໒. ປຎ຺ຎາສຸຕ຺ຕວຓ຺ຓນາ

໒. ທຸຕິເຍ ອາທິພ຺ຣຫ຺ມຈຣິຍິກາຍາຕິ ມຄ຺ຄພ຺ຣຫ຺ມຈຣິຍສ຺ສ ອາທິຠູຕາຍ. ປຎ຺ຎາຍາຕິ ວິປສ຺ສນາຍ. ຄຣຸຏ຺ຐານິຍນ຺ຕິ ຄາຣວຸປ຺ປຕ຺ຕິປຈ຺ຈຍຠູຕໍ ຄຣຸຠາວນີຍໍ. ຕິພ຺ພນ຺ຕິ ພຫລໍ. ປຣິປຸຈ຺ຉຕີຕິ ອຕ຺ຖປາຬິອນຸສນ຺ຘິປຸພ຺ພາປຣໍ ປຸຈ຺ຉຕິ. ປຣິປຎ຺ຫຕີຕິ ປຎ຺ຫໍ ກໂຣຕິ, ອິທຎ຺ຈິທຎ຺ຈ ປຏິປຸຈ຺ຉິສ຺ສາມີຕິ ວິຕກ຺ເກຕິ. ທ຺ວເຍນາຕິ ທຸວິເຘນ. ອນານາກຖິໂກຕິ ອນານຕ຺ຕກຖິໂກ ໂຫຕິ. ອຕິຣຈ຺ຉານກຖິໂກຕິ ນານາວິຘໍ ຕິຣຈ຺ຉານກຖໍ ນ ກເຖຕິ. ອຣິຍໍ ວາ ຕຸຓ຺ຫີຠາວນ຺ຕິ ອຣິຍຕຸຓ຺ຫີຠາໂວ ນາມ ຈຕຸຕ຺ຖຊ຺ຌານໍ, ເສສກມ຺ມຏ຺ຐານມນສິກາໂຣປິ ວຏ຺ຏຕິ. ຊານໍ ຊານາຕີຕິ ຊານິຕພ຺ພກໍ ຊານາຕິ. ປສ຺ສໍ ປສ຺ສຕີຕິ ປສ຺ສິຕພ຺ພກໍ ປສ຺ສຕິ. ປິຍຕ຺ຕາຍາຕິ ປິຍຠາວຕ຺ຖາຍ. ຄຣຸຕ຺ຕາຍາຕິ ຄຣຸຠາວຕ຺ຖາຍ. ຠາວນາຍາຕິ ຠາວນຕ຺ຖາຍ ຄຸຓສມ຺ຠາວນາຍ ວາ. ສາມຎ຺ຎາຍາຕິ ສມຓຘມ຺ມຕ຺ຖາຍ. ເອກີຠາວາຍາຕິ ນິຣນ຺ຕຣຠາວຕ຺ຖາຍ.