(໕) ປຈ຺ຈຸປ຺ປນ຺ນານາຄຕວາໂຣ

(ກ) ອນຸໂລມປຸຄ຺ຄໂລ

໖໘. (ກ) ຍສ຺ສ ທຸກ຺ຂສຈ຺ຈໍ ອຸປ຺ປຊ຺ຊຕິ ຕສ຺ສ ສມຸທຍສຈ຺ຈໍ ອຸປ຺ປຊ຺ຊິສ຺ສຕີຕິ?

ອຄ຺ຄມຄ຺ຄສ຺ສ ອຸປ຺ປາທກ຺ຂເຓ ອຣຫນ຺ຕານໍ ຈິຕ຺ຕສ຺ສ ອຸປ຺ປາທກ຺ຂເຓ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ທຸກ຺ຂສຈ຺ຈໍ ອຸປ຺ປຊ຺ຊຕິ, ໂນ ຈ ເຕສໍ ສມຸທຍສຈ຺ຈໍ ອຸປ຺ປຊ຺ຊິສ຺ສຕິ. ອິຕເຣສໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ທຸກ຺ຂສຈ຺ຈຎ຺ຈ ອຸປ຺ປຊ຺ຊຕິ ສມຸທຍສຈ຺ຈຎ຺ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ສມຸທຍສຈ຺ຈໍ ອຸປ຺ປຊ຺ຊິສ຺ສຕິ ຕສ຺ສ ທຸກ຺ຂສຈ຺ຈໍ ອຸປ຺ປຊ຺ຊຕີຕິ?

ສພ຺ເພສໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ເຕສໍ ສມຸທຍສຈ຺ຈໍ ອຸປ຺ປຊ຺ຊິສ຺ສຕິ, ໂນ ຈ ເຕສໍ ທຸກ຺ຂສຈ຺ຈໍ ອຸປ຺ປຊ຺ຊຕິ. ສພ຺ເພສໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ສມຸທຍສຈ຺ຈຎ຺ຈ ອຸປ຺ປຊ຺ຊິສ຺ສຕິ ທຸກ຺ຂສຈ຺ຈຎ຺ຈ ອຸປ຺ປຊ຺ຊຕິ.

(ກ) ຍສ຺ສ ທຸກ຺ຂສຈ຺ຈໍ ອຸປ຺ປຊ຺ຊຕິ ຕສ຺ສ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕີຕິ?

ອຄ຺ຄມຄ຺ຄສ຺ສ ອຸປ຺ປາທກ຺ຂເຓ ອຣຫນ຺ຕານໍ ຈິຕ຺ຕສ຺ສ ອຸປ຺ປາທກ຺ຂເຓ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ທຸກ຺ຂສຈ຺ຈໍ ອຸປ຺ປຊ຺ຊຕິ, ໂນ ຈ ເຕສໍ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ. ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ອຸປ຺ປາທກ຺ຂເຓ ເຍ ຈຎ຺ເຎ ມຄ຺ຄໍ ປຏິລຠິສ຺ສນ຺ຕິ ເຕສໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ທຸກ຺ຂສຈ຺ຈຎ຺ຈ ອຸປ຺ປຊ຺ຊຕິ ມຄ຺ຄສຈ຺ຈຎ຺ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ ຕສ຺ສ ທຸກ຺ຂສຈ຺ຈໍ ອຸປ຺ປຊ຺ຊຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ຠງ຺ຄກ຺ຂເຓ ເຍ ຈຎ຺ເຎ ມຄ຺ຄໍ ປຏິລຠິສ຺ສນ຺ຕິ ເຕສໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ເຕສໍ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ, ໂນ ຈ ເຕສໍ ທຸກ຺ຂສຈ຺ຈໍ ອຸປ຺ປຊ຺ຊຕິ. ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ອຸປ຺ປາທກ຺ຂເຓ ເຍ ຈຎ຺ເຎ ມຄ຺ຄໍ ປຏິລຠິສ຺ສນ຺ຕິ ເຕສໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ມຄ຺ຄສຈ຺ຈຎ຺ຈ ອຸປ຺ປຊ຺ຊິສ຺ສຕິ ທຸກ຺ຂສຈ຺ຈຎ຺ຈ ອຸປ຺ປຊ຺ຊຕິ.

