໑໔. ອຕິກ຺ກນ຺ຕກາລວາໂຣ

ຍສ຺ສ ຍໍ ຈິຕ຺ຕໍ ອຸປ຺ປຊ຺ຊມານໍ ຂຓໍ ຂຓໍ ວີຕິກ຺ກນ຺ຕໍ ອຕິກ຺ກນ຺ຕກາລໍ, ນິຣຸຊ຺ຌມານໍ ຂຓໍ ຂຓໍ ວີຕິກ຺ກນ຺ຕໍ ອຕິກ຺ກນ຺ຕກາລໍ ຕສ຺ສ ຕໍ ຈິຕ຺ຕໍ. ຍສ຺ສ ວາ ປນ ຍໍ ຈິຕ຺ຕໍ ນິຣຸຊ຺ຌມານໍ ຂຓໍ ຂຓໍ ວີຕິກ຺ກນ຺ຕໍ ອຕິກ຺ກນ຺ຕກາລໍ, ອຸປ຺ປຊ຺ຊມານໍ ຂຓໍ ຂຓໍ ວີຕິກ຺ກນ຺ຕໍ ອຕິກ຺ກນ຺ຕກາລໍ ຕສ຺ສ ຕໍ ຈິຕ຺ຕໍ.

ຍສ຺ສ ຍໍ ຈິຕ຺ຕໍ ນ ອຸປ຺ປຊ຺ຊມານໍ ຂຓໍ ຂຓໍ ວີຕິກ຺ກນ຺ຕໍ ອຕິກ຺ກນ຺ຕກາລໍ, ນ ນິຣຸຊ຺ຌມານໍ ຂຓໍ ຂຓໍ ວີຕິກ຺ກນ຺ຕໍ ອຕິກ຺ກນ຺ຕກາລໍ ຕສ຺ສ ຕໍ ຈິຕ຺ຕໍ. ຍສ຺ສ ວາ ປນ ຍໍ ຈິຕ຺ຕໍ ນ ນິຣຸຊ຺ຌມານໍ ຂຓໍ ຂຓໍ ວີຕິກ຺ກນ຺ຕໍ ອຕິກ຺ກນ຺ຕກາລໍ, ນ ອຸປ຺ປຊ຺ຊມານໍ ຂຓໍ ຂຓໍ ວີຕິກ຺ກນ຺ຕໍ ອຕິກ຺ກນ຺ຕກາລໍ ຕສ຺ສ ຕໍ ຈິຕ຺ຕໍ.

ສຸຕ຺ຕນ຺ຕຈິຕ຺ຕມິສ຺ສກວິເສໂສ

ຍສ຺ສ ສຣາຄໍ ຈິຕ຺ຕໍ ອຸປ຺ປຊ຺ຊຕິ…ເປ… ຍສ຺ສ ວີຕຣາຄໍ ຈິຕ຺ຕໍ ອຸປ຺ປຊ຺ຊຕິ. ຍສ຺ສ ສໂທສໍ ຈິຕ຺ຕໍ ອຸປ຺ປຊ຺ຊຕິ. ຍສ຺ສ ວີຕໂທສໍ ຈິຕ຺ຕໍ ອຸປ຺ປຊ຺ຊຕິ. ຍສ຺ສ ສໂມຫໍ ຈິຕ຺ຕໍ ອຸປ຺ປຊ຺ຊຕິ. ຍສ຺ສ ວີຕໂມຫໍ ຈິຕ຺ຕໍ ອຸປ຺ປຊ຺ຊຕິ. ຍສ຺ສ ສໍຂິຕ຺ຕໍ ຈິຕ຺ຕໍ ອຸປ຺ປຊ຺ຊຕິ. ຍສ຺ສ ວິກ຺ຂິຕ຺ຕໍ ຈິຕ຺ຕໍ ອຸປ຺ປຊ຺ຊຕິ. ຍສ຺ສ ມຫຄ຺ຄຕໍ ຈິຕ຺ຕໍ ອຸປ຺ປຊ຺ຊຕິ. ຍສ຺ສ ອມຫຄ຺ຄຕໍ ຈິຕ຺ຕໍ ອຸປ຺ປຊ຺ຊຕິ. ຍສ຺ສ ສອຸຕ຺ຕຣໍ ຈິຕ຺ຕໍ ອຸປ຺ປຊ຺ຊຕິ. ຍສ຺ສ ອນຸຕ຺ຕຣໍ ຈິຕ຺ຕໍ ອຸປ຺ປຊ຺ຊຕິ. ຍສ຺ສ ສມາຫິຕໍ ຈິຕ຺ຕໍ ອຸປ຺ປຊ຺ຊຕິ. ຍສ຺ສ ອສມາຫິຕໍ ຈິຕ຺ຕໍ ອຸປ຺ປຊ຺ຊຕິ. ຍສ຺ສ ວິມຸຕ຺ຕໍ ຈິຕ຺ຕໍ ອຸປ຺ປຊ຺ຊຕິ. ຍສ຺ສ ອວິມຸຕ຺ຕໍ ຈິຕ຺ຕໍ ອຸປ຺ປຊ຺ຊຕິ.

ອຠິຘມ຺ມຈິຕ຺ຕມິສ຺ສກວິເສໂສ

ຍສ຺ສ ກຸສລໍ ຈິຕ຺ຕໍ ອຸປ຺ປຊ຺ຊຕິ…ເປ… ຍສ຺ສ ອກຸສລໍ ຈິຕ຺ຕໍ ອຸປ຺ປຊ຺ຊຕິ. ຍສ຺ສ ອພ຺ຍາກຕໍ ຈິຕ຺ຕໍ ອຸປ຺ປຊ຺ຊຕິ. ຍສ຺ສ ສຸຂາຍ ເວທນາຍ ສມ຺ປຍຸຕ຺ຕໍ ຈິຕ຺ຕໍ ອຸປ຺ປຊ຺ຊຕິ.

(ເອເຕນ ອຸປາເຍນ ຍາວ ສຣຓອຣຓາ ອຸທ຺ຘຣິຕພ຺ພາ.)

ຍສ຺ສ ອຣຓໍ ຈິຕ຺ຕໍ ອຸປ຺ປຊ຺ຊຕິ ນ ນິຣຸຊ຺ຌຕິ, ຕສ຺ສ ອຣຓໍ ຈິຕ຺ຕໍ ນິຣຸຊ຺ຌິສ຺ສຕິ ນ ອຸປ຺ປຊ຺ຊິສ຺ສຕິ. ຍສ຺ສ ວາ ປນ ອຣຓໍ ຈິຕ຺ຕໍ ນິຣຸຊ຺ຌິສ຺ສຕິ ນ ອຸປ຺ປຊ຺ຊິສ຺ສຕິ, ຕສ຺ສ ອຣຓໍ ຈິຕ຺ຕໍ ອຸປ຺ປຊ຺ຊຕິ ນ ນິຣຸຊ຺ຌຕິ.

ຈິຕ຺ຕຍມກມາຕິກາ ນິຏ຺ຐິຕາ.