(໔) ປຈ຺ຈຸປ຺ປນ຺ນາຕີຕວາໂຣ

(ກ) ອນຸໂລມປຸຄ຺ຄໂລ

໑໐໖. (ກ) ຍສ຺ສ ທຸກ຺ຂສຈ຺ຈໍ ນິຣຸຊ຺ຌຕິ ຕສ຺ສ ສມຸທຍສຈ຺ຈໍ ນິຣຸຊ຺ຌິຕ຺ຖາຕິ? ອາມນ຺ຕາ.

(ຂ) ຍສ຺ສ ວາ ປນ ສມຸທຍສຈ຺ຈໍ ນິຣຸຊ຺ຌິຕ຺ຖ ຕສ຺ສ ທຸກ຺ຂສຈ຺ຈໍ ນິຣຸຊ຺ຌຕີຕິ?

ສພ຺ເພສໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ອຣູເປ ມຄ຺ຄສ຺ສ ຈ ຜລສ຺ສ ຈ ຠງ຺ຄກ຺ຂເຓ ເຕສໍ ສມຸທຍສຈ຺ຈໍ ນິຣຸຊ຺ຌິຕ຺ຖ, ໂນ ຈ ເຕສໍ ທຸກ຺ຂສຈ຺ຈໍ ນິຣຸຊ຺ຌຕິ. ສພ຺ເພສໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ເຕສໍ ສມຸທຍສຈ຺ຈຎ຺ຈ ນິຣຸຊ຺ຌິຕ຺ຖ ທຸກ຺ຂສຈ຺ຈຎ຺ຈ ນິຣຸຊ຺ຌຕິ.

(ກ) ຍສ຺ສ ທຸກ຺ຂສຈ຺ຈໍ ນິຣຸຊ຺ຌຕິ ຕສ຺ສ ມຄ຺ຄສຈ຺ຈໍ ນິຣຸຊ຺ຌິຕ຺ຖາຕິ?

ອນຠິສເມຕາວີນໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ເຕສໍ ທຸກ຺ຂສຈ຺ຈໍ ນິຣຸຊ຺ຌຕິ, ໂນ ຈ ເຕສໍ ມຄ຺ຄສຈ຺ຈໍ ນິຣຸຊ຺ຌິຕ຺ຖ. ອຠິສເມຕາວີນໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ເຕສໍ ທຸກ຺ຂສຈ຺ຈຎ຺ຈ ນິຣຸຊ຺ຌຕິ ມຄ຺ຄສຈ຺ຈຎ຺ຈ ນິຣຸຊ຺ຌິຕ຺ຖ.

(ຂ) ຍສ຺ສ ວາ ປນ ມຄ຺ຄສຈ຺ຈໍ ນິຣຸຊ຺ຌິຕ຺ຖ ຕສ຺ສ ທຸກ຺ຂສຈ຺ຈໍ ນິຣຸຊ຺ຌຕີຕິ?

ອຠິສເມຕາວີນໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ອຣູເປ ມຄ຺ຄສ຺ສ ຈ ຜລສ຺ສ ຈ ຠງ຺ຄກ຺ຂເຓ ເຕສໍ ມຄ຺ຄສຈ຺ຈໍ ນິຣຸຊ຺ຌິຕ຺ຖ, ໂນ ຈ ເຕສໍ ທຸກ຺ຂສຈ຺ຈໍ ນິຣຸຊ຺ຌຕິ. ອຠິສເມຕາວີນໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ເຕສໍ ມຄ຺ຄສຈ຺ຈຎ຺ຈ ນິຣຸຊ຺ຌິຕ຺ຖ ທຸກ຺ຂສຈ຺ຈຎ຺ຈ ນິຣຸຊ຺ຌຕິ.

໑໐໗. (ກ) ຍສ຺ສ ສມຸທຍສຈ຺ຈໍ ນິຣຸຊ຺ຌຕິ ຕສ຺ສ ມຄ຺ຄສຈ຺ຈໍ ນິຣຸຊ຺ຌິຕ຺ຖາຕິ?