໖໙. (ກ) ຍສ຺ສ ສມຸທຍສຈ຺ຈໍ ອຸປ຺ປຊ຺ຊຕິ ຕສ຺ສ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕີຕິ?

ເຍ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ຕຓ຺ຫາຍ ອຸປ຺ປາທກ຺ຂເຓ ເຕສໍ ສມຸທຍສຈ຺ຈໍ ອຸປ຺ປຊ຺ຊຕິ, ໂນ ຈ ເຕສໍ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ. ເຍ ມຄ຺ຄໍ ປຏິລຠິສ຺ສນ຺ຕິ ເຕສໍ ຕຓ຺ຫາຍ ອຸປ຺ປາທກ຺ຂເຓ ເຕສໍ ສມຸທຍສຈ຺ຈຎ຺ຈ ອຸປ຺ປຊ຺ຊຕິ ມຄ຺ຄສຈ຺ຈຎ຺ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ ຕສ຺ສ ສມຸທຍສຈ຺ຈໍ ອຸປ຺ປຊ຺ຊຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຍ [ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ອຸປ຺ປາທກ຺ຂເຓ ເຍ (ສີ. ສ຺ຍາ.) ປຸຄ຺ຄໂລກາສວາເຣປິ] ຈຎ຺ເຎ ມຄ຺ຄໍ ປຏິລຠິສ຺ສນ຺ຕິ ເຕສໍ ຕຓ຺ຫາຍ ຠງ຺ຄກ຺ຂເຓ ຕຓ຺ຫາວິປ຺ປຍຸຕ຺ຕຈິຕ຺ເຕ ວຕ຺ຕມາເນ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ, ໂນ ຈ ເຕສໍ ສມຸທຍສຈ຺ຈໍ ອຸປ຺ປຊ຺ຊຕິ. ເຍ ມຄ຺ຄໍ ປຏິລຠິສ຺ສນ຺ຕິ ເຕສໍ ຕຓ຺ຫາຍ ອຸປ຺ປາທກ຺ຂເຓ ເຕສໍ ມຄ຺ຄສຈ຺ຈຎ຺ຈ ອຸປ຺ປຊ຺ຊິສ຺ສຕິ ສມຸທຍສຈ຺ຈຎ຺ຈ ອຸປ຺ປຊ຺ຊຕິ.

(ຂ) ອນຸໂລມໂອກາໂສ

໗໐. ຍຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊຕິ…ເປ… (ຍຕ຺ຖກມ຺ປິ ຍສ຺ສຍຕ຺ຖກສທິສໍ ກາຕພ຺ພໍ).

(ຄ) ອນຸໂລມປຸຄ຺ຄໂລກາສາ

໗໑. (ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊຕິ ຕສ຺ສ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊິສ຺ສຕີຕິ?

ອຄ຺ຄມຄ຺ຄສ຺ສ ອຸປ຺ປາທກ຺ຂເຓ ອຣຫນ຺ຕານໍ ຈິຕ຺ຕສ຺ສ ອຸປ຺ປາທກ຺ຂເຓ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕໍ ອຸປປຊ຺ຊນ຺ຕານໍ ເຕສໍ ຕຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊິສ຺ສຕິ. ອິຕເຣສໍ ຈຕຸໂວກາຣໍ ປຎ຺ຈໂວກາຣໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ທຸກ຺ຂສຈ຺ຈຎ຺ຈ ອຸປ຺ປຊ຺ຊຕິ ສມຸທຍສຈ຺ຈຎ຺ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ສມຸທຍສຈ຺ຈໍ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊຕີຕິ?

