໒. ທຸຕິຍວຄ຺ໂຄ

໑-໑໐. ຈກ຺ຂຸສຸຕ຺ຕາທິວຓ຺ຓນາ

໑໙໘-໑໙໙. ທຸຕິເຍ ທສ ອຸຕ຺ຕານຕ຺ຖາເນວ. ປຐມາທີນິ.

໑໑. ອນຸສຍສຸຕ຺ຕວຓ຺ຓນາ

໒໐໐. ເອກາທສເມ ອິມສ຺ມິຎ຺ຈ ສວິຎ຺ຎາຓເກ ກາເຍຕິ ອຕ຺ຕໂນ ສວິຎ຺ຎາຓກກາຍໍ ທສ຺ເສຕິ, ພຫິທ຺ຘາ ຈາຕິ ປຣສ຺ສ ສວິຎ຺ຎາຓກໍ ວາ ອວິຎ຺ຎາຓກໍ ວາ. ປຸຣິເມນ ວາ ອຕ຺ຕໂນ ຈ ປຣສ຺ສ ຈ ວິຎ຺ຎາຓເມວ ທສ຺ເສຕິ, ປຈ຺ຉິເມນ ພຫິທ຺ຘາ ອນິນ຺ທ຺ຣິຍພທ຺ຘຣູປໍ. ອຫງ຺ກາຣມມງ຺ກາຣມານານຸສຍາຕິ ອຫໍກາຣທິຏ຺ຐິ ຈ ມມໍກາຣຕຓ຺ຫາ ຈ ມານານຸສຍາ ຈ. ນ ໂຫນ຺ຕີຕິ ເອເຕ ກິເລສາ ກຖໍ ຊານນ຺ຕສ຺ສ ເອເຕສຸ ວຕ຺ຖູສຸ ນ ໂຫນ຺ຕີຕິ ປຸຈ຺ຉຕິ. ສມ຺ມປ຺ປຎ຺ຎາຍ ປສ຺ສຕີຕິ ສຫ ວິປສ຺ສນາຍ ມຄ຺ຄປຎ຺ຎາຍ ສຸຏ຺ຐຸ ປສ຺ສຕິ. ເອກາທສມໍ.

໑໒. ອປຄຕສຸຕ຺ຕວຓ຺ຓນາ

໒໐໑. ທ຺ວາທສເມ ອຫງ຺ກາຣມມງ຺ກາຣມານາປຄຕນ຺ຕິ ອຫໍກາຣໂຕ ຈ ມມໍກາຣໂຕ ຈ ມານໂຕ ຈ ອປຄຕໍ. ວິຘາ ສມຕິກ຺ກນ຺ຕນ຺ຕິ ມານໂກຏ຺ຐາເສ ສຸຏ຺ຐຸ ອຕິກ຺ກນ຺ຕໍ. ສນ຺ຕໍ ສຸວິມຸຕ຺ຕນ຺ຕິ ກິເລສວູປສເມນ ສນ຺ຕໍ, ກິເລເສເຫວ ສຸຏ຺ຐຸ ວິມຸຕ຺ຕໍ. ເສສໍ ອຸຕ຺ຕານເມວາຕິ. ທ຺ວາທສມໍ.

ທຸຕິໂຍ ວຄ຺ໂຄ.

ທ຺ວີສຸປິ ອເສກ຺ຂຠູມິ ກຖິຕາ. ປຐໂມ ປເນຕ຺ຖ ອາຍາຈນ຺ຕສ຺ສ ເທສິໂຕ, ທຸຕິໂຍ ອນາຍາຈນ຺ຕສ຺ສ. ສກເລປິ ປນ ຣາຫຸລສໍຍຸຕ຺ເຕ ເຖຣສ຺ສ ວິມຸຕ຺ຕິປຣິປາຈນີຍຘມ຺ມາວ ກຖິຕາຕິ.

ຣາຫຸລສໍຍຸຕ຺ຕວຓ຺ຓນາ ນິຏ຺ຐິຕາ.