໓. ສຸທ຺ຘິນ຺ທ຺ຣິຍວາໂຣ

(ກ) ອນຸໂລມໍ

໑໔໐. (ກ) ຈກ຺ຂຸ ອິນ຺ທ຺ຣິຍນ຺ຕິ? ອາມນ຺ຕາ.

(ຂ) ອິນ຺ທ຺ຣິຍາ ຈກ຺ຂຸນ຺ທ຺ຣິຍນ຺ຕິ?

ຈກ຺ຂຸນ຺ທ຺ຣິຍໍ ອິນ຺ທ຺ຣິຍຎ຺ເຈວ ຈກ຺ຂຸນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ຈກ຺ຂຸນ຺ທ຺ຣິຍໍ.

(ກ) ໂສຕໍ ອິນ຺ທ຺ຣິຍນ຺ຕິ?

ຍໍ ໂສຕໍ ອິນ຺ທ຺ຣິຍໍ ຕໍ ໂສຕຎ຺ເຈວ ອິນ຺ທ຺ຣິຍຎ຺ຈ. ອວເສສໍ ໂສຕໍ ນ ອິນ຺ທ຺ຣິຍໍ.

(ຂ) ອິນ຺ທ຺ຣິຍາ ໂສຕິນ຺ທ຺ຣິຍນ຺ຕິ? ໂສຕິນ຺ທ຺ຣິຍໍ ອິນ຺ທ຺ຣິຍຎ຺ເຈວ ໂສຕິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ໂສຕິນ຺ທ຺ຣິຍໍ.

(ກ) ຆານໍ ອິນ຺ທ຺ຣິຍນ຺ຕິ? ອາມນ຺ຕາ.

(ຂ) ອິນ຺ທ຺ຣິຍາ ຆານິນ຺ທ຺ຣິຍນ຺ຕິ?

ຆານິນ຺ທ຺ຣິຍໍ ອິນ຺ທ຺ຣິຍຎ຺ເຈວ ຆານິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ຆານິນ຺ທ຺ຣິຍໍ.

(ກ) ຊິວ຺ຫາ ອິນ຺ທ຺ຣິຍນ຺ຕິ? ອາມນ຺ຕາ.

(ຂ) ອິນ຺ທ຺ຣິຍາ ຊິວ຺ຫິນ຺ທ຺ຣິຍນ຺ຕິ?

ຊິວ຺ຫິນ຺ທ຺ຣິຍໍ ອິນ຺ທ຺ຣິຍຎ຺ເຈວ ຊິວ຺ຫິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ຊິວ຺ຫິນ຺ທ຺ຣິຍໍ.

(ກ) ກາໂຍ ອິນ຺ທ຺ຣິຍນ຺ຕິ?

ໂຍ ກາໂຍ ອິນ຺ທ຺ຣິຍໍ ໂສ ກາໂຍ ເຈວ ອິນ຺ທ຺ຣິຍຎ຺ຈ. ອວເສໂສ ກາໂຍ ນ ອິນ຺ທ຺ຣິຍາ.

(ຂ) ອິນ຺ທ຺ຣິຍາ ກາຍິນ຺ທ຺ຣິຍນ຺ຕິ?

ກາຍິນ຺ທ຺ຣິຍໍ ອິນ຺ທ຺ຣິຍຎ຺ເຈວ ກາຍິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ກາຍິນ຺ທ຺ຣິຍໍ.

(ກ) ມໂນ ອິນ຺ທ຺ຣິຍນ຺ຕິ? ອາມນ຺ຕາ.

(ຂ) ອິນ຺ທ຺ຣິຍາ ມນິນ຺ທ຺ຣິຍນ຺ຕິ?

ມນິນ຺ທ຺ຣິຍໍ ອິນ຺ທ຺ຣິຍຎ຺ເຈວ ມນິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ມນິນ຺ທ຺ຣິຍໍ.