ຈຕຸໂວກາຣາ ປຎ຺ຈໂວກາຣາ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ເຕສໍ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊຕິ. ຈຕຸໂວກາຣໍ ປຎ຺ຈໂວກາຣໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ສມຸທຍສຈ຺ຈຎ຺ຈ ອຸປ຺ປຊ຺ຊິສ຺ສຕິ ທຸກ຺ຂສຈ຺ຈຎ຺ຈ ອຸປ຺ປຊ຺ຊຕິ.

(ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊຕິ ຕສ຺ສ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕີຕິ?

ອຄ຺ຄມຄ຺ຄສ຺ສ ອຸປ຺ປາທກ຺ຂເຓ ອຣຫນ຺ຕານໍ ຈິຕ຺ຕສ຺ສ ອຸປ຺ປາທກ຺ຂເຓ ອາປາຍິການໍ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕໍ ອຸປປຊ຺ຊນ຺ຕານໍ ເຕສໍ ຕຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ. ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ອຸປ຺ປາທກ຺ຂເຓ ເຍ ຈຎ຺ເຎ ມຄ຺ຄໍ ປຏິລຠິສ຺ສນ຺ຕິ ເຕສໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ທຸກ຺ຂສຈ຺ຈຎ຺ຈ ອຸປ຺ປຊ຺ຊຕິ ມຄ຺ຄສຈ຺ຈຎ຺ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ຠງ຺ຄກ຺ຂເຓ ເຍ ຈຎ຺ເຎ ມຄ຺ຄໍ ປຏິລຠິສ຺ສນ຺ຕິ ເຕສໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ເຕສໍ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ທຸກ຺ຂສຈ຺ຈໍ ອຸປ຺ປຊ຺ຊຕິ. ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ອຸປ຺ປາທກ຺ຂເຓ ເຍ ຈຎ຺ເຎ ມຄ຺ຄໍ ປຏິລຠິສ຺ສນ຺ຕິ ເຕສໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ຕຕ຺ຖ ມຄ຺ຄສຈ຺ຈຎ຺ຈ ອຸປ຺ປຊ຺ຊິສ຺ສຕິ ທຸກ຺ຂສຈ຺ຈຎ຺ຈ ອຸປ຺ປຊ຺ຊຕິ.

໗໒. (ກ) ຍສ຺ສ ຍຕ຺ຖ ສມຸທຍສຈ຺ຈໍ ອຸປ຺ປຊ຺ຊຕິ ຕສ຺ສ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕີຕິ?

ອາປາຍິການໍ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ຕຓ຺ຫາຍ ອຸປ຺ປາທກ຺ຂເຓ ເຕສໍ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ. ເຍ ມຄ຺ຄໍ ປຏິລຠິສ຺ສນ຺ຕິ ເຕສໍ ຕຓ຺ຫາຍ ອຸປ຺ປາທກ຺ຂເຓ ເຕສໍ ຕຕ຺ຖ ສມຸທຍສຈ຺ຈຎ຺ຈ ອຸປ຺ປຊ຺ຊຕິ ມຄ຺ຄສຈ຺ຈຎ຺ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຍ ຈຎ຺ເຎ ມຄ຺ຄໍ ປຏິລຠິສ຺ສນ຺ຕິ ເຕສໍ ຕຓ຺ຫາຍ ຠງ຺ຄກ຺ຂເຓ ຕຓ຺ຫາວິປ຺ປຍຸຕ຺ຕຈິຕ຺ເຕ ວຕ຺ຕມາເນ ເຕສໍ ຕຕ຺ຖ ມຄ຺ຄສຈ຺ຈໍ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ສມຸທຍສຈ຺ຈໍ ອຸປ຺ປຊ຺ຊຕິ. ເຍ ມຄ຺ຄໍ ປຏິລຠິສ຺ສນ຺ຕິ ເຕສໍ ຕຓ຺ຫາຍ ອຸປ຺ປາທກ຺ຂເຓ ເຕສໍ ຕຕ຺ຖ ມຄ຺ຄສຈ຺ຈຎ຺ຈ ອຸປ຺ປຊ຺ຊິສ຺ສຕິ ສມຸທຍສຈ຺ຈຎ຺ຈ ອຸປ຺ປຊ຺ຊຕິ.

