໑໑. ຊຕຸກຓ຺ຓິມາຓວປຸຈ຺ຉາ

໑໑໐໒. ‘‘ສຸຕ຺ວານຫໍ ວີຣມກາມກາມິໍ, (ອິຈ຺ຈາຍສ຺ມາ ຊຕຸກຓ຺ຓິ)

ໂອຆາຕິຄໍ ປຸຏ຺ຐຸມກາມມາຄມໍ;

ສນ຺ຕິປທໍ ພ຺ຣູຫິ ສຫຊເນຕ຺ຕ, ຍຖາຕຈ຺ຉໍ ຠຄວາ ພ຺ຣູຫິ ເມ ຕໍ.

໑໑໐໓. ‘‘ຠຄວາ ຫິ ກາເມ ອຠິຠຸຍ຺ຍ ອິຣິຍຕິ, ອາທິຈ຺ໂຈວ ປຖວິໍ ເຕຊີ ເຕຊສາ;

ປຣິຕ຺ຕປຎ຺ຎສ຺ສ ເມ ຠູຣິປຎ຺ຎ, ອາຈິກ຺ຂ ຘມ຺ມໍ ຍມຫໍ ວິຊຎ຺ຎໍ;

ຊາຕິຊຣາຍ ອິຘ ວິປ຺ປຫານໍ’’.

໑໑໐໔. ‘‘ກາເມສຸ ວິນຍ ເຄຘໍ, (ຊຕຸກຓ຺ຓີຕິ ຠຄວາ) ເນກ຺ຂມ຺ມໍ ທຏ຺ຐຸ ເຂມໂຕ;

ອຸຄ຺ຄຫີຕໍ ນິຣຕ຺ຕໍ ວາ, ມາ ເຕ ວິຊ຺ຊິຕ຺ຖ ກິຎ຺ຈນໍ.

໑໑໐໕. ‘‘ຍໍ ປຸພ຺ເພ ຕໍ ວິໂສເສຫິ, ປຈ຺ຉາ ເຕ ມາຫຸ ກິຎ຺ຈນໍ;

ມຊ຺ເຌ ເຈ ໂນ ຄເຫສ຺ສສິ, ອຸປສນ຺ໂຕ ຈຣິສ຺ສສິ.

໑໑໐໖. ‘‘ສພ຺ພໂສ ນາມຣູປສ຺ມິໍ, ວີຕເຄຘສ຺ສ ພ຺ຣາຫ຺ມຓ;

ອາສວາສ຺ສ ນ ວິຊ຺ຊນ຺ຕິ, ເຍຫິ ມຈ຺ຈຸວສໍ ວເຊ’’ຕິ.

ຊຕຸກຓ຺ຓິມາຓວປຸຈ຺ຉາ ເອກາທສມາ ນິຏ຺ຐິຕາ.