ອນຠິສເມຕາວີນໍ ຕຓ຺ຫາຍ ຠງ຺ຄກ຺ຂເຓ ເຕສໍ ສມຸທຍສຈ຺ຈໍ ນິຣຸຊ຺ຌຕິ, ໂນ ຈ ເຕສໍ ມຄ຺ຄສຈ຺ຈໍ ນິຣຸຊ຺ຌິຕ຺ຖ. ອຠິສເມຕາວີນໍ ຕຓ຺ຫາຍ ຠງ຺ຄກ຺ຂເຓ ເຕສໍ ສມຸທຍສຈ຺ຈຎ຺ຈ ນິຣຸຊ຺ຌຕິ ມຄ຺ຄສຈ຺ຈຎ຺ຈ ນິຣຸຊ຺ຌິຕ຺ຖ.

(ຂ) ຍສ຺ສ ວາ ປນ ມຄ຺ຄສຈ຺ຈໍ ນິຣຸຊ຺ຌິຕ຺ຖ ຕສ຺ສ ສມຸທຍສຈ຺ຈໍ ນິຣຸຊ຺ຌຕີຕິ?

ອຠິສເມຕາວີນໍ ຕຓ຺ຫາຍ ອຸປ຺ປາທກ຺ຂເຓ ຕຓ຺ຫາວິປ຺ປຍຸຕ຺ຕຈິຕ຺ເຕ ວຕ຺ຕມາເນ ນິໂຣຘສມາປນ຺ນານໍ ເຕສໍ ມຄ຺ຄສຈ຺ຈໍ ນິຣຸຊ຺ຌິຕ຺ຖ, ໂນ ຈ ເຕສໍ ສມຸທຍສຈ຺ຈໍ ນິຣຸຊ຺ຌຕິ. ອຠິສເມຕາວີນໍ ຕຓ຺ຫາຍ ຠງ຺ຄກ຺ຂເຓ ເຕສໍ ມຄ຺ຄສຈ຺ຈຎ຺ຈ ນິຣຸຊ຺ຌິຕ຺ຖ ສມຸທຍສຈ຺ຈຎ຺ຈ ນິຣຸຊ຺ຌຕິ.

(ຂ) ອນຸໂລມໂອກາໂສ

໑໐໘. ຍຕ຺ຖ ທຸກ຺ຂສຈ຺ຈໍ ນິຣຸຊ຺ຌຕິ…ເປ….

(ຄ) ອນຸໂລມປຸຄ຺ຄໂລກາສາ

໑໐໙. (ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ນິຣຸຊ຺ຌຕິ ຕສ຺ສ ຕຕ຺ຖ ສມຸທຍສຈ຺ຈໍ ນິຣຸຊ຺ຌິຕ຺ຖາຕິ?

ສຸທ຺ຘາວາສານໍ ອຸປປຕ຺ຕິຈິຕ຺ຕສ຺ສ ຠງ຺ຄກ຺ຂເຓ ອສຎ຺ຎສຕ຺ຕາ ຈວນ຺ຕານໍ ເຕສໍ ຕຕ຺ຖ ທຸກ຺ຂສຈ຺ຈໍ ນິຣຸຊ຺ຌຕິ, ໂນ ຈ ເຕສໍ ຕຕ຺ຖ ສມຸທຍສຈ຺ຈໍ ນິຣຸຊ຺ຌິຕ຺ຖ. ອິຕເຣສໍ ຈຕຸໂວກາຣາ ປຎ຺ຈໂວກາຣາ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ເຕສໍ ຕຕ຺ຖ ທຸກ຺ຂສຈ຺ຈຎ຺ຈ ນິຣຸຊ຺ຌຕິ ສມຸທຍສຈ຺ຈຎ຺ຈ ນິຣຸຊ຺ຌິຕ຺ຖ.

(ຂ) ຍສ຺ສ ວາ ປນ ຍຕ຺ຖ ສມຸທຍສຈ຺ຈໍ ນິຣຸຊ຺ຌິຕ຺ຖ ຕສ຺ສ ຕຕ຺ຖ ທຸກ຺ຂສຈ຺ຈໍ ນິຣຸຊ຺ຌຕີຕິ?

