(໕) ປຈ຺ຈຸປ຺ປນ຺ນານາຄຕວາໂຣ

(ກ) ອນຸໂລມປຸຄ຺ຄໂລ

໘໐. (ກ) ຍສ຺ສ ຣູປກ຺ຂນ຺ໂຘ ອຸປ຺ປຊ຺ຊຕິ ຕສ຺ສ ເວທນາກ຺ຂນ຺ໂຘ ອຸປ຺ປຊ຺ຊິສ຺ສຕີຕິ?

ປຈ຺ຉິມຠວິການໍ ປຎ຺ຈໂວກາຣໍ ອຸປປຊ຺ຊນ຺ຕານໍ ເຕສໍ ຣູປກ຺ຂນ຺ໂຘ ອຸປ຺ປຊ຺ຊຕິ, ໂນ ຈ ເຕສໍ ເວທນາກ຺ຂນ຺ໂຘ ອຸປ຺ປຊ຺ຊິສ຺ສຕິ. ອິຕເຣສໍ ປຎ຺ຈໂວກາຣໍ ອຸປປຊ຺ຊນ຺ຕານໍ ອສຎ຺ຎສຕ຺ຕໍ ອຸປປຊ຺ຊນ຺ຕານໍ ເຕສໍ ຣູປກ຺ຂນ຺ໂຘ ຈ ອຸປ຺ປຊ຺ຊຕິ ເວທນາກ຺ຂນ຺ໂຘ ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ເວທນາກ຺ຂນ຺ໂຘ ອຸປ຺ປຊ຺ຊິສ຺ສຕິ ຕສ຺ສ ຣູປກ຺ຂນ຺ໂຘ ອຸປ຺ປຊ຺ຊຕີຕິ?

ສພ຺ເພສໍ ຈວນ຺ຕານໍ ອຣູປໍ ອຸປປຊ຺ຊນ຺ຕານໍ ເຕສໍ ເວທນາກ຺ຂນ຺ໂຘ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຣູປກ຺ຂນ຺ໂຘ ອຸປ຺ປຊ຺ຊຕິ. ປຎ຺ຈໂວກາຣໍ ອຸປປຊ຺ຊນ຺ຕານໍ ອສຎ຺ຎສຕ຺ຕໍ ອຸປປຊ຺ຊນ຺ຕານໍ ເຕສໍ ເວທນາກ຺ຂນ຺ໂຘ ຈ ອຸປ຺ປຊ຺ຊິສ຺ສຕິ ຣູປກ຺ຂນ຺ໂຘ ຈ ອຸປ຺ປຊ຺ຊຕິ.

໘໑. (ກ) ຍສ຺ສ ເວທນາກ຺ຂນ຺ໂຘ ອຸປ຺ປຊ຺ຊຕິ ຕສ຺ສ ສຎ຺ຎາກ຺ຂນ຺ໂຘ ອຸປ຺ປຊ຺ຊິສ຺ສຕີຕິ?

ປຈ຺ຉິມຠວິການໍ ອຸປປຊ຺ຊນ຺ຕານໍ ເຕສໍ ເວທນາກ຺ຂນ຺ໂຘ ອຸປ຺ປຊ຺ຊຕິ, ໂນ ຈ ເຕສໍ ສຎ຺ຎາກ຺ຂນ຺ໂຘ ອຸປ຺ປຊ຺ຊິສ຺ສຕິ. ອິຕເຣສໍ ຈຕຸໂວກາຣໍ ປຎ຺ຈໂວກາຣໍ ອຸປປຊ຺ຊນ຺ຕານໍ ເຕສໍ ເວທນາກ຺ຂນ຺ໂຘ ຈ ອຸປ຺ປຊ຺ຊຕິ ສຎ຺ຎາກ຺ຂນ຺ໂຘ ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ສຎ຺ຎາກ຺ຂນ຺ໂຘ ອຸປ຺ປຊ຺ຊິສ຺ສຕິ ຕສ຺ສ ເວທນາກ຺ຂນ຺ໂຘ ອຸປ຺ປຊ຺ຊຕີຕິ?