(ກ) ອິຕ຺ຖີ ອິນ຺ທ຺ຣິຍນ຺ຕິ? ໂນ.

(ຂ) ອິນ຺ທ຺ຣິຍາ ອິຕ຺ຖິນ຺ທ຺ຣິຍນ຺ຕິ?

ອິຕ຺ຖິນ຺ທ຺ຣິຍໍ ອິນ຺ທ຺ຣິຍຎ຺ເຈວ ອິຕ຺ຖິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ອິຕ຺ຖິນ຺ທ຺ຣິຍໍ.

(ກ) ປຸຣິໂສ ອິນ຺ທ຺ຣິຍນ຺ຕິ? ໂນ.

(ຂ) ອິນ຺ທ຺ຣິຍາ ປຸຣິສິນ຺ທ຺ຣິຍນ຺ຕິ?

ປຸຣິສິນ຺ທ຺ຣິຍໍ ອິນ຺ທ຺ຣິຍຎ຺ເຈວ ປຸຣິສິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ປຸຣິສິນ຺ທ຺ຣິຍໍ.

(ກ) ຊີວິຕໍ ອິນ຺ທ຺ຣິຍນ຺ຕິ? ອາມນ຺ຕາ.

(ຂ) ອິນ຺ທ຺ຣິຍາ ຊີວິຕິນ຺ທ຺ຣິຍນ຺ຕິ?

ຊີວິຕິນ຺ທ຺ຣິຍໍ ອິນ຺ທ຺ຣິຍຎ຺ເຈວ ຊີວິຕິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ຊີວິຕິນ຺ທ຺ຣິຍໍ.

(ກ) ສຸຂໍ ອິນ຺ທ຺ຣິຍນ຺ຕິ? ອາມນ຺ຕາ.

(ຂ) ອິນ຺ທ຺ຣິຍາ ສຸຂິນ຺ທ຺ຣິຍນ຺ຕິ?

ສຸຂິນ຺ທ຺ຣິຍໍ ອິນ຺ທ຺ຣິຍຎ຺ເຈວ ສຸຂິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ສຸຂິນ຺ທ຺ຣິຍໍ.

(ກ) ທຸກ຺ຂໍ ອິນ຺ທ຺ຣິຍນ຺ຕິ? ອາມນ຺ຕາ.

(ຂ) ອິນ຺ທ຺ຣິຍາ ທຸກ຺ຂິນ຺ທ຺ຣິຍນ຺ຕິ?

ທຸກ຺ຂິນ຺ທ຺ຣິຍໍ ອິນ຺ທ຺ຣິຍຎ຺ເຈວ ທຸກ຺ຂິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ທຸກ຺ຂິນ຺ທ຺ຣິຍໍ.

(ກ) ໂສມນສ຺ສໍ ອິນ຺ທ຺ຣິຍນ຺ຕິ? ອາມນ຺ຕາ.

(ຂ) ອິນ຺ທ຺ຣິຍາ ໂສມນສ຺ສິນ຺ທ຺ຣິຍນ຺ຕິ?

ໂສມນສ຺ສິນ຺ທ຺ຣິຍໍ ອິນ຺ທ຺ຣິຍຎ຺ເຈວ ໂສມນສ຺ສິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ໂສມນສ຺ສິນ຺ທ຺ຣິຍໍ.

(ກ) ໂທມນສ຺ສໍ ອິນ຺ທ຺ຣິຍນ຺ຕິ? ອາມນ຺ຕາ.

(ກ) ອິນ຺ທ຺ຣິຍາ ໂທມນສ຺ສິນ຺ທ຺ຣິຍນ຺ຕິ?

ໂທມນສ຺ສິນ຺ທ຺ຣິຍໍ ອິນ຺ທ຺ຣິຍຎ຺ເຈວ ໂທມນສ຺ສິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ໂທມນສ຺ສິນ຺ທ຺ຣິຍໍ.