ຈຕຸໂວກາຣໍ ປຎ຺ຈໂວກາຣໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ອຣູເປ ມຄ຺ຄສ຺ສ ຈ ຜລສ຺ສ ຈ ຠງ຺ຄກ຺ຂເຓ ເຕສໍ ຕຕ຺ຖ ສມຸທຍສຈ຺ຈໍ ນິຣຸຊ຺ຌິຕ຺ຖ, ໂນ ຈ ເຕສໍ ຕຕ຺ຖ ທຸກ຺ຂສຈ຺ຈໍ ນິຣຸຊ຺ຌຕິ. ຈຕຸໂວກາຣາ ປຎ຺ຈໂວກາຣາ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ເຕສໍ ຕຕ຺ຖ ສມຸທຍສຈ຺ຈຎ຺ຈ ນິຣຸຊ຺ຌິຕ຺ຖ ທຸກ຺ຂສຈ຺ຈຎ຺ຈ ນິຣຸຊ຺ຌຕິ.

(ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ນິຣຸຊ຺ຌຕິ ຕສ຺ສ ຕຕ຺ຖ ມຄ຺ຄສຈ຺ຈໍ ນິຣຸຊ຺ຌິຕ຺ຖາຕິ?

ສຸທ຺ຘາວາສານໍ ອຸປປຕ຺ຕິຈິຕ຺ຕສ຺ສ ຠງ຺ຄກ຺ຂເຓ ອນຠິສເມຕາວີນໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອສຎ຺ຎສຕ຺ຕາ ຈວນ຺ຕານໍ ເຕສໍ ຕຕ຺ຖ ທຸກ຺ຂສຈ຺ຈໍ ນິຣຸຊ຺ຌຕິ, ໂນ ຈ ເຕສໍ ຕຕ຺ຖ ມຄ຺ຄສຈ຺ຈໍ ນິຣຸຊ຺ຌິຕ຺ຖ. ອຠິສເມຕາວີນໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ເຕສໍ ຕຕ຺ຖ ທຸກ຺ຂສຈ຺ຈຎ຺ຈ ນິຣຸຊ຺ຌຕິ ມຄ຺ຄສຈ຺ຈຎ຺ຈ ນິຣຸຊ຺ຌິຕ຺ຖ.

(ຂ) ຍສ຺ສ ວາ ປນ ຍຕ຺ຖ ມຄ຺ຄສຈ຺ຈໍ ນິຣຸຊ຺ຌິຕ຺ຖ ຕສ຺ສ ຕຕ຺ຖ ທຸກ຺ຂສຈ຺ຈໍ ນິຣຸຊ຺ຌຕີຕິ?

ອຠິສເມຕາວີນໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ອຣູເປ ມຄ຺ຄສ຺ສ ຈ ຜລສ຺ສ ຈ ຠງ຺ຄກ຺ຂເຓ ເຕສໍ ຕຕ຺ຖ ມຄ຺ຄສຈ຺ຈໍ ນິຣຸຊ຺ຌິຕ຺ຖ, ໂນ ຈ ເຕສໍ ຕຕ຺ຖ ທຸກ຺ຂສຈ຺ຈໍ ນິຣຸຊ຺ຌຕິ. ອຠິສເມຕາວີນໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ເຕສໍ ຕຕ຺ຖ ມຄ຺ຄສຈ຺ຈຎ຺ຈ ນິຣຸຊ຺ຌິຕ຺ຖ ທຸກ຺ຂສຈ຺ຈຎ຺ຈ ນິຣຸຊ຺ຌຕິ.

໑໑໐. (ກ) ຍສ຺ສ ຍຕ຺ຖ ສມຸທຍສຈ຺ຈໍ ນິຣຸຊ຺ຌຕິ ຕສ຺ສ ຕຕ຺ຖ ມຄ຺ຄສຈ຺ຈໍ ນິຣຸຊ຺ຌິຕ຺ຖາຕິ?

ອນຠິສເມຕາວີນໍ ຕຓ຺ຫາຍ ຠງ຺ຄກ຺ຂເຓ ເຕສໍ ຕຕ຺ຖ ສມຸທຍສຈ຺ຈໍ ນິຣຸຊ຺ຌຕິ, ໂນ ຈ ເຕສໍ ຕຕ຺ຖ ມຄ຺ຄສຈ຺ຈໍ ນິຣຸຊ຺ຌິຕ຺ຖ. ອຠິສເມຕາວີນໍ ຕຓ຺ຫາຍ ຠງ຺ຄກ຺ຂເຓ ເຕສໍ ຕຕ຺ຖ ສມຸທຍສຈ຺ຈຎ຺ຈ ນິຣຸຊ຺ຌຕິ ມຄ຺ຄສຈ຺ຈຎ຺ຈ ນິຣຸຊ຺ຌິຕ຺ຖ.

