໓. ມິຈ຺ຉຕ຺ຕວຄ຺ຄວຓ຺ຓນາ

໒໑-໓໐. ຕຕິຍວຄ຺ຄສ຺ສ ປຐເມ ມິຈ຺ຉຕ຺ຕນ຺ຕິ ມິຈ຺ຉາສຠາວໍ. ສມ຺ມຕ຺ຕນ຺ຕິ ສມ຺ມາສຠາວໍ. ມິຈ຺ຉາປຏິປຕ຺ຕາຘິກຣຓເຫຕູຕິ ມິຈ຺ຉາປຏິປຕ຺ຕິກຣຓເຫຕຸ. ຍສ຺ມາ ມິຈ຺ຉາປຏິປຕ຺ຕິໍ ກໂຣຕິ, ຕສ຺ມາຕິ ອຕ຺ໂຖ. ນາຣາຘໂກຕິ ນ ສມ຺ປາທໂກ. ຎາຍໍ ຘມ຺ມນ຺ຕິ ອຣິຍມຄ຺ຄຘມ຺ມໍ. ມິຈ຺ຉາຎາຓີຕິ ມິຈ຺ຉາວິຎ຺ຎາໂຓ ມິຈ຺ຉາປຈ຺ຈເວກ຺ຂໂຓ. ມິຈ຺ຉາວິມຸຕ຺ຕີຕິ ອຍາຖາວວິມຸຕ຺ຕິ, ອນິຍ຺ຍານິກວິມຸຕ຺ຕິ. ອິເມສຸ ຕຕິຍາທີສຸ ຈຕູສຸ ສຸຕ຺ເຕສຸ ວຏ຺ຏວິວຏ຺ຏໍ ກຖິຕໍ, ປຈ຺ຉິເມສຸ ປເນຕ຺ຖ ທ຺ວີສຸ ປຸຄ຺ຄໂລ ປຸຈ຺ຉິໂຕ ຘມ຺ໂມ ວິຠຕ຺ໂຕ, ເອວໍ ຘມ຺ເມນ ປຸຄ຺ຄໂລ ທສ຺ສິໂຕຕິ. ສຸປ຺ປວຕ຺ຕິໂຍຕິ ສຸປ຺ປວຕ຺ຕນິໂຍ. ຍຖາ ອິຈ຺ຉິຕິຈ຺ຉິຕໍ ທິສໍ ປວຕ຺ເຕນ຺ໂຕ ຘາວຕິ, ເອວໍ ປວຕ຺ເຕຕຸໍ ສກ຺ກາ ໂຫຕີຕິ ອຕ຺ໂຖ. ສອຸປນິສໍ ສປຣິກ຺ຂາຣນ຺ຕິ ສປ຺ປຈ຺ຈຍໍ ສປຣິວາຣໍ. ເສສໍ ສພ຺ພຕ຺ຖ ອຸຕ຺ຕານຕ຺ຖເມວາຕິ.

ມິຈ຺ຉຕ຺ຕວຄ຺ໂຄ ຕຕິໂຍ.