(໑) ປຈ຺ຈຸປ຺ປນ຺ນວາໂຣ

(ກ) ອນຸໂລມປຸຄ຺ຄໂລ

໑໘. (ກ) ຍສ຺ສ ຈກ຺ຂຸຘາຕຸ ອຸປ຺ປຊ຺ຊຕິ ຕສ຺ສ ໂສຕຘາຕຸ ອຸປ຺ປຊ຺ຊຕີຕິ?

ສຈກ຺ຂຸການໍ ອໂສຕການໍ ອຸປປຊ຺ຊນ຺ຕານໍ ເຕສໍ ຈກ຺ຂຸຘາຕຸ ອຸປ຺ປຊ຺ຊຕິ, ໂນ ຈ ເຕສໍ ໂສຕຘາຕຸ ອຸປ຺ປຊ຺ຊຕິ. ສຈກ຺ຂຸການໍ ສໂສຕການໍ ອຸປປຊ຺ຊນ຺ຕານໍ ເຕສໍ ຈກ຺ຂຸຘາຕຸ ຈ ອຸປ຺ປຊ຺ຊຕິ ໂສຕຘາຕຸ ຈ ອຸປ຺ປຊ຺ຊຕິ.

(ຂ) ຍສ຺ສ ວາ ປນ ໂສຕຘາຕຸ ອຸປ຺ປຊ຺ຊຕິ ຕສ຺ສ ຈກ຺ຂຸຘາຕຸ ອຸປ຺ປຊ຺ຊຕີຕິ?

ສໂສຕການໍ ອຈກ຺ຂຸການໍ ອຸປປຊ຺ຊນ຺ຕານໍ ເຕສໍ ໂສຕຘາຕຸ ອຸປ຺ປຊ຺ຊຕິ, ໂນ ຈ ເຕສໍ ຈກ຺ຂຸຘາຕຸ ອຸປ຺ປຊ຺ຊຕິ. ສໂສຕການໍ ສຈກ຺ຂຸການໍ ອຸປປຊ຺ຊນ຺ຕານໍ ເຕສໍ ໂສຕຘາຕຸ ຈ ອຸປ຺ປຊ຺ຊຕິ ຈກ຺ຂຸຘາຕຸ ຈ ອຸປ຺ປຊ຺ຊຕິ.

(ກ) ຍສ຺ສ ຈກ຺ຂຸຘາຕຸ ອຸປ຺ປຊ຺ຊຕິ ຕສ຺ສ ຆານຘາຕຸ ອຸປ຺ປຊ຺ຊຕີຕິ?

ສຈກ຺ຂຸການໍ ອຆານການໍ ອຸປປຊ຺ຊນ຺ຕານໍ ເຕສໍ ຈກ຺ຂຸຘາຕຸ ອຸປ຺ປຊ຺ຊຕິ, ໂນ ຈ ເຕສໍ ຆານຘາຕຸ ອຸປ຺ປຊ຺ຊຕິ. ສຈກ຺ຂຸການໍ ສຆານການໍ ອຸປປຊ຺ຊນ຺ຕານໍ ເຕສໍ ຈກ຺ຂຸຘາຕຸ ຈ ອຸປ຺ປຊ຺ຊຕິ ຆານຘາຕຸ ຈ ອຸປ຺ປຊ຺ຊຕິ.

(ຂ) ຍສ຺ສ ວາ ປນ ຆານຘາຕຸ ອຸປ຺ປຊ຺ຊຕິ ຕສ຺ສ ຈກ຺ຂຸຘາຕຸ ອຸປ຺ປຊ຺ຊຕີຕິ?

ສຆານການໍ ອຈກ຺ຂຸການໍ ອຸປປຊ຺ຊນ຺ຕານໍ ເຕສໍ ຆານຘາຕຸ ອຸປ຺ປຊ຺ຊຕິ, ໂນ ຈ ເຕສໍ ຈກ຺ຂຸຘາຕຸ ອຸປ຺ປຊ຺ຊຕິ. ສຆານການໍ ສຈກ຺ຂຸການໍ ອຸປປຊ຺ຊນ຺ຕານໍ ເຕສໍ ຆານຘາຕຸ ຈ ອຸປ຺ປຊ຺ຊຕິ ຈກ຺ຂຸຘາຕຸ ຈ ອຸປ຺ປຊ຺ຊຕິ.

