຠິກ຺ຂເວ, ສຕ຺ຕາຫກຣຓີເຍນ, ປຫິເຕ, ນ ຕ຺ເວວ ອປ຺ປຫິເຕ. ສຕ຺ຕາຫໍ ສນ຺ນິວຕ຺ໂຕ ກາຕພ຺ໂພ.

໑໘໙. ອິຘ ປນ, ຠິກ຺ຂເວ, ອຸປາສເກນ ອຕ຺ຕໂນ ອຕ຺ຖາຍ ນິເວສນໍ ກາຣາປິຕໍ ໂຫຕິ…ເປ… ສຍນິຆຣໍ ກາຣາປິຕໍ ໂຫຕິ… ອຸໂທສິໂຕ ກາຣາປິໂຕ ໂຫຕິ… ອຏ຺ໂຏ ກາຣາປິໂຕ ໂຫຕິ… ມາໂຬ ກາຣາປິໂຕ ໂຫຕິ… ອາປໂຓ ກາຣາປິໂຕ ໂຫຕິ… ອາປຓສາລາ ກາຣາປິຕາ ໂຫຕິ… ປາສາໂທ ກາຣາປິໂຕ ໂຫຕິ… ຫມ຺ມິຍໍ ກາຣາປິຕໍ ໂຫຕິ… ຄຸຫາ ກາຣາປິຕາ ໂຫຕິ… ປຣິເວຓໍ ກາຣາປິຕໍ ໂຫຕິ… ໂກຏ຺ຐໂກ ກາຣາປິໂຕ ໂຫຕິ… ອຸປຏ຺ຐານສາລາ ກາຣາປິຕາ ໂຫຕິ… ອຄ຺ຄິສາລາ ກາຣາປິຕາ ໂຫຕິ… ຣສວຕີ ກາຣາປິຕາ ໂຫຕິ… ຈງ຺ກໂມ ກາຣາປິໂຕ ໂຫຕິ… ຈງ຺ກມນສາລາ ກາຣາປິຕາ ໂຫຕິ… ອຸທປາໂນ ກາຣາປິໂຕ ໂຫຕິ… ອຸທປານສາລາ ກາຣາປິຕາ ໂຫຕິ… ໂປກ຺ຂຣຓີ ກາຣາປິຕາ ໂຫຕິ… ມຓ຺ຑໂປ ກາຣາປິໂຕ ໂຫຕິ… ອາຣາໂມ ກາຣາປິໂຕ ໂຫຕິ … ອາຣາມວຕ຺ຖຸ ກາຣາປິຕໍ ໂຫຕິ… ປຸຕ຺ຕສ຺ສ ວາ ວາເຣຍ຺ຍໍ ໂຫຕິ… ຘີຕຸຍາ ວາ ວາເຣຍ຺ຍໍ ໂຫຕິ… ຄິລາໂນ ວາ ໂຫຕິ… ອຠິຎ຺ຎາຕໍ ວາ ສຸຕ຺ຕນ຺ຕໍ ຠຓຕິ. ໂສ ເຈ ຠິກ຺ຂູນໍ ສນ຺ຕິເກ ທູຕໍ ປຫິເຓຍ຺ຍ – ‘ອາຄຈ຺ຉນ຺ຕຸ ຠທນ຺ຕາ, ອິມໍ ສຸຕ຺ຕນ຺ຕໍ ປຣິຍາປຸຓິສ຺ສນ຺ຕິ, ປຸຣາຍໍ ສຸຕ຺ຕນ຺ໂຕ ນ ປລຸຊ຺ຊຕີ’ຕິ. ອຎ຺ຎຕຣໍ ວາ ປນສ຺ສ ກິຈ຺ຈໍ ໂຫຕິ – ກຣຓີຍໍ ວາ, ໂສ ເຈ ຠິກ຺ຂູນໍ ສນ຺ຕິເກ ທູຕໍ ປຫິເຓຍ຺ຍ – ‘‘ອາຄຈ຺ຉນ຺ຕຸ ຠທນ຺ຕາ, ອິຈ຺ຉາມິ ທານຎ຺ຈ ທາຕຸໍ, ຘມ຺ມຎ຺ຈ ໂສຕຸໍ, ຠິກ຺ຂູ ຈ ປສ຺ສິຕຸ’’ນ຺ຕິ, ຄນ຺ຕພ຺ພໍ, ຠິກ຺ຂເວ, ສຕ຺ຕາຫກຣຓີເຍນ, ປຫິເຕ, ນ ຕ຺ເວວ ອປ຺ປຫິເຕ. ສຕ຺ຕາຫໍ ສນ຺ນິວຕ຺ໂຕ ກາຕພ຺ໂພ.

