໑. ປທໂສຘນວາໂຣ

(ກ) ອນຸໂລມໍ

໑໐. (ກ) ຈກ຺ຂຸ ຈກ຺ຂຸຘາຕູຕິ?

ທິພ຺ພຈກ຺ຂຸ ປຎ຺ຎາຈກ຺ຂຸ ຈກ຺ຂຸ, ນ ຈກ຺ຂຸຘາຕຸ. ຈກ຺ຂຸຘາຕຸ ຈກ຺ຂຸ ເຈວ ຈກ຺ຂຸຘາຕຸ ຈ.

(ຂ) ຈກ຺ຂຸຘາຕຸ ຈກ຺ຂູຕິ? ອາມນ຺ຕາ.

(ກ) ໂສຕໍ ໂສຕຘາຕູຕິ?

ທິພ຺ພໂສຕໍ ຕຓ຺ຫາໂສຕໍ ໂສຕໍ, ນ ໂສຕຘາຕຸ. ໂສຕຘາຕຸ ໂສຕຎ຺ເຈວ ໂສຕຘາຕຸ ຈ.

(ຂ) ໂສຕຘາຕຸ ໂສຕນ຺ຕິ? ອາມນ຺ຕາ.

(ກ) ຆານໍ ຆານຘາຕູຕິ? ອາມນ຺ຕາ.

(ຂ) ຆານຘາຕຸ ຆານນ຺ຕິ? ອາມນ຺ຕາ. (ຊິວ຺ຫາປິ ຆານຘາຕຸສທິສາ).

(ກ) ກາໂຍ ກາຍຘາຕູຕິ?

ກາຍຘາຕຸໍ ຐເປຕ຺ວາ ອວເສໂສ ກາໂຍ [ອວເສໂສ ກາໂຍ ກາໂຍ (ສ຺ຍາ.)], ນ ກາຍຘາຕຸ. ກາຍຘາຕຸ ກາໂຍ ເຈວ ກາຍຘາຕຸ ຈ.

(ຂ) ກາຍຘາຕຸ ກາໂຍຕິ? ອາມນ຺ຕາ.

(ກ) ຣູປໍ ຣູປຘາຕູຕິ?

ຣູປຘາຕຸໍ ຐເປຕ຺ວາ ອວເສສໍ ຣູປໍ, ນ ຣູປຘາຕຸ. ຣູປຘາຕຸ ຣູປຎ຺ເຈວ ຣູປຘາຕຸ ຈ.

(ຂ) ຣູປຘາຕຸ ຣູປນ຺ຕິ? ອາມນ຺ຕາ. (ສທ຺ໂທ ຆານສທິໂສ).

(ກ) ຄນ຺ໂຘ ຄນ຺ຘຘາຕູຕິ?

ສີລຄນ຺ໂຘ ສມາຘິຄນ຺ໂຘ ປຎ຺ຎາຄນ຺ໂຘ ຄນ຺ໂຘ, ນ ຄນ຺ຘຘາຕຸ. ຄນ຺ຘຘາຕຸ ຄນ຺ໂຘ ເຈວ ຄນ຺ຘຘາຕຸ ຈ.

(ຂ) ຄນ຺ຘຘາຕຸ ຄນ຺ໂຘຕິ? ອາມນ຺ຕາ.

(ກ) ຣໂສ ຣສຘາຕູຕິ?

ອຕ຺ຖຣໂສ ຘມ຺ມຣໂສ ວິມຸຕ຺ຕິຣໂສ ຣໂສ, ນ ຣສຘາຕຸ. ຣສຘາຕຸ ຣໂສ ເຈວ ຣສຘາຕຸ ຈ.

(ຂ) ຣສຘາຕຸ ຣໂສຕິ? ອາມນ຺ຕາ. (ໂຜຏ຺ຐພ຺ໂພ ຆານສທິໂສ).

(ກ) ຈກ຺ຂຸວິຎ຺ຎາຓໍ ຈກ຺ຂຸວິຎ຺ຎາຓຘາຕູຕິ? ອາມນ຺ຕາ.

(ຂ) ຈກ຺ຂຸວິຎ຺ຎາຓຘາຕຸ ຈກ຺ຂຸວິຎ຺ຎາຓນ຺ຕິ? ອາມນ຺ຕາ.

ໂສຕວິຎ຺ຎາຓໍ…ເປ… ຆານວິຎ຺ຎາຓໍ… ຊິວ຺ຫາວິຎ຺ຎາຓໍ… ກາຍວິຎ຺ຎາຓໍ….