ສພ຺ເພສໍ ຈວນ຺ຕານໍ ອສຎ຺ຎສຕ຺ຕໍ ອຸປປຊ຺ຊນ຺ຕານໍ ເຕສໍ ສຎ຺ຎາກ຺ຂນ຺ໂຘ ອຸປ຺ປຊ຺ຊິສ຺ສຕິ, ໂນ ຈ ເຕສໍ ເວທນາກ຺ຂນ຺ໂຘ ອຸປ຺ປຊ຺ຊຕິ. ຈຕຸໂວກາຣໍ ປຎ຺ຈໂວກາຣໍ ອຸປປຊ຺ຊນ຺ຕານໍ ເຕສໍ ສຎ຺ຎາກ຺ຂນ຺ໂຘ ຈ ອຸປ຺ປຊ຺ຊິສ຺ສຕິ ເວທນາກ຺ຂນ຺ໂຘ ຈ ອຸປ຺ປຊ຺ຊຕິ.

(ຂ) ອນຸໂລມໂອກາໂສ

໘໒. (ກ) ຍຕ຺ຖ ຣູປກ຺ຂນ຺ໂຘ ອຸປ຺ປຊ຺ຊຕິ ຕຕ຺ຖ ເວທນາກ຺ຂນ຺ໂຘ ອຸປ຺ປຊ຺ຊິສ຺ສຕີຕິ?

ອສຎ຺ຎສຕ຺ເຕ ຕຕ຺ຖ ຣູປກ຺ຂນ຺ໂຘ ອຸປ຺ປຊ຺ຊຕິ, ໂນ ຈ ຕຕ຺ຖ ເວທນາກ຺ຂນ຺ໂຘ ອຸປ຺ປຊ຺ຊິສ຺ສຕິ. ປຎ຺ຈໂວກາເຣ ຕຕ຺ຖ ຣູປກ຺ຂນ຺ໂຘ ຈ ອຸປ຺ປຊ຺ຊຕິ ເວທນາກ຺ຂນ຺ໂຘ ຈ ອຸປ຺ປຊ຺ຊິສ຺ສຕິ.

(ຂ) ຍຕ຺ຖ ວາ ປນ ເວທນາກ຺ຂນ຺ໂຘ ອຸປ຺ປຊ຺ຊິສ຺ສຕິ ຕຕ຺ຖ ຣູປກ຺ຂນ຺ໂຘ ອຸປ຺ປຊ຺ຊຕີຕິ?

ອຣູເປ ຕຕ຺ຖ ເວທນາກ຺ຂນ຺ໂຘ ອຸປ຺ປຊ຺ຊິສ຺ສຕິ, ໂນ ຈ ຕຕ຺ຖ ຣູປກ຺ຂນ຺ໂຘ ອຸປ຺ປຊ຺ຊຕິ. ປຎ຺ຈໂວກາເຣ ຕຕ຺ຖ ເວທນາກ຺ຂນ຺ໂຘ ຈ ອຸປ຺ປຊ຺ຊິສ຺ສຕິ ຣູປກ຺ຂນ຺ໂຘ ຈ ອຸປ຺ປຊ຺ຊຕິ.

໘໓. (ກ) ຍຕ຺ຖ ເວທນາກ຺ຂນ຺ໂຘ ອຸປ຺ປຊ຺ຊຕິ ຕຕ຺ຖ ສຎ຺ຎາກ຺ຂນ຺ໂຘ ອຸປ຺ປຊ຺ຊິສ຺ສຕີຕິ? ອາມນ຺ຕາ.

(ຂ) ຍຕ຺ຖ ວາ ປນ ສຎ຺ຎາກ຺ຂນ຺ໂຘ ອຸປ຺ປຊ຺ຊິສ຺ສຕິ ຕຕ຺ຖ ເວທນາກ຺ຂນ຺ໂຘ ອຸປ຺ປຊ຺ຊຕີຕິ? ອາມນ຺ຕາ.

