໑໑. ນິສ຺ສຄ຺ຄິຍນິທ຺ເທໂສ

ນິສ຺ສຄ຺ຄິຍານີຕິ –

໑໑໖. ອຣູປິຍໍ ຣູປິເຍນ, ຣູປິຍໍ ອິຕເຣນ ຈ;

ຣູປິຍໍ ປຣິວຕ຺ເຕຍ຺ຍ, ນິສ຺ສຄ຺ຄິ ອິຘ ຣູປິຍໍ.

໑໑໗. ກຫາປໂຓ ສຊ຺ຌຸ ສິງ຺ຄີ, ໂວຫາຣູປຄມາສກໍ;

ວຕ຺ຖມຸຕ຺ຕາທິ ອິຕຣໍ, ກປ຺ປໍ ທຸກ຺ກຏວຕ຺ຖຸ ຈ.

໑໑໘. ‘‘ອິມໍ ຄເຫຕ຺ວາ ຠຸຕ຺ວາ ວາ, ອິມໍ ເທຫິ ກຣານຍ;

ເທມິ ວາ’’ຕິ ສມາປນ຺ເນ, ນິສ຺ສຄ຺ຄິ ກຍວິກ຺ກເຍ.

໑໑໙. ອຕ຺ຕໂນ ອຎ຺ຎໂຕ ລາຠໍ, ສງ຺ຆສ຺ສຎ຺ຎສ຺ສ ວາ ນຕໍ;

ປຣິຓາເມຍ຺ຍ ນິສ຺ສຄ຺ຄິ, ປາຈິຕ຺ຕິ ຈາປິ ທຸກ຺ກຏໍ.

໑໒໐. ອນິສ຺ສຊ຺ຊິຕ຺ວາ ນິສ຺ສຄ຺ຄິໍ, ປຣິຠຸຎ຺ເຊ ນ ເທຍ຺ຍ ວາ;

ນິສ຺ສຏ຺ຐໍ ສກສຎ຺ຎາຍ, ທຸກ຺ກຏໍ ອຎ຺ຎເຖຕຣນ຺ຕິ.