(໒) ອຕີຕວາໂຣ
(ກ) ອນຸໂລມປຸຄ຺ຄໂລ
໑໑໐. (ກ) ຍສ຺ສ ຣູປກ຺ຂນ຺ໂຘ ນິຣຸຊ຺ຌິຕ຺ຖ ຕສ຺ສ ເວທນາກ຺ຂນ຺ໂຘ ນິຣຸຊ຺ຌິຕ຺ຖາຕິ? ອາມນ຺ຕາ.
(ຂ) ຍສ຺ສ ວາ ປນ ເວທນາກ຺ຂນ຺ໂຘ ນິຣຸຊ຺ຌິຕ຺ຖ ຕສ຺ສ ຣູປກ຺ຂນ຺ໂຘ ນິຣຸຊ຺ຌິຕ຺ຖາຕິ? ອາມນ຺ຕາ.
(ຂ) ອນຸໂລມໂອກາໂສ
໑໑໑. (ກ) ຍຕ຺ຖ ຣູປກ຺ຂນ຺ໂຘ ນິຣຸຊ຺ຌິຕ຺ຖ ຕຕ຺ຖ ເວທນາກ຺ຂນ຺ໂຘ ນິຣຸຊ຺ຌິຕ຺ຖາຕິ?
ອສຎ຺ຎສຕ຺ເຕ ຕຕ຺ຖ ຣູປກ຺ຂນ຺ໂຘ ນິຣຸຊ຺ຌຕ຺ຖ, ໂນ ຈ ຕຕ຺ຖ ເວທນາກ຺ຂນ຺ໂຘ ນິຣຸຊ຺ຌິຕ຺ຖ. ປຎ຺ຈໂວກາເຣ ຕຕ຺ຖ ຣູປກ຺ຂນ຺ໂຘ ຈ ນິຣຸຊ຺ຌິຕ຺ຖ ເວທນາກ຺ຂນ຺ໂຘ ຈ ນິຣຸຊ຺ຌິຕ຺ຖ.
(ຂ) ຍຕ຺ຖ ວາ ປນ ເວທນາກ຺ຂນ຺ໂຘ ນິຣຸຊ຺ຌິຕ຺ຖ ຕຕ຺ຖ ຣູປກ຺ຂນ຺ໂຘ ນິຣຸຊ຺ຌິຕ຺ຖາຕິ?
ອຣູເປ ຕຕ຺ຖ ເວທນາກ຺ຂນ຺ໂຘ ນິຣຸຊ຺ຌິຕ຺ຖ, ໂນ ຈ ຕຕ຺ຖ ຣູປກ຺ຂນ຺ໂຘ ນິຣຸຊ຺ຌິຕ຺ຖ. ປຎ຺ຈໂວກາເຣ ຕຕ຺ຖ ເວທນາກ຺ຂນ຺ໂຘ ຈ ນິຣຸຊ຺ຌິຕ຺ຖ ຣູປກ຺ຂນ຺ໂຘ ຈ ນິຣຸຊ຺ຌິຕ຺ຖ.
(ຄ) ອນຸໂລມປຸຄ຺ຄໂລກາສາ
໑໑໒. (ກ) ຍສ຺ສ ຍຕ຺ຖ ຣູປກ຺ຂນ຺ໂຘ ນິຣຸຊ຺ຌິຕ຺ຖ ຕສ຺ສ ຕຕ຺ຖ ເວທນາກ຺ຂນ຺ໂຘ ນິຣຸຊ຺ຌິຕ຺ຖາຕິ?
ອສຎ຺ຎສຕ຺ຕານໍ ເຕສໍ ຕຕ຺ຖ ຣູປກ຺ຂນ຺ໂຘ ນິຣຸຊ຺ຌິຕ຺ຖ, ໂນ ຈ ເຕສໍ ຕຕ຺ຖ ເວທນາກ຺ຂນ຺ໂຘ ນິຣຸຊ຺ຌິຕ຺ຖ. ປຎ຺ຈໂວກາຣານໍ ເຕສໍ ຕຕ຺ຖ ຣູປກ຺ຂນ຺ໂຘ ຈ ນິຣຸຊ຺ຌິຕ຺ຖ ເວທນາກ຺ຂນ຺ໂຘ ຈ ນິຣຸຊ຺ຌິຕ຺ຖ.
(ຂ) ຍສ຺ສ ວາ ປນ ຍຕ຺ຖ ເວທນາກ຺ຂນ຺ໂຘ ນິຣຸຊ຺ຌິຕ຺ຖ ຕສ຺ສ ຕຕ຺ຖ ຣູປກ຺ຂນ຺ໂຘ ນິຣຸຊ຺ຌິຕ຺ຖາຕິ?