(ຄ) ອນຸໂລມປຸຄ຺ຄໂລກາສາ

໘໔. (ກ) ຍສ຺ສ ຍຕ຺ຖ ຣູປກ຺ຂນ຺ໂຘ ອຸປ຺ປຊ຺ຊຕິ ຕສ຺ສ ຕຕ຺ຖ ເວທນາກ຺ຂນ຺ໂຘ ອຸປ຺ປຊ຺ຊິສ຺ສຕີຕິ?

ປຈ຺ຉິມຠວິການໍ ປຎ຺ຈໂວກາຣໍ ອຸປປຊ຺ຊນ຺ຕານໍ ອສຎ຺ຎສຕ຺ຕໍ ອຸປປຊ຺ຊນ຺ຕານໍ ເຕສໍ ຕຕ຺ຖ ຣູປກ຺ຂນ຺ໂຘ ອຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ເວທນາກ຺ຂນ຺ໂຘ ອຸປ຺ປຊ຺ຊິສ຺ສຕິ. ອິຕເຣສໍ ປຎ຺ຈໂວກາຣໍ ອຸປປຊ຺ຊນ຺ຕານໍ ເຕສໍ ຕຕ຺ຖ ຣູປກ຺ຂນ຺ໂຘ ຈ ອຸປ຺ປຊ຺ຊຕິ ເວທນາກ຺ຂນ຺ໂຘ ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ເວທນາກ຺ຂນ຺ໂຘ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ຣູປກ຺ຂນ຺ໂຘ ອຸປ຺ປຊ຺ຊຕີຕິ?

ປຎ຺ຈໂວກາຣາ ຈວນ຺ຕານໍ ອຣູປານໍ ເຕສໍ ຕຕ຺ຖ ເວທນາກ຺ຂນ຺ໂຘ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ຣູປກ຺ຂນ຺ໂຘ ອຸປ຺ປຊ຺ຊຕິ. ປຎ຺ຈໂວກາຣໍ ອຸປປຊ຺ຊນ຺ຕານໍ ເຕສໍ ຕຕ຺ຖ ເວທນາກ຺ຂນ຺ໂຘ ຈ ອຸປ຺ປຊ຺ຊິສ຺ສຕິ ຣູປກ຺ຂນ຺ໂຘ ຈ ອຸປ຺ປຊ຺ຊຕິ.

໘໕. (ກ) ຍສ຺ສ ຍຕ຺ຖ ເວທນາກ຺ຂນ຺ໂຘ ອຸປ຺ປຊ຺ຊຕິ ຕສ຺ສ ຕຕ຺ຖ ສຎ຺ຎາກ຺ຂນ຺ໂຘ ອຸປ຺ປຊ຺ຊິສ຺ສຕີຕິ?

ປຈ຺ຉິມຠວິການໍ ອຸປປຊ຺ຊນ຺ຕານໍ ເຕສໍ ຕຕ຺ຖ ເວທນາກ຺ຂນ຺ໂຘ ອຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ສຎ຺ຎາກ຺ຂນ຺ໂຘ ອຸປ຺ປຊ຺ຊິສ຺ສຕິ. ອິຕເຣສໍ ຈຕຸໂວກາຣໍ ປຎ຺ຈໂວກາຣໍ ອຸປປຊ຺ຊນ຺ຕານໍ ເຕສໍ ຕຕ຺ຖ ເວທນາກ຺ຂນ຺ໂຘ ຈ ອຸປ຺ປຊ຺ຊຕິ ສຎ຺ຎາກ຺ຂນ຺ໂຘ ຈ ອຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ສຎ຺ຎາກ຺ຂນ຺ໂຘ ອຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ເວທນາກ຺ຂນ຺ໂຘ ອຸປ຺ປຊ຺ຊຕີຕິ?

ຈຕຸໂວກາຣາ ປຎ຺ຈໂວກາຣາ ຈວນ຺ຕານໍ ເຕສໍ ຕຕ຺ຖ ສຎ຺ຎາກ຺ຂນ຺ໂຘ ອຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ເວທນາກ຺ຂນ຺ໂຘ ອຸປ຺ປຊ຺ຊຕິ. ຈຕຸໂວກາຣໍ ປຎ຺ຈໂວກາຣໍ ອຸປປຊ຺ຊນ຺ຕານໍ ເຕສໍ ຕຕ຺ຖ ສຎ຺ຎາກ຺ຂນ຺ໂຘ ຈ ອຸປ຺ປຊ຺ຊິສ຺ສຕິ ເວທນາກ຺ຂນ຺ໂຘ ຈ ອຸປ຺ປຊ຺ຊຕິ.