(ກ) ອຸເປກ຺ຂາ ອິນ຺ທ຺ຣິຍນ຺ຕິ?

ຍາ ອຸເປກ຺ຂາ ອິນ຺ທ຺ຣິຍໍ ສາ ອຸເປກ຺ຂາ ເຈວ ອິນ຺ທ຺ຣິຍຎ຺ຈ. ອວເສສາ ອຸເປກ຺ຂາ ນ ອິນ຺ທ຺ຣິຍໍ.

(ຂ) ອິນ຺ທ຺ຣິຍາ ອຸເປກ຺ຂິນ຺ທ຺ຣິຍນ຺ຕິ?

ອຸເປກ຺ຂິນ຺ທ຺ຣິຍໍ ອິນ຺ທ຺ຣິຍຎ຺ເຈວ ອຸເປກ຺ຂິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ອຸເປກ຺ຂິນ຺ທ຺ຣິຍໍ.

(ກ) ສທ຺ຘາ ອິນ຺ທ຺ຣິຍນ຺ຕິ? ອາມນ຺ຕາ.

(ຂ) ອິນ຺ທ຺ຣິຍາ ສທ຺ຘິນ຺ທ຺ຣິຍນ຺ຕິ?

ສທ຺ຘິນ຺ທ຺ຣິຍໍ ອິນ຺ທ຺ຣິຍຎ຺ເຈວ ສທ຺ຘິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ສທ຺ຘິນ຺ທ຺ຣິຍໍ.

(ກ) ວີຣິຍໍ ອິນ຺ທ຺ຣິຍນ຺ຕິ? ອາມນ຺ຕາ.

(ຂ) ອິນ຺ທ຺ຣິຍາ ວີຣິຍິນ຺ທ຺ຣິຍນ຺ຕິ?

ວີຣິຍິນ຺ທ຺ຣິຍໍ ອິນ຺ທ຺ຣິຍຎ຺ເຈວ ວີຣິຍິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ວີຣິຍິນ຺ທ຺ຣິຍໍ.

(ກ) ສຕິ ອິນ຺ທ຺ຣິຍນ຺ຕິ? ອາມນ຺ຕາ.

(ຂ) ອິນ຺ທ຺ຣິຍາ ສຕິນ຺ທ຺ຣິຍນ຺ຕິ?

ສຕິນ຺ທ຺ຣິຍໍ ອິນ຺ທ຺ຣິຍຎ຺ເຈວ ສຕິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ສຕິນ຺ທ຺ຣິຍໍ.

(ກ) ສມາຘິ ອິນ຺ທ຺ຣິຍນ຺ຕິ? ອາມນ຺ຕາ.

(ຂ) ອິນ຺ທ຺ຣິຍາ ສມາຘິນ຺ທ຺ຣິຍນ຺ຕິ?

ສມາຘິນ຺ທ຺ຣິຍໍ ອິນ຺ທ຺ຣິຍຎ຺ເຈວ ສມາຘິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ສມາຘິນ຺ທ຺ຣິຍໍ.

(ກ) ປຎ຺ຎາ ອິນ຺ທ຺ຣິຍນ຺ຕິ? ອາມນ຺ຕາ.

(ຂ) ອິນ຺ທ຺ຣິຍາ ປຎ຺ຎິນ຺ທ຺ຣິຍນ຺ຕິ?

ປຎ຺ຎິນ຺ທ຺ຣິຍໍ ອິນ຺ທ຺ຣິຍຎ຺ເຈວ ປຎ຺ຎິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ປຎ຺ຎິນ຺ທ຺ຣິຍໍ.

(ກ) ອນຎ຺ຎາຕຎ຺ຎສ຺ສາມີຕິ ອິນ຺ທ຺ຣິຍນ຺ຕິ? ອາມນ຺ຕາ.

(ຂ) ອິນ຺ທ຺ຣິຍາ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍນ຺ຕິ?

ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ ອິນ຺ທ຺ຣິຍຎ຺ເຈວ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍໍ.

(ກ) ອຎ຺ຎໍ ອິນ຺ທ຺ຣິຍນ຺ຕິ? ອາມນ຺ຕາ.

(ຂ) ອິນ຺ທ຺ຣິຍາ ອຎ຺ຎິນ຺ທ຺ຣິຍນ຺ຕິ?

ອຎ຺ຎິນ຺ທ຺ຣິຍໍ ອິນ຺ທ຺ຣິຍຎ຺ເຈວ ອຎ຺ຎິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ອຎ຺ຎິນ຺ທ຺ຣິຍໍ.

(ກ) ອຎ຺ຎາຕາວີ ອິນ຺ທ຺ຣິຍນ຺ຕິ? ອາມນ຺ຕາ.

(ຂ) ອິນ຺ທ຺ຣິຍາ ອຎ຺ຎາຕາວິນ຺ທ຺ຣິຍນ຺ຕິ?

ອຎ຺ຎາຕາວິນ຺ທ຺ຣິຍໍ ອິນ຺ທ຺ຣິຍຎ຺ເຈວ ອຎ຺ຎາຕາວິນ຺ທ຺ຣິຍຎ຺ຈ. ອວເສສາ ອິນ຺ທ຺ຣິຍາ ນ ອຎ຺ຎາຕາວິນ຺ທ຺ຣິຍໍ.

(ຂ) ປຈ຺ຈນີກໍ

໑໔໑. (ກ) ນ ຈກ຺ຂຸ ນ ອິນ຺ທ຺ຣິຍນ຺ຕິ?

ຈກ຺ຂຸໍ ຐເປຕ຺ວາ ອວເສສາ ອິນ຺ທ຺ຣິຍາ ນ ຈກ຺ຂຸ, ອິນ຺ທ຺ຣິຍາ. ຈກ຺ຂຸຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ຈກ຺ຂຸ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ຈກ຺ຂຸນ຺ທ຺ຣິຍນ຺ຕິ? ອາມນ຺ຕາ.

(ກ) ນ ໂສຕໍ ນ ອິນ຺ທ຺ຣິຍນ຺ຕິ?

ໂສຕໍ ຐເປຕ຺ວາ ອວເສສາ ອິນ຺ທ຺ຣິຍາ ນ ໂສຕໍ, ອິນ຺ທ຺ຣິຍາ. ໂສຕຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ໂສຕໍ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ໂສຕິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ຆານໍ ນ ອິນ຺ທ຺ຣິຍນ຺ຕິ?

ຆານໍ ຐເປຕ຺ວາ ອວເສສາ ອິນ຺ທ຺ຣິຍາ ນ ຆານໍ, ອິນ຺ທ຺ຣິຍາ. ຆານຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ຆານໍ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ຆານິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ຊິວ຺ຫາ ນ ອິນ຺ທ຺ຣິຍນ຺ຕິ?

ຊິວ຺ຫໍ ຐເປຕ຺ວາ ອວເສສາ ອິນ຺ທ຺ຣິຍາ ນ ຊິວ຺ຫາ, ອິນ຺ທ຺ຣິຍາ. ຊິວ຺ຫຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ຊິວ຺ຫາ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ຊິວ຺ຫິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ກາໂຍ ນ ອິນ຺ທ຺ຣິຍນ຺ຕິ? ອາມນ຺ຕາ.

(ຂ) ນ ອິນ຺ທ຺ຣິຍາ ນ ກາຍິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ມໂນ ນ ອິນ຺ທ຺ຣິຍນ຺ຕິ?

ມນໍ ຐເປຕ຺ວາ ອວເສສາ ອິນ຺ທ຺ຣິຍາ ນ ມໂນ, ອິນ຺ທ຺ຣິຍາ. ມນຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ມໂນ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ມນິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ອິຕ຺ຖີ ນ ອິນ຺ທ຺ຣິຍນ຺ຕິ?