(ຂ) ຍສ຺ສ ວາ ປນ ຍຕ຺ຖ ມຄ຺ຄສຈ຺ຈໍ ນິຣຸຊ຺ຌິຕ຺ຖ ຕສ຺ສ ຕຕ຺ຖ ສມຸທຍສຈ຺ຈໍ ນິຣຸຊ຺ຌຕີຕິ?

ອຠິສເມຕາວີນໍ ຕຓ຺ຫາຍ ອຸປ຺ປາທກ຺ຂເຓ ຕຓ຺ຫາວິປ຺ປຍຸຕ຺ຕຈິຕ຺ເຕ ວຕ຺ຕມາເນ ເຕສໍ ຕຕ຺ຖ ມຄ຺ຄສຈ຺ຈໍ ນິຣຸຊ຺ຌິຕ຺ຖ, ໂນ ຈ ເຕສໍ ຕຕ຺ຖ ສມຸທຍສຈ຺ຈໍ ນິຣຸຊ຺ຌຕິ. ອຠິສເມຕາວີນໍ ຕຓ຺ຫາຍ ຠງ຺ຄກ຺ຂເຓ ເຕສໍ ຕຕ຺ຖ ມຄ຺ຄສຈ຺ຈຎ຺ຈ ນິຣຸຊ຺ຌິຕ຺ຖ ສມຸທຍສຈ຺ຈຎ຺ຈ ນິຣຸຊ຺ຌຕິ.

(ຆ) ປຈ຺ຈນີກປຸຄ຺ຄໂລ

໑໑໑. (ກ) ຍສ຺ສ ທຸກ຺ຂສຈ຺ຈໍ ນ ນິຣຸຊ຺ຌຕິ ຕສ຺ສ ສມຸທຍສຈ຺ຈໍ ນ ນິຣຸຊ຺ຌິຕ຺ຖາຕິ? ນິຣຸຊ຺ຌິຕ຺ຖ.

(ຂ) ຍສ຺ສ ວາ ປນ ສມຸທຍສຈ຺ຈໍ ນ ນິຣຸຊ຺ຌິຕ຺ຖ ຕສ຺ສ ທຸກ຺ຂສຈ຺ຈໍ ນ ນິຣຸຊ຺ຌຕີຕິ? ນຕ຺ຖິ.

(ກ) ຍສ຺ສ ທຸກ຺ຂສຈ຺ຈໍ ນ ນິຣຸຊ຺ຌຕິ ຕສ຺ສ ມຄ຺ຄສຈ຺ຈໍ ນ ນິຣຸຊ຺ຌິຕ຺ຖາຕິ?

ອຠິສເມຕາວີນໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ອຣູເປ ມຄ຺ຄສ຺ສ ຈ ຜລສ຺ສ ຈ ຠງ຺ຄກ຺ຂເຓ ເຕສໍ ທຸກ຺ຂສຈ຺ຈໍ ນ ນິຣຸຊ຺ຌຕິ, ໂນ ຈ ເຕສໍ ມຄ຺ຄສຈ຺ຈໍ ນ ນິຣຸຊ຺ຌິຕ຺ຖ. ອນຠິສເມຕາວີນໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ທຸກ຺ຂສຈ຺ຈຎ຺ຈ ນ ນິຣຸຊ຺ຌຕິ ມຄ຺ຄສຈ຺ຈຎ຺ຈ ນ ນິຣຸຊ຺ຌິຕ຺ຖ.

(ຂ) ຍສ຺ສ ວາ ປນ ມຄ຺ຄສຈ຺ຈໍ ນ ນິຣຸຊ຺ຌິຕ຺ຖ ຕສ຺ສ ທຸກ຺ຂສຈ຺ຈໍ ນ ນິຣຸຊ຺ຌຕີຕິ?

ອນຠິສເມຕາວີນໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ເຕສໍ ມຄ຺ຄສຈ຺ຈໍ ນ ນິຣຸຊ຺ຌິຕ຺ຖ, ໂນ ຈ ເຕສໍ ທຸກ຺ຂສຈ຺ຈໍ ນ ນິຣຸຊ຺ຌຕິ. ອນຠິສເມຕາວີນໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ມຄ຺ຄສຈ຺ຈຎ຺ຈ ນ ນິຣຸຊ຺ຌິຕ຺ຖ ທຸກ຺ຂສຈ຺ຈຎ຺ຈ ນ ນິຣຸຊ຺ຌຕິ.