(ຆ) ປຈ຺ຈນີກປຸຄ຺ຄໂລ

໗໓. (ກ) ຍສ຺ສ ທຸກ຺ຂສຈ຺ຈໍ ນຸປ຺ປຊ຺ຊຕິ ຕສ຺ສ ສມຸທຍສຈ຺ຈໍ ນຸປ຺ປຊ຺ຊິສ຺ສຕີຕິ?

ສພ຺ເພສໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ເຕສໍ ທຸກ຺ຂສຈ຺ຈໍ ນຸປ຺ປຊ຺ຊຕິ, ໂນ ຈ ເຕສໍ ສມຸທຍສຈ຺ຈໍ ນຸປ຺ປຊ຺ຊິສ຺ສຕິ. ອຄ຺ຄມຄ຺ຄສ຺ສ ຠງ຺ຄກ຺ຂເຓ ອຣຫນ຺ຕານໍ ຈິຕ຺ຕສ຺ສ ຠງ຺ຄກ຺ຂເຓ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ອຄ຺ຄມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ເຕສໍ ທຸກ຺ຂສຈ຺ຈຎ຺ຈ ນຸປ຺ປຊ຺ຊຕິ ສມຸທຍສຈ຺ຈຎ຺ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ສມຸທຍສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ທຸກ຺ຂສຈ຺ຈໍ ນຸປ຺ປຊ຺ຊຕີຕິ?

ອຄ຺ຄມຄ຺ຄສ຺ສ ອຸປ຺ປາທກ຺ຂເຓ ອຣຫນ຺ຕານໍ ຈິຕ຺ຕສ຺ສ ອຸປ຺ປາທກ຺ຂເຓ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ສມຸທຍສຈ຺ຈໍ ນຸປ຺ປຊ຺ຊິສ຺ສຕິ, ໂນ ຈ ເຕສໍ ທຸກ຺ຂສຈ຺ຈໍ ນຸປ຺ປຊ຺ຊຕິ. ອຄ຺ຄມຄ຺ຄສ຺ສ ຠງ຺ຄກ຺ຂເຓ ອຣຫນ຺ຕານໍ ຈິຕ຺ຕສ຺ສ ຠງ຺ຄກ຺ຂເຓ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ອຄ຺ຄມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ເຕສໍ ສມຸທຍສຈ຺ຈຎ຺ຈ ນຸປ຺ປຊ຺ຊິສ຺ສຕິ ທຸກ຺ຂສຈ຺ຈຎ຺ຈ ນຸປ຺ປຊ຺ຊຕິ.

(ກ) ຍສ຺ສ ທຸກ຺ຂສຈ຺ຈໍ ນຸປ຺ປຊ຺ຊຕິ ຕສ຺ສ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ຠງ຺ຄກ຺ຂເຓ ເຍ ຈຎ຺ເຎ ມຄ຺ຄໍ ປຏິລຠິສ຺ສນ຺ຕິ ເຕສໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ເຕສໍ ທຸກ຺ຂສຈ຺ຈໍ ນຸປ຺ປຊ຺ຊຕິ, ໂນ ຈ ເຕສໍ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ. ອຄ຺ຄມຄ຺ຄສ຺ສ ຠງ຺ຄກ຺ຂເຓ ອຣຫນ຺ຕານໍ ຈິຕ຺ຕສ຺ສ ຠງ຺ຄກ຺ຂເຓ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ອຄ຺ຄມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ເຕສໍ ທຸກ຺ຂສຈ຺ຈຎ຺ຈ ນຸປ຺ປຊ຺ຊຕິ ມຄ຺ຄສຈ຺ຈຎ຺ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ທຸກ຺ຂສຈ຺ຈໍ ນຸປ຺ປຊ຺ຊຕີຕິ?

