໔໖໘. ຊນສນ຺ຘຊາຕກໍ (໕)

໔໙. ທສ ຂລຸ ອິມານິ [ຂລຸມານິ (ສ຺ຍາ.)] ຐານານິ, ຍານິ ປຸພ຺ເພ ອກຣິຕ຺ວາ;

ສ ປຈ຺ຉາ ມນຸຕປ຺ປຕິ, ອິຈ຺ເຈວາຫ [ອິຈ຺ຈາຫ ຣາຊາ (ສີ. ສ຺ຍາ. ປີ.)] ຊນສນ຺ໂຘ.

໕໐. ອລທ຺ຘາ ວິຕ຺ຕໍ ຕປ຺ປຕິ, ປຸພ຺ເພ ອສມຸທານິຕໍ;

ນ ປຸພ຺ເພ ຘນເມສິສ຺ສໍ, ອິຕິ ປຈ຺ຉານຸຕປ຺ປຕິ.

໕໑. ສກ຺ຍຣູປໍ ປຸເຣ ສນ຺ຕໍ, ມຍາ ສິປ຺ປໍ ນ ສິກ຺ຂິຕໍ;

ກິຈ຺ຉາ ວຸຕ຺ຕິ ອສິປ຺ປສ຺ສ, ອິຕິ ປຈ຺ຉານຸຕປ຺ປຕິ.

໕໒. ກູຏເວທີ ປຸເຣ ອາສິໍ, ປິສຸໂຓ ປິຏ຺ຐິມໍສິໂກ;

ຈຓ຺ໂຑ ຈ ຜຣຸໂສ ຈາປິ [ຈາສິໍ (ສີ. ສ຺ຍາ. ປີ.)], ອິຕິ ປຈ຺ຉານຸຕປ຺ປຕິ.

໕໓. ປາຓາຕິປາຕີ ປຸເຣ ອາສິໍ, ລຸທ຺ໂທ ຈາປິ [ຈາສິໍ (ສີ. ປີ.)] ອນາຣິໂຍ;

ຠູຕານໍ ນາປຈາຍິສ຺ສໍ, ອິຕິ ປຈ຺ຉານຸຕປ຺ປຕິ.

໕໔. ພຫູສຸ ວຕ ສນ຺ຕີສຸ, ອນາປາທາສຸ ອິຕ຺ຖິສຸ;

ປຣທາຣໍ ອເສວິສ຺ສໍ, ອິຕິ ປຈ຺ຉານຸຕປ຺ປຕິ.

໕໕. ພຫຸມ຺ຫິ ວຕ ສນ຺ຕມ຺ຫິ, ອນ຺ນປາເນ ອຸປຏ຺ຐິເຕ;

ນ ປຸພ຺ເພ ອທທໍ [ອທທິໍ (ສີ.)] ທານໍ, ອິຕິ ປຈ຺ຉານຸຕປ຺ປຕິ.

໕໖. ມາຕຣໍ ປິຕຣຎ຺ຈາປິ, ຊິຓ຺ຓກໍ ຄຕໂຍພ຺ພນໍ [ຊິຓ຺ຓເກ ຄຕໂຍພ຺ພເນ (ສີ. ສ຺ຍາ. ປີ.)];

ປຫຸ ສນ຺ໂຕ ນ ໂປສິສ຺ສໍ, ອິຕິ ປຈ຺ຉານຸຕປ຺ປຕິ.

໕໗. ອາຈຣິຍມນຸສຕ຺ຖາຣໍ, ສພ຺ພກາມຣສາຫຣໍ;

ປິຕຣໍ ອຕິມຎ຺ຎິສ຺ສໍ, ອິຕິ ປຈ຺ຉານຸຕປ຺ປຕິ.

໕໘. ສມເຓ ພ຺ຣາຫ຺ມເຓ ຈາປິ, ສີລວນ຺ເຕ ພຫຸສ຺ສຸເຕ;

ນ ປຸພ຺ເພ ປຍິຣຸປາສິສ຺ສໍ, ອິຕິ ປຈ຺ຉານຸຕປ຺ປຕິ.

໕໙. ສາຘຸ ໂຫຕິ ຕໂປ ຈິຓ຺ໂຓ, ສນ຺ໂຕ ຈ ປຍິຣຸປາສິໂຕ;

ນ ຈ ປຸພ຺ເພ ຕໂປ ຈິຓ຺ໂຓ, ອິຕິ ປຈ຺ຉານຸຕປ຺ປຕິ.

໖໐. ໂຍ ຈ ເອຕານິ ຐານານິ, ໂຍນິໂສ ປຏິປຊ຺ຊຕິ;

ກຣໍ ປຸຣິສກິຈ຺ຈານິ, ສ ປຈ຺ຉາ ນານຸຕປ຺ປຕີຕິ.

ຊນສນ຺ຘຊາຕກໍ ປຎ຺ຈມໍ.