໑໑໒. (ກ) ຍສ຺ສ ສມຸທຍສຈ຺ຈໍ ນ ນິຣຸຊ຺ຌຕິ ຕສ຺ສ ມຄ຺ຄສຈ຺ຈໍ ນ ນິຣຸຊ຺ຌິຕ຺ຖາຕິ?

ອຠິສເມຕາວີນໍ ຕຓ຺ຫາຍ ອຸປ຺ປາທກ຺ຂເຓ ຕຓ຺ຫາວິປ຺ປຍຸຕ຺ຕຈິຕ຺ເຕ ວຕ຺ຕມາເນ ນິໂຣຘສມາປນ຺ນານໍ ເຕສໍ ສມຸທຍສຈ຺ຈໍ ນ ນິຣຸຊ຺ຌຕິ, ໂນ ຈ ເຕສໍ ມຄ຺ຄສຈ຺ຈໍ ນ ນິຣຸຊ຺ຌິຕ຺ຖ. ອນຠິສເມຕາວີນໍ ຕຓ຺ຫາຍ ອຸປ຺ປາທກ຺ຂເຓ ຕຓ຺ຫາວິປ຺ປຍຸຕ຺ຕຈິຕ຺ເຕ ວຕ຺ຕມາເນ ອສຎ຺ຎສຕ຺ຕານໍ ເຕສໍ ສມຸທຍສຈ຺ຈຎ຺ຈ ນ ນິຣຸຊ຺ຌຕິ ມຄ຺ຄສຈ຺ຈຎ຺ຈ ນ ນິຣຸຊ຺ຌິຕ຺ຖ.

(ຂ) ຍສ຺ສ ວາ ປນ ມຄ຺ຄສຈ຺ຈໍ ນ ນິຣຸຊ຺ຌິຕ຺ຖ ຕສ຺ສ ສມຸທຍສຈ຺ຈໍ ນ ນິຣຸຊ຺ຌຕີຕິ?

ອນຠິສເມຕາວີນໍ ຕຓ຺ຫາຍ ຠງ຺ຄກ຺ຂເຓ ເຕສໍ ມຄ຺ຄສຈ຺ຈໍ ນ ນິຣຸຊ຺ຌິຕ຺ຖ, ໂນ ຈ ເຕສໍ ສມຸທຍສຈ຺ຈໍ ນ ນິຣຸຊ຺ຌຕິ. ອນຠິສເມຕາວີນໍ ຕຓ຺ຫາຍ ອຸປ຺ປາທກ຺ຂເຓ ຕຓ຺ຫາວິປ຺ປຍຸຕ຺ຕຈິຕ຺ເຕ ວຕ຺ຕມາເນ ອສຎ຺ຎສຕ຺ຕານໍ ເຕສໍ ມຄ຺ຄສຈ຺ຈຎ຺ຈ ນ ນິຣຸຊ຺ຌິຕ຺ຖ ສມຸທຍສຈ຺ຈຎ຺ຈ ນ ນິຣຸຊ຺ຌຕິ.

(ງ) ປຈ຺ຈນີກໂອກາໂສ

໑໑໓. ຍຕ຺ຖ ທຸກ຺ຂສຈ຺ຈໍ ນ ນິຣຸຊ຺ຌຕິ…ເປ….

(ຈ) ປຈ຺ຈນີກປຸຄ຺ຄໂລກາສາ

໑໑໔. (ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ນ ນິຣຸຊ຺ຌຕິ ຕສ຺ສ ຕຕ຺ຖ ສມຸທຍສຈ຺ຈໍ ນ ນິຣຸຊ຺ຌິຕ຺ຖາຕິ?

ຈຕຸໂວກາຣໍ ປຎ຺ຈໂວກາຣໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ອຣູເປ ມຄ຺ຄສ຺ສ ຈ ຜລສ຺ສ ຈ ຠງ຺ຄກ຺ຂເຓ ເຕສໍ ຕຕ຺ຖ ທຸກ຺ຂສຈ຺ຈໍ ນ ນິຣຸຊ຺ຌຕິ, ໂນ ຈ ເຕສໍ ຕຕ຺ຖ ສມຸທຍສຈ຺ຈໍ ນ ນິຣຸຊ຺ຌິຕ຺ຖ. ສຸທ຺ຘາວາສານໍ ອຸປປຕ຺ຕິຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕໍ ອຸປປຊ຺ຊນ຺ຕານໍ ເຕສໍ ຕຕ຺ຖ ທຸກ຺ຂສຈ຺ຈຎ຺ຈ ນ ນິຣຸຊ຺ຌຕິ ສມຸທຍສຈ຺ຈຎ຺ຈ ນ ນິຣຸຊ຺ຌິຕ຺ຖ.