(ຆ) ປຈ຺ຈນີກປຸຄ຺ຄໂລ

໘໖. (ກ) ຍສ຺ສ ຣູປກ຺ຂນ຺ໂຘ ນຸປ຺ປຊ຺ຊຕິ ຕສ຺ສ ເວທນາກ຺ຂນ຺ໂຘ ນຸປ຺ປຊ຺ຊິສ຺ສຕີຕິ?

ສພ຺ເພສໍ ຈວນ຺ຕານໍ ອຣູປໍ ອຸປປຊ຺ຊນ຺ຕານໍ ເຕສໍ ຣູປກ຺ຂນ຺ໂຘ ນຸປ຺ປຊ຺ຊຕິ, ໂນ ຈ ເຕສໍ ເວທນາກ຺ຂນ຺ໂຘ ນຸປ຺ປຊ຺ຊິສ຺ສຕິ. ປຎ຺ຈໂວກາເຣ ປຣິນິພ຺ພນ຺ຕານໍ ອຣູເປ ປຈ຺ຉິມຠວິການໍ ເຕສໍ ຣູປກ຺ຂນ຺ໂຘ ຈ ນຸປ຺ປຊ຺ຊຕິ ເວທນາກ຺ຂນ຺ໂຘ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ເວທນາກ຺ຂນ຺ໂຘ ນຸປ຺ປຊ຺ຊິສ຺ສຕິ ຕສ຺ສ ຣູປກ຺ຂນ຺ໂຘ ນຸປ຺ປຊ຺ຊຕີຕິ?

ປຈ຺ຉິມຠວິການໍ ປຎ຺ຈໂວກາຣໍ ອຸປປຊ຺ຊນ຺ຕານໍ ເຕສໍ ເວທນາກ຺ຂນ຺ໂຘ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຣູປກ຺ຂນ຺ໂຘ ນຸປ຺ປຊ຺ຊຕິ. ປຎ຺ຈໂວກາເຣ ປຣິນິພ຺ພນ຺ຕານໍ ອຣູເປ ປຈ຺ຉິມຠວິການໍ ເຕສໍ ເວທນາກ຺ຂນ຺ໂຘ ຈ ນຸປ຺ປຊ຺ຊິສ຺ສຕິ ຣູປກ຺ຂນ຺ໂຘ ຈ ນຸປ຺ປຊ຺ຊຕິ.

໘໗. (ກ) ຍສ຺ສ ເວທນາກ຺ຂນ຺ໂຘ ນຸປ຺ປຊ຺ຊຕິ ຕສ຺ສ ສຎ຺ຎາກ຺ຂນ຺ໂຘ ນຸປ຺ປຊ຺ຊິສ຺ສຕີຕິ?

ສພ຺ເພສໍ ຈວນ຺ຕານໍ ອສຎ຺ຎສຕ຺ຕໍ ອຸປປຊ຺ຊນ຺ຕານໍ ເຕສໍ ເວທນາກ຺ຂນ຺ໂຘ ນຸປ຺ປຊ຺ຊຕິ, ໂນ ຈ ເຕສໍ ສຎ຺ຎາກ຺ຂນ຺ໂຘ ນຸປ຺ປຊ຺ຊິສ຺ສຕິ. ປຣິນິພ຺ພນ຺ຕານໍ ເຕສໍ ເວທນາກ຺ຂນ຺ໂຘ ຈ ນຸປ຺ປຊ຺ຊຕິ ສຎ຺ຎາກ຺ຂນ຺ໂຘ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ສຎ຺ຎາກ຺ຂນ຺ໂຘ ນຸປ຺ປຊ຺ຊິສ຺ສຕິ ຕສ຺ສ ເວທນາກ຺ຂນ຺ໂຘ ນຸປ຺ປຊ຺ຊຕີຕິ?