ອຄ຺ຄມຄ຺ຄສ຺ສ ອຸປ຺ປາທກ຺ຂເຓ ອຣຫນ຺ຕານໍ ຈິຕ຺ຕສ຺ສ ອຸປ຺ປາທກ຺ຂເຓ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ເຕສໍ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ, ໂນ ຈ ເຕສໍ ທຸກ຺ຂສຈ຺ຈໍ ນຸປ຺ປຊ຺ຊຕິ. ອຄ຺ຄມຄ຺ຄສ຺ສ ຠງ຺ຄກ຺ຂເຓ ອຣຫນ຺ຕານໍ ຈິຕ຺ຕສ຺ສ ຠງ຺ຄກ຺ຂເຓ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ອຄ຺ຄມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ເຕສໍ ມຄ຺ຄສຈ຺ຈຎ຺ຈ ນຸປ຺ປຊ຺ຊິສ຺ສຕິ ທຸກ຺ຂສຈ຺ຈຎ຺ຈ ນຸປ຺ປຊ຺ຊຕິ.

໗໔. (ກ) ຍສ຺ສ ສມຸທຍສຈ຺ຈໍ ນຸປ຺ປຊ຺ຊຕິ ຕສ຺ສ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສານ຺ຕິ ເຍ ຈຎ຺ເຎ ມຄ຺ຄໍ ປຏິລຠິສ຺ສນ຺ຕິ ເຕສໍ ຕຓ຺ຫາຍ ຠງ຺ຄກ຺ຂເຓ ຕຓ຺ຫາວິປ຺ປຍຸຕ຺ຕຈິຕ຺ເຕ ວຕ຺ຕມາເນ ນິໂຣຘສມາປນ຺ນານໍ ອສຎ຺ຎສຕ຺ຕານໍ ເຕສໍ ສມຸທຍສຈ຺ຈໍ ນຸປ຺ປຊ຺ຊຕິ, ໂນ ຈ ເຕສໍ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ. ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ຕຓ຺ຫາຍ ຠງ຺ຄກ຺ຂເຓ ຕຓ຺ຫາວິປ຺ປຍຸຕ຺ຕຈິຕ຺ເຕ ວຕ຺ຕມາເນ ເຕສໍ ສມຸທຍສຈ຺ຈຎ຺ຈ ນຸປ຺ປຊ຺ຊຕິ ມຄ຺ຄສຈ຺ຈຎ຺ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ສມຸທຍສຈ຺ຈໍ ນຸປ຺ປຊ຺ຊຕີຕິ?

ເຍ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ຕຓ຺ຫາຍ ອຸປ຺ປາທກ຺ຂເຓ ເຕສໍ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ, ໂນ ຈ ເຕສໍ ສມຸທຍສຈ຺ຈໍ ນຸປ຺ປຊ຺ຊຕິ. ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ຕຓ຺ຫາຍ ຠງ຺ຄກ຺ຂເຓ ຕຓ຺ຫາວິປ຺ປຍຸຕ຺ຕຈິຕ຺ເຕ ວຕ຺ຕມາເນ ເຕສໍ ມຄ຺ຄສຈ຺ຈຎ຺ຈ ນຸປ຺ປຊ຺ຊິສ຺ສຕິ ສມຸທຍສຈ຺ຈຎ຺ຈ ນຸປ຺ປຊ຺ຊຕິ.

(ງ) ປຈ຺ຈນີກໂອກາໂສ

໗໕. ຍຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕິ…ເປ….

(ຈ) ປຈ຺ຈນີກປຸຄ຺ຄໂລກາສາ

໗໖. (ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕິ ຕສ຺ສ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊິສ຺ສຕີຕິ?

