໒. ສງ຺ຆາທິເສສນິທ຺ເທໂສ

ຄຣຸກາ ນວາຕິ –

໑໙. ໂມເຈຕຸກາມຕາ ສຸກ຺ກ-ສ຺ສຸປກ຺ກມ຺ມ ວິໂມຈຍໍ;

ອຎ຺ຎຕ຺ຣ ສຸປິນນ຺ເຕນ, ສມໂຓ ຄຣຸກໍ ຜຸເສ.

໒໐. ອິຕ຺ຖິສຎ຺ຎີ ມນຸສ຺ສິຕ຺ຖິໍ, ກາຍສໍສຄ຺ຄຣາຄວາ;

ສມ຺ຜຸສນ຺ໂຕ ອຸປກ຺ກມ຺ມ, ສມໂຓ ຄຣຸກໍ ຜຸເສ.

໒໑. ຕຖາ ສຸຓນ຺ຕິໍ ວິຎ຺ຎຸຎ຺ຈ, ມຄ຺ຄໍ ວາຣພ຺ຠ ເມຖຸນໍ;

ທຸຏ຺ຐຸລ຺ລວາຈາຣາເຄນ, ໂອຠາເສຕ຺ວາ ຄຣຸໍ ຜຸເສ.

໒໒. ວຕ຺ວາຕ຺ຕກາມຸປຏ຺ຐານ-ວຓ຺ຓໍ ເມຖຸນຣາຄິໂນ;

ວາຈາ ເມຖຸນຍຸຕ຺ເຕນ, ຄຣຸໍ ເມຖຸນຍາຈເນ.

໒໓. ປຏິຄ຺ຄເຫຕ຺ວາ ສນ຺ເທສໍ, ອິຕ຺ຖິຍາ ປຸຣິສສ຺ສ ວາ;

ວີມໍສິຕ຺ວາ ຫຣໍ ປຈ຺ຈາ, ສມໂຓ ຄຣຸກໍ ຜຸເສ.

໒໔. ສໍຍາຈິຕປຣິກ຺ຂາຣໍ, ກຕ຺ວາເທສິຕວຕ຺ຖຸກໍ;

ກຸຏິໍ ປມາຓາຕິກ຺ກນ຺ຕໍ, ອຕ຺ຕຸທ຺ເທສໍ ຄຣຸໍ ຜຸເສ.

໒໕. ມຫລ຺ລກໍ ວິຫາຣໍ ວາ, ກຕ຺ວາເທສິຕວຕ຺ຖຸກໍ;

ອຕ຺ຕໂນ ວສນຕ຺ຖາຍ, ສມໂຓ ຄຣຸກໍ ຜຸເສ.

໒໖. ອມູລເກນ ໂຈເທນ຺ໂຕ, ໂຈທາເປນ຺ໂຕວ ວຕ຺ຖຸນາ;

ອນ຺ຕິເມນ ຈ ຈາເວຕຸໍ, ສຸຓມານໍ ຄຣຸໍ ຜຸເສ.

໒໗. ອຎ຺ຎສ຺ສ ກິຣິຍໍ ທິສ຺ວາ, ເຕນ ເລເສນ ໂຈທຍໍ;

ວຕ຺ຖຸນາ ອນ຺ຕິເມນາຎ຺ຎໍ, ຈາເວຕຸໍ ຄຣຸກໍ ຜຸເສ.

໒໘. ຉາເທຕິ ຊານມາປນ຺ນໍ, ປຣິວເສຍ຺ຍ ຕາວຕາ;

ຈເຣຍ຺ຍ ສງ຺ເຆ ມານຕ຺ຕໍ, ປຣິວຸຕ຺ໂຖ ຉ ຣຕ຺ຕິໂຍ.

ຈິຓ຺ຓມານຕ຺ຕມພ຺ເຠຍ຺ຍ, ຕໍ ສງ຺ໂຆ ວີສຕີຄໂຓ.

໒໙. ອາປຕ຺ຕິນຸກ຺ຂິຕ຺ຕມນນ຺ຕຣາຍ

ປຫຸຕ຺ຕຕາໂຍ ຕຖສຎ຺ຎິຕາ ຈ;

ຉາເທຕຸກາໂມ ອຖ ຉາທນາຕິ,

ຉນ຺ນາ ທສງ຺ເຄຫ຺ຍຣຸຓຸຄ຺ຄມມ຺ຫີຕິ.