(໖) ອຸປ຺ປາທນິໂຣຘວາໂຣ

໙໓. (ກ) ຍໍ ຈິຕ຺ຕໍ ອຸປ຺ປຊ຺ຊຕິ ຕໍ ຈິຕ຺ຕໍ ນິຣຸຊ຺ຌິຕ຺ຖາຕິ? ໂນ.

(ຂ) ຍໍ ວາ ປນ ຈິຕ຺ຕໍ ນິຣຸຊ຺ຌິຕ຺ຖ ຕໍ ຈິຕ຺ຕໍ ອຸປ຺ປຊ຺ຊຕີຕິ? ໂນ.

(ກ) ຍໍ ຈິຕ຺ຕໍ ນ ອຸປ຺ປຊ຺ຊຕິ ຕໍ ຈິຕ຺ຕໍ ນ ນິຣຸຊ຺ຌິຕ຺ຖາຕິ?

ອຕີຕໍ ຈິຕ຺ຕໍ ນ ອຸປ຺ປຊ຺ຊຕິ, ໂນ ຈ ຕໍ ຈິຕ຺ຕໍ ນ ນິຣຸຊ຺ຌິຕ຺ຖ. ຠງ຺ຄກ຺ຂເຓ ອນາຄຕຎ຺ຈ ຈິຕ຺ຕໍ ນ ເຈວ ອຸປ຺ປຊ຺ຊຕິ ນ ຈ ນິຣຸຊ຺ຌິຕ຺ຖ.

(ຂ) ຍໍ ວາ ປນ ຈິຕ຺ຕໍ ນ ນິຣຸຊ຺ຌິຕ຺ຖ ຕໍ ຈິຕ຺ຕໍ ນ ອຸປ຺ປຊ຺ຊຕີຕິ?

ອຸປ຺ປາທກ຺ຂເຓ ຈິຕ຺ຕໍ ນ ນິຣຸຊ຺ຌິຕ຺ຖ, ໂນ ຈ ຕໍ ຈິຕ຺ຕໍ ນ ອຸປ຺ປຊ຺ຊຕິ. ຠງ຺ຄກ຺ຂເຓ ອນາຄຕຎ຺ຈ ຈິຕ຺ຕໍ ນ ເຈວ ນິຣຸຊ຺ຌິຕ຺ຖ ນ ຈ ອຸປ຺ປຊ຺ຊຕິ.

໙໔. (ກ) ຍໍ ຈິຕ຺ຕໍ ອຸປ຺ປຊ຺ຊຕິ ຕໍ ຈິຕ຺ຕໍ ນິຣຸຊ຺ຌິສ຺ສຕີຕິ? ອາມນ຺ຕາ.

(ຂ) ຍໍ ວາ ປນ ຈິຕ຺ຕໍ ນິຣຸຊ຺ຌິສ຺ສຕິ ຕໍ ຈິຕ຺ຕໍ ອຸປ຺ປຊ຺ຊຕີຕິ?

ອນາຄຕໍ ຈິຕ຺ຕໍ ນິຣຸຊ຺ຌິສ຺ສຕິ, ໂນ ຈ ຕໍ ຈິຕ຺ຕໍ ອຸປ຺ປຊ຺ຊຕິ. ອຸປ຺ປາທກ຺ຂເຓ ຈິຕ຺ຕໍ ນິຣຸຊ຺ຌິສ຺ສຕິ ເຈວ ອຸປ຺ປຊ຺ຊຕິ ຈ.

(ກ) ຍໍ ຈິຕ຺ຕໍ ນ ອຸປ຺ປຊ຺ຊຕິ ຕໍ ຈິຕ຺ຕໍ ນ ນິຣຸຊ຺ຌິສ຺ສຕີຕິ?

ອນາຄຕໍ ຈິຕ຺ຕໍ ນ ອຸປ຺ປຊ຺ຊຕິ, ໂນ ຈ ຕໍ ຈິຕ຺ຕໍ ນ ນິຣຸຊ຺ຌິສ຺ສຕິ. ຠງ຺ຄກ຺ຂເຓ ອຕີຕຎ຺ຈ ຈິຕ຺ຕໍ ນ ເຈວ ອຸປ຺ປຊ຺ຊຕິ ນ ຈ ນິຣຸຊ຺ຌິສ຺ສຕິ.

(ຂ) ຍໍ ວາ ປນ ຈິຕ຺ຕໍ ນ ນິຣຸຊ຺ຌິສ຺ສຕິ ຕໍ ຈິຕ຺ຕໍ ນ ອຸປ຺ປຊ຺ຊຕີຕິ? ອາມນ຺ຕາ.

໙໕. (ກ) ຍໍ ຈິຕ຺ຕໍ ອຸປ຺ປຊ຺ຊິຕ຺ຖ ຕໍ ຈິຕ຺ຕໍ ນິຣຸຊ຺ຌິສ຺ສຕີຕິ? ໂນ.

(ຂ) ຍໍ ວາ ປນ ຈິຕ຺ຕໍ ນິຣຸຊ຺ຌິສ຺ສຕິ ຕໍ ຈິຕ຺ຕໍ ອຸປ຺ປຊ຺ຊິຕ຺ຖາຕິ? ໂນ.

(ກ) ຍໍ ຈິຕ຺ຕໍ ນ ອຸປ຺ປຊ຺ຊິຕ຺ຖ ຕໍ ຈິຕ຺ຕໍ ນ ນິຣຸຊ຺ຌິສ຺ສຕີຕິ?

ອຸປ຺ປາທກ຺ຂເຓ ອນາຄຕຎ຺ຈ ຈິຕ຺ຕໍ ນ ອຸປ຺ປຊ຺ຊິຕ຺ຖ, ໂນ ຈ ຕໍ ຈິຕ຺ຕໍ ນ ນິຣຸຊ຺ຌິສ຺ສຕິ. ຠງ຺ຄກ຺ຂເຓ ຈິຕ຺ຕໍ ນ ເຈວ ອຸປ຺ປຊ຺ຊິຕ຺ຖ ນ ຈ ນິຣຸຊ຺ຌິສ຺ສຕິ.

(ຂ) ຍໍ ວາ ປນ ຈິຕ຺ຕໍ ນ ນິຣຸຊ຺ຌິສ຺ສຕິ ຕໍ ຈິຕ຺ຕໍ ນ ອຸປ຺ປຊ຺ຊິຕ຺ຖາຕິ?

ອຕີຕໍ ຈິຕ຺ຕໍ ນ ນິຣຸຊ຺ຌິສ຺ສຕິ, ໂນ ຈ ຕໍ ຈິຕ຺ຕໍ ນ ອຸປ຺ປຊ຺ຊິຕ຺ຖ. ຠງ຺ຄກ຺ຂເຓ ຈິຕ຺ຕໍ ນ ເຈວ ນິຣຸຊ຺ຌິສ຺ສຕິ ນ ຈ ອຸປ຺ປຊ຺ຊິຕ຺ຖ.