(ຂ) ຍສ຺ສ ວາ ປນ ຍຕ຺ຖ ສມຸທຍສຈ຺ຈໍ ນ ນິຣຸຊ຺ຌິຕ຺ຖ ຕສ຺ສ ຕຕ຺ຖ ທຸກ຺ຂສຈ຺ຈໍ ນ ນິຣຸຊ຺ຌຕີຕິ?

ສຸທ຺ຘາວາສານໍ ອຸປປຕ຺ຕິຈິຕ຺ຕສ຺ສ ຠງ຺ຄກ຺ຂເຓ ອສຎ຺ຎສຕ຺ຕາ ຈວນ຺ຕານໍ ເຕສໍ ຕຕ຺ຖ ສມຸທຍສຈ຺ຈໍ ນ ນິຣຸຊ຺ຌິຕ຺ຖ, ໂນ ຈ ເຕສໍ ຕຕ຺ຖ ທຸກ຺ຂສຈ຺ຈໍ ນ ນິຣຸຊ຺ຌຕິ. ສຸທ຺ຘາວາສານໍ ອຸປປຕ຺ຕິຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕໍ ອຸປປຊ຺ຊນ຺ຕານໍ ເຕສໍ ຕຕ຺ຖ ສມຸທຍສຈ຺ຈຎ຺ຈ ນ ນິຣຸຊ຺ຌິຕ຺ຖ ທຸກ຺ຂສຈ຺ຈຎ຺ຈ ນ ນິຣຸຊ຺ຌຕິ.

(ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ນ ນິຣຸຊ຺ຌຕິ ຕສ຺ສ ຕຕ຺ຖ ມຄ຺ຄສຈ຺ຈໍ ນ ນິຣຸຊ຺ຌິຕ຺ຖາຕິ?

ອຠິສເມຕາວີນໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ອຣູເປ ມຄ຺ຄສ຺ສ ຈ ຜລສ຺ສ ຈ ຠງ຺ຄກ຺ຂເຓ ເຕສໍ ຕຕ຺ຖ ທຸກ຺ຂສຈ຺ຈໍ ນ ນິຣຸຊ຺ຌຕິ, ໂນ ຈ ເຕສໍ ຕຕ຺ຖ ມຄ຺ຄສຈ຺ຈໍ ນ ນິຣຸຊ຺ຌິຕ຺ຖ. ສຸທ຺ຘາວາສານໍ ອຸປປຕ຺ຕິຈິຕ຺ຕສ຺ສ ອຸປ຺ປາທກ຺ຂເຓ ອນຠິສເມຕາວີນໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕໍ ອຸປປຊ຺ຊນ຺ຕານໍ ເຕສໍ ຕຕ຺ຖ ທຸກ຺ຂສຈ຺ຈຎ຺ຈ ນ ນິຣຸຊ຺ຌຕິ ມຄ຺ຄສຈ຺ຈຎ຺ຈ ນ ນິຣຸຊ຺ຌິຕ຺ຖ.

(ຂ) ຍສ຺ສ ວາ ປນ ຍຕ຺ຖ ມຄ຺ຄສຈ຺ຈໍ ນ ນິຣຸຊ຺ຌິຕ຺ຖ ຕສ຺ສ ຕຕ຺ຖ ທຸກ຺ຂສຈ຺ຈໍ ນ ນິຣຸຊ຺ຌຕີຕິ?