(ກ) ມໂນ ມໂນຘາຕູຕິ?

ມໂນຘາຕຸໍ ຐເປຕ຺ວາ ອວເສໂສ ມໂນ, ນ ມໂນຘາຕຸ. ມໂນຘາຕຸ ມໂນ ເຈວ ມໂນຘາຕຸ ຈ.

(ຂ) ມໂນຘາຕຸ ມໂນຕິ? ອາມນ຺ຕາ.

(ກ) ມໂນວິຎ຺ຎາຓໍ ມໂນວິຎ຺ຎາຓຘາຕູຕິ? ອາມນ຺ຕາ.

(ຂ) ມໂນວິຎ຺ຎາຓຘາຕຸ ມໂນວິຎ຺ຎາຓນ຺ຕິ? ອາມນ຺ຕາ.

(ກ) ຘມ຺ໂມ ຘມ຺ມຘາຕູຕິ?

ຘມ຺ມຘາຕຸໍ ຐເປຕ຺ວາ ອວເສໂສ ຘມ຺ໂມ, ນ ຘມ຺ມຘາຕຸ. ຘມ຺ມຘາຕຸ ຘມ຺ໂມ ເຈວ ຘມ຺ມຘາຕຸ ຈ.

(ຂ) ຘມ຺ມຘາຕຸ ຘມ຺ໂມຕິ? ອາມນ຺ຕາ.

(ຂ) ປຈ຺ຈນີກໍ

໑໑. (ກ) ນ ຈກ຺ຂຸ ນ ຈກ຺ຂຸຘາຕູຕິ? ອາມນ຺ຕາ.

(ຂ) ນ ຈກ຺ຂຸຘາຕຸ ນ ຈກ຺ຂູຕິ?

ທິພ຺ພຈກ຺ຂຸ ປຎ຺ຎາຈກ຺ຂຸ ນ ຈກ຺ຂຸຘາຕຸ, ຈກ຺ຂຸ. ຈກ຺ຂຸຎ຺ຈ ຈກ຺ຂຸຘາຕຸຎ຺ຈ ຐເປຕ຺ວາ ອວເສສໍ ນ ເຈວ ຈກ຺ຂຸ ນ ຈ ຈກ຺ຂຸຘາຕຸ.

(ກ) ນ ໂສຕໍ ນ ໂສຕຘາຕູຕິ? ອາມນ຺ຕາ.

(ຂ) ນ ໂສຕຘາຕຸ ນ ໂສຕນ຺ຕິ?

ທິພ຺ພໂສຕໍ ຕຓ຺ຫາໂສຕໍ ນ ໂສຕຘາຕຸ, ໂສຕໍ. ໂສຕຎ຺ຈ ໂສຕຘາຕຸຎ຺ຈ ຐເປຕ຺ວາ ອວເສສໍ ນ ເຈວ ໂສຕໍ ນ ຈ ໂສຕຘາຕຸ.

(ກ) ນ ຆານໍ ນ ຆານຘາຕູຕິ? ອາມນ຺ຕາ.

(ຂ) ນ ຆານຘາຕຸ ນ ຆານນ຺ຕິ? ອາມນ຺ຕາ.

ນ ຊິວ຺ຫາ… (ສໍຂິຕ຺ຕໍ [ຍໍ ສໍຂິຕ຺ຕໍ (ສ຺ຍາ.)], ອຸຠໂຕ ອາມນ຺ຕາ).

(ກ) ນ ກາໂຍ ນ ກາຍຘາຕູຕິ? ອາມນ຺ຕາ.

(ຂ) ນ ກາຍຘາຕຸ ນ ກາໂຍຕິ?

ກາຍຘາຕຸໍ ຐເປຕ຺ວາ ອວເສໂສ ນ ກາຍຘາຕຸ, ກາໂຍ. ກາຍຎ຺ຈ ກາຍຘາຕຸຎ຺ຈ ຐເປຕ຺ວາ ອວເສໂສ [ອວເສໂສ ກາໂຍ (ສ຺ຍາ.)] ນ ເຈວ ກາໂຍ ນ ຈ ກາຍຘາຕຸ.

(ກ) ນ ຣູປໍ ນ ຣູປຘາຕູຕິ? ອາມນ຺ຕາ.

(ຂ) ນ ຣູປຘາຕຸ ນ ຣູປນ຺ຕິ?

