໒. ທຸຕິຍວຄ຺ໂຄ

໑. ສຸວຓ຺ຓປາຕິສຸຕ຺ຕໍ

໑໖໗. ສາວຕ຺ຖິຍໍ ວິຫຣຕິ…ເປ… ‘‘ທາຣຸໂຓ, ຠິກ຺ຂເວ, ລາຠສກ຺ກາຣສິໂລໂກ…ເປ… ອຘິຄມາຍ. ອິຘາຫໍ, ຠິກ຺ຂເວ, ເອກຈ຺ຈໍ ປຸຄ຺ຄລໍ ເອວໍ ເຈຕສາ ເຈໂຕ ປຣິຈ຺ຈ ປຊານາມິ – ‘ນ ຈາຍມາຍສ຺ມາ ສຸວຓ຺ຓປາຕິຍາປິ ຣູປິຍຈຸຓ຺ຓປຣິປູຣາຍ ເຫຕຸ ສມ຺ປຊານມຸສາ ຠາເສຍ຺ຍາ’ຕິ. ຕເມນໍ ປສ຺ສາມິ ອປເຣນ ສມເຍນ ລາຠສກ຺ກາຣສິໂລເກນ ອຠິຠູຕໍ ປຣິຍາທິຓ຺ຓຈິຕ຺ຕໍ ສມ຺ປຊານມຸສາ ຠາສນ຺ຕໍ. ເອວໍ ທາຣຸໂຓ ໂຂ, ຠິກ຺ຂເວ, ລາຠສກ຺ກາຣສິໂລໂກ…ເປ… ເອວຎ຺ຫິ ໂວ, ຠິກ຺ຂເວ, ສິກ຺ຂິຕພ຺ພ’’ນ຺ຕິ. ປຐມໍ.

໒. ຣູປິຍປາຕິສຸຕ຺ຕໍ

໑໖໘. ສາວຕ຺ຖິຍໍ ວິຫຣຕິ…ເປ… ‘‘ທາຣຸໂຓ, ຠິກ຺ຂເວ, ລາຠສກ຺ກາຣສິໂລໂກ…ເປ… ອິຘາຫໍ, ຠິກ຺ຂເວ, ເອກຈ຺ຈໍ ປຸຄ຺ຄລໍ ເອວໍ ເຈຕສາ ເຈໂຕ ປຣິຈ຺ຈ ປຊານາມິ – ‘ນ ຈາຍມາຍສ຺ມາ ຣູປິຍປາຕິຍາປິ ສຸວຓ຺ຓຈຸຓ຺ຓປຣິປູຣາຍ ເຫຕຸ ສມ຺ປຊານມຸສາ ຠາເສຍ຺ຍາ’ຕິ. ຕເມນໍ ປສ຺ສາມິ ອປເຣນ ສມເຍນ ລາຠສກ຺ກາຣສິໂລເກນ ອຠິຠູຕໍ ປຣິຍາທິຓ຺ຓຈິຕ຺ຕໍ ສມ຺ປຊານມຸສາ ຠາສນ຺ຕໍ. ເອວໍ ທາຣຸໂຓ ໂຂ, ຠິກ຺ຂເວ, ລາຠສກ຺ກາຣສິໂລໂກ…ເປ… ເອວຎ຺ຫິ ໂວ, ຠິກ຺ຂເວ, ສິກ຺ຂິຕພ຺ພ’’ນ຺ຕິ. ທຸຕິຍໍ.

໓-໑໐. ສຸວຓ຺ຓນິກ຺ຂສຸຕ຺ຕາທິອຏ຺ຐກໍ

໑໖໙. ສາວຕ຺ຖິຍໍ ວິຫຣຕິ…ເປ… ‘‘ອິຘາຫໍ, ຠິກ຺ຂເວ, ເອກຈ຺ຈໍ ປຸຄ຺ຄລໍ ເອວໍ ເຈຕສາ ເຈໂຕ ປຣິຈ຺ຈ ປຊານາມິ – ‘ນ ຈາຍມາຍສ຺ມາ ສຸວຓ຺ຓນິກ຺ຂສ຺ສາປິ ເຫຕຸ…ເປ… ສຸວຓ຺ຓນິກ຺ຂສຕສ຺ສາປິ ເຫຕຸ… ສິງ຺ຄີນິກ຺ຂສ຺ສາປິ ເຫຕຸ… ສິງ຺ຄີນິກ຺ຂສຕສ຺ສາປິ ເຫຕຸ… ປຖວິຍາປິ ຊາຕຣູປປຣິປູຣາຍ ເຫຕຸ… ອາມິສກິຎ຺ຈິກ຺ຂເຫຕຸປິ… ຊີວິຕເຫຕຸປິ… ຊນປທກລ຺ຍາຓິຍາປິ ເຫຕຸ ສມ຺ປຊານມຸສາ ຠາເສຍ຺ຍາ’ຕິ. ຕເມນໍ ປສ຺ສາມິ ອປເຣນ ສມເຍນ ລາຠສກ຺ກາຣສິໂລເກນ ອຠິຠູຕໍ ປຣິຍາທິຓ຺ຓຈິຕ຺ຕໍ ສມ຺ປຊານມຸສາ ຠາສນ຺ຕໍ. ເອວໍ ທາຣຸໂຓ ໂຂ, ຠິກ຺ຂເວ, ລາຠສກ຺ກາຣສິໂລໂກ…ເປ… ເອວຎ຺ຫິ ໂວ, ຠິກ຺ຂເວ, ສິກ຺ຂິຕພ຺ພ’’ນ຺ຕິ. ທສມໍ.

ທຸຕິໂຍ ວຄ຺ໂຄ.

ຕສ຺ສຸທ຺ທານໍ –

ທ຺ເວ ປາຕິ ທ຺ເວ ສຸວຓ຺ຓາ ຈ, ສິງ຺ຄີຫິ ອປເຣ ທຸເວ;

ປຖວີ ກິຎ຺ຈິກ຺ຂຊີວິຕໍ, ຊນປທກລ຺ຍາຓິຍາ ທສາຕິ.