ສຸທ຺ຘາວາສານໍ ອຸປປຕ຺ຕິຈິຕ຺ຕສ຺ສ ຠງ຺ຄກ຺ຂເຓ ອນຠິສເມຕາວີນໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອສຎ຺ຎສຕ຺ຕາ ຈວນ຺ຕານໍ ເຕສໍ ຕຕ຺ຖ ມຄ຺ຄສຈ຺ຈໍ ນ ນິຣຸຊ຺ຌິຕ຺ຖ, ໂນ ຈ ເຕສໍ ຕຕ຺ຖ ທຸກ຺ຂສຈ຺ຈໍ ນ ນິຣຸຊ຺ຌຕິ. ສຸທ຺ຘາວາສານໍ ອຸປປຕ຺ຕິຈິຕ຺ຕສ຺ສ ອຸປ຺ປາທກ຺ຂເຓ ອນຠິສເມຕາວີນໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕໍ ອຸປປຊ຺ຊນ຺ຕານໍ ເຕສໍ ຕຕ຺ຖ ມຄ຺ຄສຈ຺ຈຎ຺ຈ ນ ນິຣຸຊ຺ຌິຕ຺ຖ ທຸກ຺ຂສຈ຺ຈຎ຺ຈ ນ ນິຣຸຊ຺ຌຕິ.

໑໑໕. (ກ) ຍສ຺ສ ຍຕ຺ຖ ສມຸທຍສຈ຺ຈໍ ນ ນິຣຸຊ຺ຌຕິ ຕສ຺ສ ຕຕ຺ຖ ມຄ຺ຄສຈ຺ຈໍ ນ ນິຣຸຊ຺ຌິຕ຺ຖາຕິ?

ອຠິສເມຕາວີນໍ ຕຓ຺ຫາຍ ອຸປ຺ປາທກ຺ຂເຓ ຕຓ຺ຫາວິປ຺ປຍຸຕ຺ຕຈິຕ຺ເຕ ວຕ຺ຕມາເນ ເຕສໍ ຕຕ຺ຖ ສມຸທຍສຈ຺ຈໍ ນ ນິຣຸຊ຺ຌຕິ, ໂນ ຈ ເຕສໍ ຕຕ຺ຖ ມຄ຺ຄສຈ຺ຈໍ ນ ນິຣຸຊ຺ຌິຕ຺ຖ. ສຸທ຺ຘາວາສານໍ ທຸຕິເຍ ຈິຕ຺ເຕ ວຕ຺ຕມາເນ ອນຠິສເມຕາວີນໍ ຕຓ຺ຫາຍ ອຸປ຺ປາທກ຺ຂເຓ ຕຓ຺ຫາວິປ຺ປຍຸຕ຺ຕຈິຕ຺ເຕ ວຕ຺ຕມາເນ ອສຎ຺ຎສຕ຺ຕານໍ ເຕສໍ ຕຕ຺ຖ ສມຸທຍສຈ຺ຈຎ຺ຈ ນ ນິຣຸຊ຺ຌຕິ ມຄ຺ຄສຈ຺ຈຎ຺ຈ ນ ນິຣຸຊ຺ຌິຕ຺ຖ.

(ຂ) ຍສ຺ສ ວາ ປນ ຍຕ຺ຖ ມຄ຺ຄສຈ຺ຈໍ ນ ນິຣຸຊ຺ຌິຕ຺ຖ ຕສ຺ສ ຕຕ຺ຖ ສມຸທຍສຈ຺ຈໍ ນ ນິຣຸຊ຺ຌຕີຕິ?

ອນຠິສເມຕາວີນໍ ຕຓ຺ຫາຍ ຠງ຺ຄກ຺ຂເຓ ເຕສໍ ຕຕ຺ຖ ມຄ຺ຄສຈ຺ຈໍ ນ ນິຣຸຊ຺ຌິຕ຺ຖ, ໂນ ຈ ເຕສໍ ຕຕ຺ຖ ສມຸທຍສຈ຺ຈໍ ນ ນິຣຸຊ຺ຌຕິ. ສຸທ຺ຘາວາສານໍ ທຸຕິເຍ ຈິຕ຺ເຕ ວຕ຺ຕມາເນ ອນຠິສເມຕາວີນໍ ຕຓ຺ຫາຍ ອຸປ຺ປາທກ຺ຂເຓ ຕຓ຺ຫາວິປ຺ປຍຸຕ຺ຕຈິຕ຺ເຕ ວຕ຺ຕມາເນ ອສຎ຺ຎສຕ຺ຕານໍ ເຕສໍ ຕຕ຺ຖ ມຄ຺ຄສຈ຺ຈຎ຺ຈ ນ ນິຣຸຊ຺ຌິຕ຺ຖ ສມຸທຍສຈ຺ຈຎ຺ຈ ນ ນິຣຸຊ຺ຌຕິ.