ຣູປຘາຕຸໍ ຐເປຕ຺ວາ ອວເສສໍ ນ ຣູປຘາຕຸ, ຣູປໍ. ຣູປຎ຺ຈ ຣູປຘາຕຸຎ຺ຈ ຐເປຕ຺ວາ ອວເສສໍ ນ ເຈວ ຣູປໍ ນ ຈ ຣູປຘາຕຸ.

ນ ສທ຺ໂທ…ເປ… ນ ຄນ຺ໂຘ ນ ຄນ຺ຘຘາຕູຕິ? ອາມນ຺ຕາ.

ນ ຄນ຺ຘຘາຕຸ ນ ຄນ຺ໂຘຕິ?

ສີລຄນ຺ໂຘ ສມາຘິຄນ຺ໂຘ ປຎ຺ຎາຄນ຺ໂຘ ນ ຄນ຺ຘຘາຕຸ, ຄນ຺ໂຘ. ຄນ຺ຘຎ຺ຈ ຄນ຺ຘຘາຕຸຎ຺ຈ ຐເປຕ຺ວາ ອວເສໂສ ນ ເຈວ ຄນ຺ໂຘ ນ ຈ ຄນ຺ຘຘາຕຸ.

(ກ) ນ ຣໂສ ນ ຣສຘາຕູຕິ? ອາມນ຺ຕາ.

(ຂ) ນ ຣສຘາຕຸ ນ ຣໂສຕິ?

ອຕ຺ຖຣໂສ ຘມ຺ມຣໂສ ວິມຸຕ຺ຕິຣໂສ ນ ຣສຘາຕຸ, ຣໂສ. ຣສຎ຺ຈ ຣສຘາຕຸຎ຺ຈ ຐເປຕ຺ວາ ອວເສໂສ ນ ເຈວ ຣໂສ ນ ຈ ຣສຘາຕຸ.

ນ ໂຜຏ຺ຐພ຺ໂພ…ເປ… ນ ຈກ຺ຂຸວິຎ຺ຎາຓໍ ນ ຈກ຺ຂຸວິຎ຺ຎາຓຘາຕູຕິ? ອາມນ຺ຕາ.

ນ ຈກ຺ຂຸວິຎ຺ຎາຓຘາຕຸ ນ ຈກ຺ຂຸວິຎ຺ຎາຓນ຺ຕິ? ອາມນ຺ຕາ.

ນ ໂສຕວິຎ຺ຎາຓໍ…ເປ… ນ ຆານວິຎ຺ຎາຓໍ… ນ ຊິວ຺ຫາວິຎ຺ຎາຓໍ… ນ ກາຍວິຎ຺ຎາຓໍ….

(ກ) ນ ມໂນ ນ ມໂນຘາຕູຕິ? ອາມນ຺ຕາ.

(ຂ) ນ ມໂນຘາຕຸ ນ ມໂນຕິ?

ມໂນຘາຕຸໍ ຐເປຕ຺ວາ ອວເສໂສ ນ ມໂນຘາຕຸ, ມໂນ. ມນຎ຺ຈ ມໂນຘາຕຸຎ຺ຈ ຐເປຕ຺ວາ ອວເສໂສ ນ ເຈວ ມໂນ ນ ຈ ມໂນຘາຕຸ.

(ກ) ນ ມໂນວິຎ຺ຎາຓໍ ນ ມໂນວິຎ຺ຎາຓຘາຕູຕິ? ອາມນ຺ຕາ.

(ຂ) ນ ມໂນວິຎ຺ຎາຓຘາຕຸ ນ ມໂນວິຎ຺ຎາຓນ຺ຕິ? ອາມນ຺ຕາ.

(ກ) ນ ຘມ຺ໂມ ນ ຘມ຺ມຘາຕູຕິ? ອາມນ຺ຕາ.

(ຂ) ນ ຘມ຺ມຘາຕຸ ນ ຘມ຺ໂມຕິ?

ຘມ຺ມຘາຕຸໍ ຐເປຕ຺ວາ ອວເສໂສ ນ ຘມ຺ມຘາຕຸ, ຘມ຺ໂມ. ຘມ຺ມຎ຺ຈ ຘມ຺ມຘາຕຸຎ຺ຈ ຐເປຕ຺ວາ ອວເສໂສ ນ ເຈວ ຘມ຺ໂມ ນ ຈ ຘມ຺ມຘາຕຸ.