໑໙໐. ອິຘ ປນ, ຠິກ຺ຂເວ, ອຸປາສິກາຍ ສງ຺ຆໍ ອຸທ຺ທິສ຺ສ ວິຫາໂຣ ກາຣາປິໂຕ ໂຫຕິ. ສາ ເຈ ຠິກ຺ຂູນໍ ສນ຺ຕິເກ ທູຕໍ ປຫິເຓຍ຺ຍ – ‘‘ອາຄຈ຺ຉນ຺ຕຸ ອຍ຺ຍາ, ອິຈ຺ຉາມິ ທານຎ຺ຈ ທາຕຸໍ, ຘມ຺ມຎ຺ຈ ໂສຕຸໍ, ຠິກ຺ຂູ ຈ ປສ຺ສິຕຸ’’ນ຺ຕິ, ຄນ຺ຕພ຺ພໍ, ຠິກ຺ຂເວ, ສຕ຺ຕາຫກຣຓີເຍນ, ປຫິເຕ, ນ ຕ຺ເວວ ອປ຺ປຫິເຕ. ສຕ຺ຕາຫໍ ສນ຺ນິວຕ຺ໂຕ ກາຕພ຺ໂພ.

ອິຘ ປນ, ຠິກ຺ຂເວ, ອຸປາສິກາຍ ສງ຺ຆໍ ອຸທ຺ທິສ຺ສ ອຑ຺ຒໂຍໂຄ ກາຣາປິໂຕ ໂຫຕິ…ເປ… ປາສາໂທ ກາຣາປິໂຕ ໂຫຕິ… ຫມ຺ມິຍໍ ກາຣາປິຕໍ ໂຫຕິ… ຄຸຫາ ກາຣາປິຕາ ໂຫຕິ… ປຣິເວຓໍ ກາຣາປິຕໍ ໂຫຕິ… ໂກຏ຺ຐໂກ ກາຣາປິໂຕ ໂຫຕິ… ອຸປຏ຺ຐານສາລາ ກາຣາປິຕາ ໂຫຕິ… ອຄ຺ຄິສາລາ ກາຣາປິຕາ ໂຫຕິ… ກປ຺ປິຍກຸຏິ ກາຣາປິຕາ ໂຫຕິ… ວຈ຺ຈກຸຏິ ກາຣາປິຕາ ໂຫຕິ… ຈງ຺ກໂມ ກາຣາປິໂຕ ໂຫຕິ… ຈງ຺ກມນສາລາ ກາຣາປິຕາ ໂຫຕິ… ອຸທປາໂນ ກາຣາປິໂຕ ໂຫຕິ… ອຸທປານສາລາ ກາຣາປິຕາ ໂຫຕິ… ຊນ຺ຕາຆຣໍ ກາຣາປິຕໍ ໂຫຕິ… ຊນ຺ຕາຆຣສາລາ ກາຣາປິຕາ ໂຫຕິ… ໂປກ຺ຂຣຓີ ກາຣາປິຕາ ໂຫຕິ… ມຓ຺ຑໂປ ກາຣາປິໂຕ ໂຫຕິ… ອາຣາໂມ ກາຣາປິໂຕ ໂຫຕິ… ອາຣາມວຕ຺ຖຸ ກາຣາປິຕໍ ໂຫຕິ. ສາ ເຈ ຠິກ຺ຂູນໍ ສນ຺ຕິເກ ທູຕໍ ປຫິເຓຍ຺ຍ – ‘‘ອາຄຈ຺ຉນ຺ຕຸ ອຍ຺ຍາ, ອິຈ຺ຉາມິ ທານຎ຺ຈ ທາຕຸໍ, ຘມ຺ມຎ຺ຈ ໂສຕຸໍ, ຠິກ຺ຂູ ຈ ປສ຺ສິຕຸ’’ນ຺ຕິ, ຄນ຺ຕພ຺ພໍ, ຠິກ຺ຂເວ, ສຕ຺ຕາຫກຣຓີເຍນ, ປຫິເຕ, ນ ຕ຺ເວວ ອປ຺ປຫິເຕ. ສຕ຺ຕາຫໍ ສນ຺ນິວຕ຺ໂຕ ກາຕພ຺ໂພ.