ຈຕຸໂວກາຣາ ປຎ຺ຈໂວກາຣາ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ເຕສໍ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊິສ຺ສຕິ. ອຄ຺ຄມຄ຺ຄສ຺ສ ຠງ຺ຄກ຺ຂເຓ ອຣຫນ຺ຕານໍ ຈິຕ຺ຕສ຺ສ ຠງ຺ຄກ຺ຂເຓ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ຠງ຺ຄກ຺ຂເຓ ອສຎ຺ຎສຕ຺ຕາ ຈວນ຺ຕານໍ ອຣູເປ ອຄ຺ຄມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ເຕສໍ ຕຕ຺ຖ ທຸກ຺ຂສຈ຺ຈຎ຺ຈ ນຸປ຺ປຊ຺ຊຕິ ສມຸທຍສຈ຺ຈຎ຺ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ສມຸທຍສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕີຕິ?

ອຄ຺ຄມຄ຺ຄສ຺ສ ອຸປ຺ປາທກ຺ຂເຓ ອຣຫນ຺ຕານໍ ຈິຕ຺ຕສ຺ສ ອຸປ຺ປາທກ຺ຂເຓ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕໍ ອຸປປຊ຺ຊນ຺ຕານໍ ເຕສໍ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕິ. ອຄ຺ຄມຄ຺ຄສ຺ສ ຠງ຺ຄກ຺ຂເຓ ອຣຫນ຺ຕານໍ ຈິຕ຺ຕສ຺ສ ຠງ຺ຄກ຺ຂເຓ ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ອຄ຺ຄມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ອສຎ຺ຎສຕ຺ຕາ ຈວນ຺ຕານໍ ເຕສໍ ຕຕ຺ຖ ສມຸທຍສຈ຺ຈຎ຺ຈ ນຸປ຺ປຊ຺ຊິສ຺ສຕິ ທຸກ຺ຂສຈ຺ຈຎ຺ຈ ນຸປ຺ປຊ຺ຊຕິ.

(ກ) ຍສ຺ສ ຍຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕິ ຕສ຺ສ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ຕສ຺ສ ຈິຕ຺ຕສ຺ສ ຠງ຺ຄກ຺ຂເຓ ເຍ ຈຎ຺ເຎ ມຄ຺ຄໍ ປຏິລຠິສ຺ສນ຺ຕິ ເຕສໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ເຕສໍ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ. ອຄ຺ຄມຄ຺ຄສ຺ສ ຠງ຺ຄກ຺ຂເຓ ອຣຫນ຺ຕານໍ ຈິຕ຺ຕສ຺ສ ຠງ຺ຄກ຺ຂເຓ ອາປາຍິການໍ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອສຎ຺ຎຕ຺ຕາ ຈວນ຺ຕານໍ ອຣູເປ ອຄ຺ຄມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ອສຎ຺ຎສຕ຺ຕາ ຈວນ຺ຕານໍ ເຕສໍ ຕຕ຺ຖ ທຸກ຺ຂສຈ຺ຈຎ຺ຈ ນຸປ຺ປຊ຺ຊຕິ ມຄ຺ຄສຈ຺ຈຎ຺ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕີຕິ?

