໑໐. ຄນ຺ຘພ຺ພກາຍສໍຍຸຕ຺ຕວຓ຺ຓນາ

໔໓໘-໕໔໙. ຄນ຺ຘພ຺ພກາຍສໍຍຸຕ຺ເຕ ມູລຄນ຺ເຘ ອຘິວຕ຺ຖາຕິ ຍສ຺ສ ຣຸກ຺ຂສ຺ສ ມູເລ ຄນ຺ໂຘ ອຕ຺ຖິ, ຕໍ ນິສ຺ສາຍ ນິພ຺ພຕ຺ຕາ. ໂສ ຫິ ສກໂລປິ ຣຸກ຺ໂຂ ເຕສໍ ອຸປກປ຺ປຕິ. ເສສປເທສຸປິ ເອເສວ ນໂຍ. ຄນ຺ຘຄນ຺ເຘຕິ ມູລາທິຄນ຺ຘານໍ ຄນ຺ເຘ. ຍສ຺ສ ຫິ ຣຸກ຺ຂສ຺ສ ສພ຺ເພສມ຺ປິ ມູລາທີນໍ ຄນ຺ໂຘ ອຕ຺ຖິ, ໂສ ອິຘ ຄນ຺ໂຘ ນາມ. ຕສ຺ສ ຄນ຺ຘສ຺ສ ຄນ຺ເຘ, ຕສ຺ມິໍ ອຘິວຕ຺ຖາ. ອິຘ ມູລາທີນິ ສພ຺ພານິ ເຕສໍເຍວ ອຸປກປ຺ປນ຺ຕິ. ໂສ ທາຕາ ໂຫຕິ ມູລຄນ຺ຘານນ຺ຕິ ໂສ ກາຬານຸສາຣິກາທີນໍ ມູລຄນ຺ຘານໍ ທາຕາ ໂຫຕິ. ເອວໍ ສພ຺ພປເທສຸ ອຕ຺ໂຖ ເວທິຕພ຺ໂພ. ເອວຎ຺ຫິ ສຣິກ຺ຂທານມ຺ປິ ທຕ຺ວາ ປຕ຺ຖນໍ ຐເປນ຺ຕິ, ອສຣິກ຺ຂທານມ຺ປິ. ຕໍ ທສ຺ເສຕຸໍ ໂສ ອນ຺ນໍ ເທຕີຕິອາທິ ທສວິຘໍ ທານວຕ຺ຖຸ ວຸຕ຺ຕໍ. ເສສໍ ສພ຺ພຕ຺ຖ ອຸຕ຺ຕານເມວາຕິ.

ຄນ຺ຘພ຺ພກາຍສໍຍຸຕ຺ຕວຓ຺ຓນາ ນິຏ຺ຐິຕາ.