ອິຘ ປນ, ຠິກ຺ຂເວ, ອຸປາສິກາຍ ສມ຺ພຫຸເລ ຠິກ຺ຂູ ອຸທ຺ທິສ຺ສ…ເປ… ເອກໍ ຠິກ຺ຂຸໍ ອຸທ຺ທິສ຺ສ…ເປ… ຠິກ຺ຂຸນິສງ຺ຆໍ ອຸທ຺ທິສ຺ສ…ເປ… ສມ຺ພຫຸລາ ຠິກ຺ຂຸນິໂຍ ອຸທ຺ທິສ຺ສ…ເປ… ເອກໍ ຠິກ຺ຂຸນິໍ ອຸທ຺ທິສ຺ສ…ເປ… ສມ຺ພຫຸລາ ສິກ຺ຂມານາໂຍ ອຸທ຺ທິສ຺ສ…ເປ… ເອກໍ ສິກ຺ຂມານໍ ອຸທ຺ທິສ຺ສ…ເປ… ສມ຺ພຫຸເລ ສາມເຓເຣ ອຸທ຺ທິສ຺ສ…ເປ… ເອກໍ ສາມເຓຣໍ ອຸທ຺ທິສ຺ສ…ເປ… ສມ຺ພຫຸລາ ສາມເຓຣິໂຍ ອຸທ຺ທິສ຺ສ…ເປ… ເອກໍ ສາມເຓຣິໍ ອຸທ຺ທິສ຺ສ…ເປ….

໑໙໑. ອິຘ ປນ, ຠິກ຺ຂເວ, ອຸປາສິກາຍ ອຕ຺ຕໂນ ອຕ຺ຖາຍ ນິເວສນໍ ກາຣາປິຕໍ ໂຫຕິ…ເປ… ສຍນິຆຣໍ ກາຣາປິຕໍ ໂຫຕິ… ອຸໂທສິໂຕ ກາຣາປິໂຕ ໂຫຕິ… ອຏ຺ໂຏ ກາຣາປິໂຕ ໂຫຕິ… ມາໂຬ ກາຣາປິໂຕ ໂຫຕິ… ອາປໂຓ ກາຣາປິໂຕ ໂຫຕິ… ອາປຓສາລາ ກາຣາປິຕາ ໂຫຕິ… ປາສາໂທ ກາຣາປິໂຕ ໂຫຕິ… ຫມ຺ມິຍໍ ກາຣາປິຕໍ ໂຫຕິ… ຄຸຫາ ກາຣາປິຕາ ໂຫຕິ… ປຣິເວຓໍ ກາຣາປິຕໍ ໂຫຕິ… ໂກຏ຺ຐໂກ ກາຣາປິໂຕ ໂຫຕິ… ອຸປຏ຺ຐານສາລາ ກາຣາປິຕາ ໂຫຕິ… ອຄ຺ຄິສາລາ ກາຣາປິຕາ ໂຫຕິ… ຣສວຕີ ກາຣາປິຕາ ໂຫຕິ… ຈງ຺ກໂມ ກາຣາປິໂຕ ໂຫຕິ… ຈງ຺ກມນສາລາ ກາຣາປິຕາ ໂຫຕິ… ອຸທປາໂນ ກາຣາປິໂຕ ໂຫຕິ … ອຸທປານສາລາ ກາຣາປິຕາ ໂຫຕິ… ໂປກ຺ຂຣຓີ ກາຣາປິຕາ ໂຫຕິ… ມຓ຺ຑໂປ ກາຣາປິໂຕ ໂຫຕິ… ອາຣາໂມ ກາຣາປິໂຕ ໂຫຕິ… ອາຣາມວຕ຺ຖຸ ກາຣາປິຕໍ ໂຫຕິ… ປຸຕ຺ຕສ຺ສ ວາ ວາເຣຍ຺ຍໍ ໂຫຕິ… ຘີຕຸຍາ ວາ ວາເຣຍ຺ຍໍ ໂຫຕິ… ຄິລານາ ວາ ໂຫຕິ… ອຠິຎ຺ຎາຕໍ ວາ ສຸຕ຺ຕນ຺ຕໍ ຠຓຕິ. ສາ ເຈ ຠິກ຺ຂູນໍ ສນ຺ຕິເກ ທູຕໍ ປຫິເຓຍ຺ຍ – ‘‘ອາຄຈ຺ຉນ຺ຕຸ ອຍ຺ຍາ, ອິມໍ ສຸຕ຺ຕນ຺ຕໍ ປຣິຍາປຸຓິສ຺ສນ຺ຕິ, ປຸຣາຍໍ ສຸຕ຺ຕນ຺ໂຕ ປລຸຊ຺ຊຕີ’’ຕິ. ອຎ຺ຎຕຣໍ ວາ ປນສ຺ສາ ກິຈ຺ຈໍ ໂຫຕິ ກຣຓີຍໍ ວາ, ສາ ເຈ ຠິກ຺ຂູນໍ ສນ຺ຕິເກ ທູຕໍ ປຫິເຓຍ຺ຍ – ‘‘ອາຄຈ຺ຉນ຺ຕຸ ອຍ຺ຍາ, ອິຈ຺ຉາມິ ທານຎ຺ຈ ທາຕຸໍ, ຘມ຺ມຎ຺ຈ ໂສຕຸໍ, ຠິກ຺ຂູ ຈ ປສ຺ສິຕຸ’’ນ຺ຕິ, ຄນ຺ຕພ຺ພໍ, ຠິກ຺ຂເວ, ສຕ຺ຕາຫກຣຓີເຍນ, ປຫິເຕ, ນ ຕ຺ເວວ ອປ຺ປຫິເຕ. ສຕ຺ຕາຫໍ ສນ຺ນິວຕ຺ໂຕ ກາຕພ຺ໂພ.