ອຄ຺ຄມຄ຺ຄສ຺ສ ອຸປ຺ປາທກ຺ຂເຓ ອຣຫນ຺ຕານໍ ຈິຕ຺ຕສ຺ສ ອຸປ຺ປາທກ຺ຂເຓ ອາປາຍິການໍ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ອຸປປຊ຺ຊນ຺ຕານໍ ປວຕ຺ເຕ ຈິຕ຺ຕສ຺ສ ອຸປ຺ປາທກ຺ຂເຓ ອສຎ຺ຎສຕ຺ຕໍ ອຸປປຊ຺ຊນ຺ຕານໍ ເຕສໍ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ທຸກ຺ຂສຈ຺ຈໍ ນຸປ຺ປຊ຺ຊຕິ. ອຄ຺ຄມຄ຺ຄສ຺ສ ຠງ຺ຄກ຺ຂເຓ ອຣຫນ຺ຕານໍ ຈິຕ຺ຕສ຺ສ ຠງ຺ຄກ຺ຂເຓ ອາປາຍິການໍ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ຈວນ຺ຕານໍ ປວຕ຺ເຕ ຈິຕ຺ຕສ຺ສ ຠງ຺ຄກ຺ຂເຓ ອຣູເປ ອຄ຺ຄມຄ຺ຄສ຺ສ ຈ ຜລສ຺ສ ຈ ອຸປ຺ປາທກ຺ຂເຓ ອສຎ຺ຎສຕ຺ຕາ ຈວນ຺ຕານໍ ເຕສໍ ຕຕ຺ຖ ມຄ຺ຄສຈ຺ຈຎ຺ຈ ນຸປ຺ປຊ຺ຊິສ຺ສຕິ ທຸກ຺ຂສຈ຺ຈຎ຺ຈ ນຸປ຺ປຊ຺ຊຕິ.

໗໗. (ກ) ຍສ຺ສ ຍຕ຺ຖ ສມຸທຍສຈ຺ຈໍ ນຸປ຺ປຊ຺ຊຕິ ຕສ຺ສ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕີຕິ?

ຍສ຺ສ ຈິຕ຺ຕສ຺ສ ອນນ຺ຕຣາ ອຄ຺ຄມຄ຺ຄໍ ປຏິລຠິສ຺ສນ຺ຕິ ເຍ ຈຎ຺ເຎ ມຄ຺ຄໍ ປຏິລຠິສ຺ສນ຺ຕິ ເຕສໍ ຕຓ຺ຫາຍ ຠງ຺ຄກ຺ຂເຓ ຕຓ຺ຫາວິປ຺ປຍຸຕ຺ຕຈິຕ຺ເຕ ວຕ຺ຕມາເນ ເຕສໍ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ. ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ, ອາປາຍິການໍ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ຕຓ຺ຫາຍ ຠງ຺ຄກ຺ຂເຓ ຕຓ຺ຫາວິປ຺ປຍຸຕ຺ຕຈິຕ຺ເຕ ວຕ຺ຕມາເນ ອສຎ຺ຎສຕ຺ຕານໍ ເຕສໍ ຕຕ຺ຖ ສມຸທຍສຈ຺ຈຎ຺ຈ ນຸປ຺ປຊ຺ຊຕິ ມຄ຺ຄສຈ຺ຈຎ຺ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊຕີຕິ?

ອາປາຍິການໍ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ຕຓ຺ຫາຍ ອຸປ຺ປາທກ຺ຂເຓ ເຕສໍ ຕຕ຺ຖ ມຄ຺ຄສຈ຺ຈໍ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ສມຸທຍສຈ຺ຈໍ ນຸປ຺ປຊ຺ຊຕິ. ອຄ຺ຄມຄ຺ຄສມງ຺ຄີນໍ ອຣຫນ຺ຕານໍ ອາປາຍິການໍ ເຍ ຈ ປຸຖຸຊ຺ຊນາ ມຄ຺ຄໍ ນ ປຏິລຠິສ຺ສນ຺ຕິ ເຕສໍ ຕຓ຺ຫາຍ ຠງ຺ຄກ຺ຂເຓ ຕຓ຺ຫາວິປ຺ປຍຸຕ຺ຕຈິຕ຺ເຕ ວຕ຺ຕມາເນ ອສຎ຺ຎສຕ຺ຕານໍ ເຕສໍ ຕຕ຺ຖ ມຄ຺ຄສຈ຺ຈຎ຺ຈ ນຸປ຺ປຊ຺ຊິສ຺ສຕິ ສມຸທຍສຈ຺ຈຎ຺ຈ ນຸປ຺ປຊ຺ຊຕິ.