ອິຕ຺ຖິໍ ຐເປຕ຺ວາ ອວເສສາ ອິນ຺ທ຺ຣິຍາ ນ ອິຕ຺ຖີ, ອິນ຺ທ຺ຣິຍາ. ອິຕ຺ຖິຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ອິຕ຺ຖີ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ອິຕ຺ຖິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ປຸຣິໂສ ນ ອິນ຺ທ຺ຣິຍນ຺ຕິ?

ປຸຣິສໍ ຐເປຕ຺ວາ ອວເສສາ ອິນ຺ທ຺ຣິຍາ ນ ປຸຣິໂສ, ອິນ຺ທ຺ຣິຍາ. ປຸຣິສຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ປຸຣິໂສ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ປຸຣິສິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ຊີວິຕໍ ນ ອິນ຺ທ຺ຣິຍນ຺ຕິ?

ຊີວິຕໍ ຐເປຕ຺ວາ ອວເສສາ ອິນ຺ທ຺ຣິຍາ ນ ຊີວິຕໍ, ອິນ຺ທ຺ຣິຍາ. ຊີວິຕຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ຊີວິຕໍ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ຊີວິຕິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ສຸຂໍ ນ ອິນ຺ທ຺ຣິຍນ຺ຕິ?

ສຸຂໍ ຐເປຕ຺ວາ ອວເສສາ ອິນ຺ທ຺ຣິຍາ ນ ສຸຂໍ, ອິນ຺ທ຺ຣິຍາ. ສຸຂຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ສຸຂໍ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ສຸຂິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ທຸກ຺ຂໍ ນ ອິນ຺ທ຺ຣິຍນ຺ຕິ?

ທຸກ຺ຂໍ ຐເປຕ຺ວາ ອວເສສາ ອິນ຺ທ຺ຣິຍາ ນ ທຸກ຺ຂໍ, ອິນ຺ທ຺ຣິຍາ. ທຸກ຺ຂຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ທຸກ຺ຂໍ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ທຸກ຺ຂິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ໂສມນສ຺ສໍ ນ ອິນ຺ທ຺ຣິຍນ຺ຕິ?

ໂສມນສ຺ສໍ ຐເປຕ຺ວາ ອວເສສາ ອິນ຺ທ຺ຣິຍາ ນ ໂສມນສ຺ສໍ, ອິນ຺ທ຺ຣິຍາ. ໂສມນສ຺ສຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ໂສມນສ຺ສໍ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ໂສມນສ຺ສິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ໂທມນສ຺ສໍ ນ ອິນ຺ທ຺ຣິຍນ຺ຕິ?

ໂທມນສ຺ສໍ ຐເປຕ຺ວາ ອວເສສາ ອິນ຺ທ຺ຣິຍາ ນ ໂທມນສ຺ສໍ, ອິນ຺ທ຺ຣິຍາ. ໂທມນສ຺ສຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ໂທມນສ຺ສໍ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ໂທມນສ຺ສິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ອຸເປກ຺ຂາ ນ ອິນ຺ທ຺ຣິຍນ຺ຕິ?

ອຸເປກ຺ຂໍ ຐເປຕ຺ວາ ອວເສສາ ອິນ຺ທ຺ຣິຍາ ນ ອຸເປກ຺ຂາ, ອິນ຺ທ຺ຣິຍາ. ອຸເປກ຺ຂຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ອຸເປກ຺ຂາ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ອຸເປກ຺ຂິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ສທ຺ຘາ ນ ອິນ຺ທ຺ຣິຍນ຺ຕິ?

ສທ຺ຘໍ ຐເປຕ຺ວາ ອວເສສາ ອິນ຺ທ຺ຣິຍາ ນ ສທ຺ຘາ, ອິນ຺ທ຺ຣິຍາ. ສທ຺ຘຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ສທ຺ຘາ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ສທ຺ຘິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ວີຣິຍໍ ນ ອິນ຺ທ຺ຣິຍນ຺ຕິ?