໑໙໒. ອິຘ ປນ, ຠິກ຺ຂເວ, ຠິກ຺ຂຸນາ ສງ຺ຆໍ ອຸທ຺ທິສ຺ສ…ເປ… ຠິກ຺ຂຸນິຍາ ສງ຺ຆໍ ອຸທ຺ທິສ຺ສ… ສິກ຺ຂມານາຍ ສງ຺ຆໍ ອຸທ຺ທິສ຺ສ… ສາມເຓເຣນ ສງ຺ຆໍ ອຸທ຺ທິສ຺ສ… ສາມເຓຣິຍາ ສງ຺ຆໍ ອຸທ຺ທິສ຺ສ … ສມ຺ພຫຸເລ ຠິກ຺ຂູ ອຸທ຺ທິສ຺ສ… ເອກໍ ຠິກ຺ຂຸໍ ອຸທ຺ທິສ຺ສ… ຠິກ຺ຂຸນິສງ຺ຆໍ ອຸທ຺ທິສ຺ສ… ສມ຺ພຫຸລາ ຠິກ຺ຂຸນິໂຍ ອຸທ຺ທິສ຺ສ… ເອກໍ ຠິກ຺ຂຸນິໍ ອຸທ຺ທິສ຺ສ… ສມ຺ພຫຸລາ ສິກ຺ຂມານາໂຍ ອຸທ຺ທິສ຺ສ… ເອກໍ ສິກ຺ຂມານໍ ອຸທ຺ທິສ຺ສ… ສມ຺ພຫຸເລ ສາມເຓເຣ ອຸທ຺ທິສ຺ສ… ເອກໍ ສາມເຓຣໍ ອຸທ຺ທິສ຺ສ… ສມ຺ພຫຸລາ ສາມເຓຣິໂຍ ອຸທ຺ທິສ຺ສ… ເອກໍ ສາມເຓຣິໍ ອຸທ຺ທິສ຺ສ… ອຕ຺ຕໂນ ອຕ຺ຖາຍ ວິຫາໂຣ ກາຣາປິໂຕ ໂຫຕິ…ເປ… ອຑ຺ຒໂຍໂຄ ກາຣາປິໂຕ ໂຫຕິ… ປາສາໂທ ກາຣາປິໂຕ ໂຫຕິ… ຫມ຺ມິຍໍ ກາຣາປິຕໍ ໂຫຕິ… ຄຸຫາ ກາຣາປິຕາ ໂຫຕິ… ປຣິເວຓໍ ກາຣາປິຕໍ ໂຫຕິ … ໂກຏ຺ຐໂກ ກາຣາປິໂຕ ໂຫຕິ… ອຸປຏ຺ຐານສາລາ ກາຣາປິຕາ ໂຫຕິ… ອຄ຺ຄິສາລາ ກາຣາປິຕາ ໂຫຕິ… ກປ຺ປິຍກຸຏິ ກາຣາປິຕາ ໂຫຕິ… ຈງ຺ກໂມ ກາຣາປິໂຕ ໂຫຕິ… ຈງ຺ກມນສາລາ ກາຣາປິຕາ ໂຫຕິ… ອຸທປາໂນ ກາຣາປິໂຕ ໂຫຕິ… ອຸທປານສາລາ ກາຣາປິຕາ ໂຫຕິ… ໂປກ຺ຂຣຓີ ກາຣາປິຕາ ໂຫຕິ… ມຓ຺ຑໂປ ກາຣາປິໂຕ ໂຫຕິ… ອາຣາໂມ ກາຣາປິໂຕ ໂຫຕິ… ອາຣາມວຕ຺ຖຸ ກາຣາປິຕໍ ໂຫຕິ. ສາ ເຈ ຠິກ຺ຂູນໍ ສນ຺ຕິເກ ທູຕໍ ປຫິເຓຍ຺ຍ… ‘‘ອາຄຈ຺ຉນ຺ຕຸ ອຍ຺ຍາ, ອິຈ຺ຉາມິ ທານຎ຺ຈ ທາຕຸໍ, ຘມ຺ມຎ຺ຈ ໂສຕຸໍ, ຠິກ຺ຂູ ຈ ປສ຺ສິຕຸ’’ນ຺ຕິ, ຄນ຺ຕພ຺ພໍ, ຠິກ຺ຂເວ, ສຕ຺ຕາຫກຣຓີເຍນ, ປຫິເຕ, ນ ຕ຺ເວວ ອປ຺ປຫິເຕ. ສຕ຺ຕາຫໍ ສນ຺ນິວຕ຺ໂຕ ກາຕພ຺ໂພຕິ.

ສຕ຺ຕາຫກຣຓີຍານຸຊານຕາ ນິຏ຺ຐິຕາ.