(ກ) ຍສ຺ສ ຈກ຺ຂຸຘາຕຸ ອຸປ຺ປຊ຺ຊຕິ ຕສ຺ສ ຣູປຘາຕຸ ອຸປ຺ປຊ຺ຊຕີຕິ? ອາມນ຺ຕາ.

(ຂ) ຍສ຺ສ ວາ ປນ ຣູປຘາຕຸ ອຸປ຺ປຊ຺ຊຕິ ຕສ຺ສ ຈກ຺ຂຸຘາຕຸ ອຸປ຺ປຊ຺ຊຕີຕິ?

ສຣູປການໍ ອຈກ຺ຂຸການໍ ອຸປປຊ຺ຊນ຺ຕານໍ ເຕສໍ ຣູປຘາຕຸ ອຸປ຺ປຊ຺ຊຕິ, ໂນ ຈ ເຕສໍ ຈກ຺ຂຸຘາຕຸ ອຸປ຺ປຊ຺ຊຕິ. ສຈກ຺ຂຸການໍ ອຸປປຊ຺ຊນ຺ຕານໍ ເຕສໍ ຣູປຘາຕຸ ຈ ອຸປ຺ປຊ຺ຊຕິ ຈກ຺ຂຸຘາຕຸ ຈ ອຸປ຺ປຊ຺ຊຕິ.

(ກ) ຍສ຺ສ ຈກ຺ຂຸຘາຕຸ ອຸປ຺ປຊ຺ຊຕິ ຕສ຺ສ ມໂນວິຎ຺ຎາຓຘາຕຸ ອຸປ຺ປຊ຺ຊຕີຕິ? ອາມນ຺ຕາ.

(ຂ) ຍສ຺ສ ວາ ປນ ມໂນວິຎ຺ຎາຓຘາຕຸ ອຸປ຺ປຊ຺ຊຕິ ຕສ຺ສ ຈກ຺ຂຸຘາຕຸ ອຸປ຺ປຊ຺ຊຕີຕິ?

ສຈິຕ຺ຕການໍ ອຈກ຺ຂຸການໍ ອຸປປຊ຺ຊນ຺ຕານໍ ເຕສໍ ມໂນວິຎ຺ຎາຓຘາຕຸ ອຸປ຺ປຊ຺ຊຕິ, ໂນ ຈ ເຕສໍ ຈກ຺ຂຸຘາຕຸ ອຸປ຺ປຊ຺ຊຕິ. ສຈກ຺ຂຸການໍ ອຸປປຊ຺ຊນ຺ຕານໍ ເຕສໍ ມໂນວິຎ຺ຎາຓຘາຕຸ ຈ ອຸປ຺ປຊ຺ຊຕິ ຈກ຺ຂຸຘາຕຸ ຈ ອຸປ຺ປຊ຺ຊຕິ.

(ກ) ຍສ຺ສ ຈກ຺ຂຸຘາຕຸ ອຸປ຺ປຊ຺ຊຕິ ຕສ຺ສ ຘມ຺ມຘາຕຸ ອຸປ຺ປຊ຺ຊຕີຕິ? ອາມນ຺ຕາ.

(ຂ) ຍສ຺ສ ວາ ປນ ຘມ຺ມຘາຕຸ ອຸປ຺ປຊ຺ຊຕິ ຕສ຺ສ ຈກ຺ຂຸຘາຕຸ ອຸປ຺ປຊ຺ຊຕີຕິ?

ອຈກ຺ຂຸການໍ ອຸປປຊ຺ຊນ຺ຕານໍ ເຕສໍ ຘມ຺ມຘາຕຸ ອຸປ຺ປຊ຺ຊຕິ, ໂນ ຈ ເຕສໍ ຈກ຺ຂຸຘາຕຸ ອຸປ຺ປຊ຺ຊຕິ. ສຈກ຺ຂຸການໍ ອຸປປຊ຺ຊນ຺ຕານໍ ເຕສໍ ຘມ຺ມຘາຕຸ ຈ ອຸປ຺ປຊ຺ຊຕິ ຈກ຺ຂຸຘາຕຸ ຈ ອຸປ຺ປຊ຺ຊຕິ.

(ຍຖາ ອາຍຕນຍມກໍ ວິຠຕ຺ຕໍ ເອວໍ ຘາຕຸຍມກມ຺ປິ ວິຠຊິຕພ຺ພໍ, ສທິສໍ ກາຕພ຺ພໍ).