ອຣູປານໍ ເຕສໍ ຕຕ຺ຖ ເວທນາກ຺ຂນ຺ໂຘ ນິຣຸຊ຺ຌິຕ຺ຖ, ໂນ ຈ ເຕສໍ ຕຕ຺ຖ ຣູປກ຺ຂນ຺ໂຘ ນິຣຸຊ຺ຌິຕ຺ຖ. ປຎ຺ຈໂວກາຣານໍ ເຕສໍ ຕຕ຺ຖ ເວທນາກ຺ຂນ຺ໂຘ ຈ ນິຣຸຊ຺ຌິຕ຺ຖ ຣູປກ຺ຂນ຺ໂຘ ຈ ນິຣຸຊ຺ຌິຕ຺ຖ.
(ຆ) ປຈ຺ຈນີກປຸຄ຺ຄໂລ
໑໑໓. (ກ) ຍສ຺ສ ຣູປກ຺ຂນ຺ໂຘ ນ ນິຣຸຊ຺ຌິຕ຺ຖ ຕສ຺ສ ເວທນາກ຺ຂນ຺ໂຘ ນ ນິຣຸຊ຺ຌິຕ຺ຖາຕິ? ນຕ຺ຖິ.
(ຂ) ຍສ຺ສ ວາ ປນ ເວທນາກ຺ຂນ຺ໂຘ ນ ນິຣຸຊ຺ຌິຕ຺ຖ ຕສ຺ສ ຣູປກ຺ຂນ຺ໂຘ ນ ນິຣຸຊ຺ຌິຕ຺ຖາຕິ? ນຕ຺ຖິ.
(ງ) ປຈ຺ຈນີກໂອກາໂສ
໑໑໔. (ກ) ຍຕ຺ຖ ຣູປກ຺ຂນ຺ໂຘ ນ ນິຣຸຊ຺ຌິຕ຺ຖ ຕຕ຺ຖ ເວທນາກ຺ຂນ຺ໂຘ ນ ນິຣຸຊ຺ຌິຕ຺ຖາຕິ? ນິຣຸຊ຺ຌິຕ຺ຖ.
(ຂ) ຍຕ຺ຖ ວາ ປນ ເວທນາກ຺ຂນ຺ໂຘ ນ ນິຣຸຊ຺ຌິຕ຺ຖ ຕຕ຺ຖ ຣູປກ຺ຂນ຺ໂຘ ນ ນິຣຸຊ຺ຌິຕ຺ຖາຕິ? ນິຣຸຊ຺ຌິຕ຺ຖ.
(ຈ) ປຈ຺ຈນີກປຸຄ຺ຄໂລກາສາ
໑໑໕. (ກ) ຍສ຺ສ ຍຕ຺ຖ ຣູປກ຺ຂນ຺ໂຘ ນ ນິຣຸຊ຺ຌິຕ຺ຖ ຕສ຺ສ ຕຕ຺ຖ ເວທນາກ຺ຂນ຺ໂຘ ນ ນິຣຸຊ຺ຌິຕ຺ຖາຕິ?
ອຣູປານໍ ເຕສໍ ຕຕ຺ຖ ຣູປກ຺ຂນ຺ໂຘ ນ ນິຣຸຊ຺ຌິຕ຺ຖ, ໂນ ຈ ເຕສໍ ຕຕ຺ຖ ເວທນາກ຺ຂນ຺ໂຘ ນ ນິຣຸຊ຺ຌິຕ຺ຖ. ສຸທ຺ຘາວາສານໍ ເຕສໍ ຕຕ຺ຖ ຣູປກ຺ຂນ຺ໂຘ ຈ ນ ນິຣຸຊ຺ຌິຕ຺ຖ ເວທນາກ຺ຂນ຺ໂຘ ຈ ນ ນິຣຸຊ຺ຌິຕ຺ຖ.
(ຂ) ຍສ຺ສ ວາ ປນ ຍຕ຺ຖ ເວທນາກ຺ຂນ຺ໂຘ ນ ນິຣຸຊ຺ຌິຕ຺ຖ ຕສ຺ສ ຕຕ຺ຖ ຣູປກ຺ຂນ຺ໂຘ ນ ນິຣຸຊ຺ຌິຕ຺ຖາຕິ?
ອສຎ຺ຎສຕ຺ຕານໍ ເຕສໍ ຕຕ຺ຖ ເວທນາກ຺ຂນ຺ໂຘ ນ ນິຣຸຊ຺ຌິຕ຺ຖ, ໂນ ຈ ເຕສໍ ຕຕ຺ຖ ຣູປກ຺ຂນ຺ໂຘ ນ ນິຣຸຊ຺ຌິຕ຺ຖ. ສຸທ຺ຘາວາສານໍ ເຕສໍ ຕຕ຺ຖ ເວທນາກ຺ຂນ຺ໂຘ ຈ ນ ນິຣຸຊ຺ຌິຕ຺ຖ ຣູປກ຺ຂນ຺ໂຘ ຈ ນ ນິຣຸຊ຺ຌິຕ຺ຖ.