ປຈ຺ຉິມຠວິການໍ ອຸປປຊ຺ຊນ຺ຕານໍ [ປຈ຺ຉິມຠວິການໍ ປຎ຺ຈໂວກາຣໍ ອຸປປຊ຺ຊນ຺ຕານໍ (ສີ. ສ຺ຍາ.)] ເຕສໍ ສຎ຺ຎາກ຺ຂນ຺ໂຘ ນຸປ຺ປຊ຺ຊິສ຺ສຕິ, ໂນ ຈ ເຕສໍ ເວທນາກ຺ຂນ຺ໂຘ ນຸປ຺ປຊ຺ຊຕິ. ປຣິນິພ຺ພນ຺ຕານໍ ເຕສໍ ສຎ຺ຎາກ຺ຂນ຺ໂຘ ຈ ນຸປ຺ປຊ຺ຊິສ຺ສຕິ ເວທນາກ຺ຂນ຺ໂຘ ຈ ນຸປ຺ປຊ຺ຊຕິ.

(ງ) ປຈ຺ຈນີກໂອກາໂສ

໘໘. (ກ) ຍຕ຺ຖ ຣູປກ຺ຂນ຺ໂຘ ນຸປ຺ປຊ຺ຊຕິ ຕຕ຺ຖ ເວທນາກ຺ຂນ຺ໂຘ ນຸປ຺ປຊ຺ຊິສ຺ສຕີຕິ? ອຸປ຺ປຊ຺ຊິສ຺ສຕິ.

(ຂ) ຍຕ຺ຖ ວາ ປນ ເວທນາກ຺ຂນ຺ໂຘ ນຸປ຺ປຊ຺ຊິສ຺ສຕິ ຕຕ຺ຖ ຣູປກ຺ຂນ຺ໂຘ ນຸປ຺ປຊ຺ຊຕີຕິ? ອຸປ຺ປຊ຺ຊຕິ.

໘໙. (ກ) ຍຕ຺ຖ ເວທນາກ຺ຂນ຺ໂຘ ນຸປ຺ປຊ຺ຊຕິ ຕຕ຺ຖ ສຎ຺ຎາກ຺ຂນ຺ໂຘ ນຸປ຺ປຊ຺ຊິສ຺ສຕີຕິ? ອາມນ຺ຕາ.

(ຂ) ຍຕ຺ຖ ວາ ປນ ສຎ຺ຎາກ຺ຂນ຺ໂຘ ນຸປ຺ປຊ຺ຊິສ຺ສຕິ ຕຕ຺ຖ ເວທນາກ຺ຂນ຺ໂຘ ນຸປ຺ປຊ຺ຊຕີຕິ? ອາມນ຺ຕາ.

(ຈ) ປຈ຺ຈນີກປຸຄ຺ຄໂລກາສາ

໙໐. (ກ) ຍສ຺ສ ຍຕ຺ຖ ຣູປກ຺ຂນ຺ໂຘ ນຸປ຺ປຊ຺ຊຕິ ຕສ຺ສ ຕຕ຺ຖ ເວທນາກ຺ຂນ຺ໂຘ ນຸປ຺ປຊ຺ຊິສ຺ສຕີຕິ?

ປຎ຺ຈໂວກາຣາ ຈວນ຺ຕານໍ ອຣູປານໍ ເຕສໍ ຕຕ຺ຖ ຣູປກ຺ຂນ຺ໂຘ ນຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ເວທນາກ຺ຂນ຺ໂຘ ນຸປ຺ປຊ຺ຊິສ຺ສຕິ. ປຎ຺ຈໂວກາເຣ ປຣິນິພ຺ພນ຺ຕານໍ ອຣູເປ ປຈ຺ຉິມຠວິການໍ ອສຎ຺ຎສຕ຺ຕາ ຈວນ຺ຕານໍ ເຕສໍ ຕຕ຺ຖ ຣູປກ຺ຂນ຺ໂຘ ຈ ນຸປ຺ປຊ຺ຊຕິ ເວທນາກ຺ຂນ຺ໂຘ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ເວທນາກ຺ຂນ຺ໂຘ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ຣູປກ຺ຂນ຺ໂຘ ນຸປ຺ປຊ຺ຊຕີຕິ?

