໓. ເອກປຸຕ຺ຕກສຸຕ຺ຕໍ

໑໗໒. ສາວຕ຺ຖິຍໍ ວິຫຣຕິ…ເປ… ‘‘ທາຣຸໂຓ, ຠິກ຺ຂເວ, ລາຠສກ຺ກາຣສິໂລໂກ…ເປ… ສທ຺ຘາ, ຠິກ຺ຂເວ, ອຸປາສິກາ ເອກປຸຕ຺ຕກໍ ປິຍໍ ມນາປໍ ເອວໍ ສມ຺ມາ ອາຍາຈມານາ ອາຍາເຈຍ຺ຍ – ‘ຕາທິໂສ, ຕາຕ, ຠວາຫິ ຍາທິໂສ ຈິຕ຺ໂຕ ຈ ຄຫປຕິ ຫຕ຺ຖໂກ ຈ ອາຬວໂກ’ຕິ. ເອສາ, ຠິກ຺ຂເວ, ຕຸລາ ເອຕໍ ປມາຓໍ ມມ ສາວການໍ ອຸປາສການໍ, ຍທິທໍ ຈິຕ຺ໂຕ ຈ ຄຫປຕິ ຫຕ຺ຖໂກ ຈ ອາຬວໂກ. ສເຈ ໂຂ ຕ຺ວໍ, ຕາຕ, ອຄາຣສ຺ມາ ອນຄາຣິຍໍ ປພ຺ພຊສິ; ຕາທິໂສ, ຕາຕ, ຠວາຫິ ຍາທິສາ ສາຣິປຸຕ຺ຕໂມຄ຺ຄລ຺ລານາຕິ. ເອສາ, ຠິກ຺ຂເວ, ຕຸລາ ເອຕໍ ປມາຓໍ ມມ ສາວການໍ ຠິກ຺ຂູນໍ, ຍທິທໍ ສາຣິປຸຕ຺ຕໂມຄ຺ຄລານາ. ມາ ຈ ໂຂ ຕ຺ວໍ, ຕາຕ, ເສຂໍ ອປ຺ປຕ຺ຕມານສໍ ລາຠສກ຺ກາຣສິໂລໂກ ອນຸປາປຸຓາຕູຕິ. ຕຎ຺ເຈ, ຠິກ຺ຂເວ, ຠິກ຺ຂຸໍ ເສຂໍ ອປ຺ປຕ຺ຕມານສໍ ລາຠສກ຺ກາຣສິໂລໂກ ອນຸປາປຸຓາຕິ, ໂສ ຕສ຺ສ ໂຫຕິ ອນ຺ຕຣາຍາຍ. ເອວໍ ທາຣຸໂຓ ໂຂ, ຠິກ຺ຂເວ, ລາຠສກ຺ກາຣສິໂລໂກ…ເປ… ເອວຎ຺ຫິ ໂວ, ຠິກ຺ຂເວ, ສິກ຺ຂິຕພ຺ພ’’ນ຺ຕິ. ຕຕິຍໍ.