໔. ທຸຕິຍສມ຺ເຠຊ຺ຊອຸທກສຸຕ຺ຕໍ

໗໗. ສາວຕ຺ຖິຍໍ ວິຫຣຕິ…ເປ… ‘‘ເສຍ຺ຍຖາປິ, ຠິກ຺ຂເວ, ຍຕ຺ຖິມາ ມຫານທິໂຍ ສໍສນ຺ທນ຺ຕິ ສເມນ຺ຕິ, ເສຍ຺ຍຖິທໍ – ຄງ຺ຄາ ຍມຸນາ ອຈິຣວຕີ ສຣຠູ ມຫີ, ຕໍ ອຸທກໍ ປຣິກ຺ຂຍໍ ປຣິຍາທານໍ ຄຈ຺ເຉຍ຺ຍ ຐເປຕ຺ວາ ທ຺ເວ ວາ ຕີຓິ ວາ ອຸທກຜຸສິຕານິ. ຕໍ ກິໍ ມຎ຺ຎຖ, ຠິກ຺ຂເວ, ກຕມໍ ນຸ ໂຂ ພຫຸຕຣໍ, ຍໍ ວາ ສມ຺ເຠຊ຺ຊອຸທກໍ ປຣິກ຺ຂີຓໍ ປຣິຍາທິຓ຺ຓໍ ຍານິ ວາ ທ຺ເວ ວາ ຕີຓິ ວາ ອຸທກຜຸສິຕານິ ອວສິຏ຺ຐານີ’’ຕິ?

‘‘ເອຕເທວ, ຠນ຺ເຕ, ພຫຸຕຣໍ ສມ຺ເຠຊ຺ຊອຸທກໍ ຍທິທໍ ປຣິກ຺ຂີຓໍ ປຣິຍາທິຓ຺ຓໍ; ອປ຺ປມຕ຺ຕການິ ທ຺ເວ ວາ ຕີຓິ ວາ ອຸທກຜຸສິຕານິ ອວສິຏ຺ຐານິ. ເນວ ສຕິມໍ ກລໍ ອຸເປນ຺ຕິ ນ ສຫສ຺ສິມໍ ກລໍ ອຸເປນ຺ຕິ ນ ສຕສຫສ຺ສິມໍ ກລໍ ອຸເປນ຺ຕິ ສມ຺ເຠຊ຺ຊອຸທກໍ ປຣິກ຺ຂີຓໍ ປຣິຍາທິຓ຺ຓໍ ອຸປນິຘາຍ ທ຺ເວ ວາ ຕີຓິ ວາ ອຸທກຜຸສິຕານິ ອວສິຏ຺ຐານີ’’ຕິ. ‘‘ເອວເມວ ໂຂ, ຠິກ຺ຂເວ…ເປ… ຘມ຺ມຈກ຺ຂຸປຏິລາໂຠ’’ຕິ. ຈຕຸຕ຺ຖໍ.