(໔) ອຸປ຺ປາທວາໂຣ

໖໖. (ກ) ຍສ຺ສ ຈິຕ຺ຕໍ ອຸປ຺ປຊ຺ຊຕິ ຕສ຺ສ ຈິຕ຺ຕໍ ອຸປ຺ປຊ຺ຊິຕ຺ຖາຕິ? ອາມນ຺ຕາ.

(ຂ) ຍສ຺ສ ວາ ປນ ຈິຕ຺ຕໍ ອຸປ຺ປຊ຺ຊິຕ຺ຖ ຕສ຺ສ ຈິຕ຺ຕໍ ອຸປ຺ປຊ຺ຊຕີຕິ?

ຈິຕ຺ຕສ຺ສ ຠງ຺ຄກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ຈິຕ຺ຕໍ ອຸປ຺ປຊ຺ຊິຕ຺ຖ, ໂນ ຈ ເຕສໍ ຈິຕ຺ຕໍ ອຸປ຺ປຊ຺ຊຕິ. ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຈິຕ຺ຕໍ ອຸປ຺ປຊ຺ຊິຕ຺ຖ ເຈວ ອຸປ຺ປຊ຺ຊຕິ ຈ.

(ກ) ຍສ຺ສ ຈິຕ຺ຕໍ ນ ອຸປ຺ປຊ຺ຊຕິ ຕສ຺ສ ຈິຕ຺ຕໍ ນ ອຸປ຺ປຊ຺ຊິຕ຺ຖາຕິ? ອຸປ຺ປຊ຺ຊິຕ຺ຖ.

(ຂ) ຍສ຺ສ ວາ ປນ ຈິຕ຺ຕໍ ນ ອຸປ຺ປຊ຺ຊິຕ຺ຖ ຕສ຺ສ ຈິຕ຺ຕໍ ນ ອຸປ຺ປຊ຺ຊຕີຕິ? ນຕ຺ຖິ.

໖໗. (ກ) ຍສ຺ສ ຈິຕ຺ຕໍ ອຸປ຺ປຊ຺ຊຕິ ຕສ຺ສ ຈິຕ຺ຕໍ ອຸປ຺ປຊ຺ຊິສ຺ສຕີຕິ?

ປຈ຺ຉິມຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຈິຕ຺ຕໍ ອຸປ຺ປຊ຺ຊຕິ, ໂນ ຈ ເຕສໍ ຈິຕ຺ຕໍ ອຸປ຺ປຊ຺ຊິສ຺ສຕິ. ອິຕເຣສໍ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຈິຕ຺ຕໍ ອຸປ຺ປຊ຺ຊຕິ ເຈວ ອຸປ຺ປຊ຺ຊິສ຺ສຕິ ຈ.

(ຂ) ຍສ຺ສ ວາ ປນ ຈິຕ຺ຕໍ ອຸປ຺ປຊ຺ຊິສ຺ສຕິ ຕສ຺ສ ຈິຕ຺ຕໍ ອຸປ຺ປຊ຺ຊຕີຕິ?

ຈິຕ຺ຕສ຺ສ ຠງ຺ຄກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ຈິຕ຺ຕໍ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຈິຕ຺ຕໍ ອຸປ຺ປຊ຺ຊຕິ. ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຈິຕ຺ຕໍ ອຸປ຺ປຊ຺ຊິສ຺ສຕິ ເຈວ ອຸປ຺ປຊ຺ຊຕິ ຈ.

(ກ) ຍສ຺ສ ຈິຕ຺ຕໍ ນ ອຸປ຺ປຊ຺ຊຕິ ຕສ຺ສ ຈິຕ຺ຕໍ ນ ອຸປ຺ປຊ຺ຊິສ຺ສຕີຕິ?

ຈິຕ຺ຕສ຺ສ ຠງ຺ຄກ຺ຂເຓ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ຈິຕ຺ຕໍ ນ ອຸປ຺ປຊ຺ຊຕິ, ໂນ ຈ ເຕສໍ ຈິຕ຺ຕໍ ນ ອຸປ຺ປຊ຺ຊິສ຺ສຕິ. ປຈ຺ຉິມຈິຕ຺ຕສ຺ສ ຠງ຺ຄກ຺ຂເຓ ເຕສໍ ຈິຕ຺ຕໍ ນ ເຈວ ອຸປ຺ປຊ຺ຊຕິ ນ ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຈິຕ຺ຕໍ ນ ອຸປ຺ປຊ຺ຊິສ຺ສຕິ ຕສ຺ສ ຈິຕ຺ຕໍ ນ ອຸປ຺ປຊ຺ຊຕີຕິ?

ປຈ຺ຉິມຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຈິຕ຺ຕໍ ນ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຈິຕ຺ຕໍ ນ ອຸປ຺ປຊ຺ຊຕິ. ປຈ຺ຉິມຈິຕ຺ຕສ຺ສ ຠງ຺ຄກ຺ຂເຓ ເຕສໍ ຈິຕ຺ຕໍ ນ ເຈວ ອຸປ຺ປຊ຺ຊິສ຺ສຕິ ນ ຈ ອຸປ຺ປຊ຺ຊຕິ.

໖໘. (ກ) ຍສ຺ສ ຈິຕ຺ຕໍ ອຸປ຺ປຊ຺ຊິຕ຺ຖ ຕສ຺ສ ຈິຕ຺ຕໍ ອຸປ຺ປຊ຺ຊິສ຺ສຕີຕິ?

ປຈ຺ຉິມຈິຕ຺ຕສມງ຺ຄີນໍ ເຕສໍ ຈິຕ຺ຕໍ ອຸປ຺ປຊ຺ຊິຕ຺ຖ, ໂນ ຈ ເຕສໍ ຈິຕ຺ຕໍ ອຸປ຺ປຊ຺ຊິສ຺ສຕິ. ອິຕເຣສໍ ເຕສໍ ຈິຕ຺ຕໍ ອຸປ຺ປຊ຺ຊິຕ຺ຖ ເຈວ ອຸປ຺ປຊ຺ຊິສ຺ສຕິ ຈ.

(ຂ) ຍສ຺ສ ວາ ປນ ຈິຕ຺ຕໍ ອຸປ຺ປຊ຺ຊິສ຺ສຕິ ຕສ຺ສ ຈິຕ຺ຕໍ ອຸປ຺ປຊ຺ຊິຕ຺ຖາຕິ? ອາມນ຺ຕາ.

(ກ) ຍສ຺ສ ຈິຕ຺ຕໍ ນ ອຸປ຺ປຊ຺ຊິຕ຺ຖ ຕສ຺ສ ຈິຕ຺ຕໍ ນ ອຸປ຺ປຊ຺ຊິສ຺ສຕີຕິ? ນຕ຺ຖິ.

(ຂ) ຍສ຺ສ ວາ ປນ ຈິຕ຺ຕໍ ນ ອຸປ຺ປຊ຺ຊິສ຺ສຕິ ຕສ຺ສ ຈິຕ຺ຕໍ ນ ອຸປ຺ປຊ຺ຊິຕ຺ຖາຕິ? ອຸປ຺ປຊ຺ຊິຕ຺ຖ.