ປຈ຺ຉິມຠວິການໍ ປຎ຺ຈໂວກາຣໍ ອຸປປຊ຺ຊນ຺ຕານໍ ອສຎ຺ຎສຕ຺ຕໍ ອຸປປຊ຺ຊນ຺ຕານໍ ເຕສໍ ຕຕ຺ຖ ເວທນາກ຺ຂນ຺ໂຘ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ຣູປກ຺ຂນ຺ໂຘ ນຸປ຺ປຊ຺ຊຕິ. ປຎ຺ຈໂວກາເຣ ປຣິນິພ຺ພນ຺ຕານໍ ອຣູເປ ປຈ຺ຉິມຠວິການໍ ອສຎ຺ຎສຕ຺ຕາ ຈວນ຺ຕານໍ ເຕສໍ ຕຕ຺ຖ ເວທນາກ຺ຂນ຺ໂຘ ຈ ນຸປ຺ປຊ຺ຊິສ຺ສຕິ ຣູປກ຺ຂນ຺ໂຘ ຈ ນຸປ຺ປຊ຺ຊຕິ.

໙໑. (ກ) ຍສ຺ສ ຍຕ຺ຖ ເວທນາກ຺ຂນ຺ໂຘ ນຸປ຺ປຊ຺ຊຕິ ຕສ຺ສ ຕຕ຺ຖ ສຎ຺ຎາກ຺ຂນ຺ໂຘ ນຸປ຺ປຊ຺ຊິສ຺ສຕີຕິ?

ຈຕຸໂວກາຣາ ປຎ຺ຈໂວກາຣາ ຈວນ຺ຕານໍ ເຕສໍ ຕຕ຺ຖ ເວທນາກ຺ຂນ຺ໂຘ ນຸປ຺ປຊ຺ຊຕິ, ໂນ ຈ ເຕສໍ ຕຕ຺ຖ ສຎ຺ຎາກ຺ຂນ຺ໂຘ ນຸປ຺ປຊ຺ຊິສ຺ສຕິ. ປຣິນິພ຺ພນ຺ຕານໍ ອສຎ຺ຎສຕ຺ຕານໍ ເຕສໍ ຕຕ຺ຖ ເວທນາກ຺ຂນ຺ໂຘ ຈ ນຸປ຺ປຊ຺ຊຕິ ສຎ຺ຎາກ຺ຂນ຺ໂຘ ຈ ນຸປ຺ປຊ຺ຊິສ຺ສຕິ.

(ຂ) ຍສ຺ສ ວາ ປນ ຍຕ຺ຖ ສຎ຺ຎາກ຺ຂນ຺ໂຘ ນຸປ຺ປຊ຺ຊິສ຺ສຕິ ຕສ຺ສ ຕຕ຺ຖ ເວທນາກ຺ຂນ຺ໂຘ ນຸປ຺ປຊ຺ຊຕີຕິ?

ປຈ຺ຉິມຠວິການໍ ອຸປປຊ຺ຊນ຺ຕານໍ ເຕສໍ ຕຕ຺ຖ ສຎ຺ຎາກ຺ຂນ຺ໂຘ ນຸປ຺ປຊ຺ຊິສ຺ສຕິ, ໂນ ຈ ເຕສໍ ຕຕ຺ຖ ເວທນາກ຺ຂນ຺ໂຘ ນຸປ຺ປຊ຺ຊຕິ. ປຣິນິພ຺ພນ຺ຕານໍ ອສຎ຺ຎສຕ຺ຕານໍ ເຕສໍ ຕຕ຺ຖ ສຎ຺ຎາກ຺ຂນ຺ໂຘ ຈ ນຸປ຺ປຊ຺ຊິສ຺ສຕິ ເວທນາກ຺ຂນ຺ໂຘ ຈ ນຸປ຺ປຊ຺ຊຕິ.