໖. ສູຣິຍເປຍ຺ຍາລວຄ຺ຄວຓ຺ຓນາ

໔໙-໖໒. ສູຣິຍເປຍ຺ຍາເລ ອຣຸຓຸຄ຺ຄໍ ວິຍ ກລ຺ຍາຓມິຕ຺ຕຕ຺ຕາ, ກລ຺ຍາຓມິຕ຺ຕຕາຍ ຐຕ຺ວາ ນິພ຺ພຕ຺ຕິໂຕ ສວິປສ຺ສນອຣິຍມຄ຺ໂຄ ສູຣິຍປາຕຸຠາໂວ ວິຍາຕິ ເອວໍ ສພ຺ພຕ຺ຖ ອຕ຺ໂຖ ເວທິຕພ຺ໂພ. ສີລສມ຺ປທາຕິ ຈຕຸປາຣິສຸທ຺ຘິສີລໍ. ຉນ຺ທສມ຺ປທາຕິ ກຸສລກຕ຺ຕຸກມ຺ຍຕາຉນ຺ໂທ. ອຕ຺ຕສມ຺ປທາຕິ ສມ຺ປນ຺ນຈິຕ຺ຕຕາ. ທິຏ຺ຐິສມ຺ປທາຕິ ຎາຓສມ຺ປຕ຺ຕິ. ອປ຺ປມາທສມ຺ປທາຕິ ກາຣາປກອປ຺ປມາທສມ຺ປຕ຺ຕິ. ໂຍນິໂສມນສິກາຣສມ຺ປທາຕິ ອຸປາຍມນສິກາຣສມ຺ປຕ຺ຕິ. ປຸນ ກລ຺ຍາຓມິຕ຺ຕຕາຕິອາທີນິ ສມ຺ມາທິຏ຺ຐິອາທີນໍ ອຎ຺ເຎນປິ ອາກາເຣນ ຠາວທສ຺ສນຕ຺ຖໍ ວຸຕ຺ຕານິ. ສພ຺ພາເນວ ເຈຕານິ ສຸຕ຺ຕານິ ປາຏິເຍກ຺ກໍ ປຸຄ຺ຄລຊ຺ຌາສຍວເສນ ວຸຕ຺ຕານີຕິ.

ສູຣິຍເປຍ຺ຍາລວຄ຺ໂຄ.