໒໔. ອຎ຺ຊນີນິທ຺ເທໂສ

ອຎ຺ຊນີຕິ –

໑໘໒. ວຏ຺ຏາຏ຺ຐໂສຬສໍສາ ວາ, ມຏ຺ຐາ ວຏ຺ຏຕິ ອຎ຺ຊນີ;

ຕິສ຺ໂສປິ ມູເລ ຄີວາຍໍ, ເລຂາ ເອກາວ ພນ຺ຘິຕຸໍ.

໑໘໓. ຍໍ ກິຎ຺ຈິ ຣູປໍ ມາລາທິກມ຺ມໍ ມກຣທນ຺ຕກໍ;

ໂຄມຸຕ຺ຕກຑ຺ຒຈນ຺ທາທິ-ວິກາຣໍ ເນຕ຺ຖ ວຏ຺ຏຕິ.

໑໘໔. ລພ຺ເຠກວຓ຺ຓສຸຕ຺ເຕນ, ສິພ຺ພິຕຸໍ ຖວິກາ ຕຖາ;

ສິປາຏິ ກຸຎ຺ຈິກາໂກໂສ, ສລາກາປິ ອຈິຕ຺ຕກາ.

໑໘໕. ສງ຺ຂນາຠິວິສາຓຏ຺ຐິ-ນຬທນ຺ຕມຍາ ຕຖາ;

ຜລກຏ຺ຐມຍາ ເວຬຸ-ລາຂາໂລຫມຍາປິ ຈ.

໑໘໖. ອຎ຺ຊນິໂຍ ສລາກາໂຍ, ຘູມເນຕ຺ຕາ ຈ ລພ຺ຠເຣ;

ຕຖາ ສຕ຺ຖກທຓ຺ຑານິ, ນຕ຺ຖຸທານາ ຈ ຕມ຺ມຍາຕິ.