ວີຣິຍໍ ຐເປຕ຺ວາ ອວເສສາ ອິນ຺ທ຺ຣິຍາ ນ ວີຣິຍໍ, ອິນ຺ທ຺ຣິຍາ. ວີຣິຍຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ວີຣິຍໍ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ວີຣິຍິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ສຕິ ນ ອິນ຺ທ຺ຣິຍນ຺ຕິ?

ສຕິໍ ຐເປຕ຺ວາ ອວເສສາ ອິນ຺ທ຺ຣິຍາ ນ ສຕິ, ອິນ຺ທ຺ຣິຍາ. ສຕິຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ສຕິ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ສຕິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ສມາຘິ ນ ອິນ຺ທ຺ຣິຍນ຺ຕິ?

ສມາຘິໍ ຐເປຕ຺ວາ ອວເສສາ ອິນ຺ທ຺ຣິຍາ ນ ສມາຘິ, ອິນ຺ທ຺ຣິຍາ. ສມາຘິຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ສມາຘິ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ສມາຘິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ປຎ຺ຎາ ນ ອິນ຺ທ຺ຣິຍນ຺ຕິ?

ປຎ຺ຎໍ ຐເປຕ຺ວາ ອວເສສາ ອິນ຺ທ຺ຣິຍາ ນ ປຎ຺ຎາ, ອິນ຺ທ຺ຣິຍາ. ປຎ຺ຎຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ປຎ຺ຎາ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ປຎ຺ຎິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ອນຎ຺ຎາຕຎ຺ຎສ຺ສາມີຕິ ນ ອິນ຺ທ຺ຣິຍນ຺ຕິ?

ອນຎ຺ຎາຕຎ຺ຎສ຺ສາມີຕິໍ ຐເປຕ຺ວາ ອວເສສາ ອິນ຺ທ຺ຣິຍາ ນ ອນຎ຺ຎາຕຎ຺ຎສ຺ສາມີຕິ, ອິນ຺ທ຺ຣິຍາ. ອນຎ຺ຎາຕຎ຺ຎສ຺ສາມີຕິຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ອນຎ຺ຎາຕຎ຺ຎສ຺ສາມີຕິ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ອນຎ຺ຎາຕຎ຺ຎສ຺ສາມີຕິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ອຎ຺ຎໍ ນ ອິນ຺ທ຺ຣິຍນ຺ຕິ?

ອຎ຺ຎໍ ຐເປຕ຺ວາ ອວເສສາ ອິນ຺ທ຺ຣິຍາ ນ ອຎ຺ຎໍ, ອິນ຺ທ຺ຣິຍາ. ອຎ຺ຎຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ອຎ຺ຎໍ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ອຎ຺ຎິນ຺ທ຺ຣິຍນ຺ຕິ? ອາມນ຺ຕາ.

(ກ) ນ ອຎ຺ຎາຕາວີ ນ ອິນ຺ທ຺ຣິຍນ຺ຕິ?

ອຎ຺ຎາຕາວິໍ ຐເປຕ຺ວາ ອວເສສາ ອິນ຺ທ຺ຣິຍາ ນ ອຎ຺ຎາຕາວີ, ອິນ຺ທ຺ຣິຍາ. ອຎ຺ຎາຕາວິຎ຺ຈ ອິນ຺ທ຺ຣິເຍ ຈ ຐເປຕ຺ວາ ອວເສສາ ນ ເຈວ ອຎ຺ຎາຕາວີ ນ ຈ ອິນ຺ທ຺ຣິຍາ.

(ຂ) ນ ອິນ຺ທ຺ຣິຍາ ນ ອຎ຺ຎາຕາວິນ຺ທ຺ຣິຍນ຺ຕິ? ອາມນ຺ຕາ.