໑. ອຠິຘມ຺ມຠາຊນີຍໍ

໗໐໓. ປຎ຺ຈ ສິກ຺ຂາປທານິ – ປາຓາຕິປາຕາ ເວຣມຓີ ສິກ຺ຂາປທໍ, ອທິນ຺ນາທານາ ເວຣມຓີ ສິກ຺ຂາປທໍ, ກາເມສຸມິຈ຺ຉາຈາຣາ ເວຣມຓີ ສິກ຺ຂາປທໍ, ມຸສາວາທາ ເວຣມຓີ ສິກ຺ຂາປທໍ, ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ.

໗໐໔. ຕຕ຺ຖ ກຕມໍ ປາຓາຕິປາຕາ ເວຣມຓີ ສິກ຺ຂາປທໍ? ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ໂສມນສ຺ສສຫຄຕໍ ຎາຓສມ຺ປຍຸຕ຺ຕໍ ປາຓາຕິປາຕາ ວິຣມນ຺ຕສ຺ສ, ຍາ ຕສ຺ມິໍ ສມເຍ ປາຓາຕິປາຕາ ອາຣຕິ ວິຣຕິ ປຏິວິຣຕິ ເວຣມຓີ ອກິຣິຍາ ອກຣຓໍ ອນຊ຺ຌາປຕ຺ຕິ ເວລາອນຕິກ຺ກໂມ ເສຕຸຆາໂຕ – ອິທໍ ວຸຈ຺ຈຕິ ‘‘ປາຓາຕິປາຕາ ເວຣມຓີ ສິກ຺ຂາປທໍ’’. ອວເສສາ ຘມ຺ມາ ເວຣມຓິຍາ ສມ຺ປຍຸຕ຺ຕາ.

ຕຕ຺ຖ ກຕມໍ ປາຓາຕິປາຕາ ເວຣມຓີ ສິກ຺ຂາປທໍ? ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ໂສມນສ຺ສສຫຄຕໍ ຎາຓສມ຺ປຍຸຕ຺ຕໍ ປາຓາຕິປາຕາ ວິຣມນ຺ຕສ຺ສ, ຍາ ຕສ຺ມິໍ ສມເຍ ເຈຕນາ ສຎ຺ເຈຕນາ ສຎ຺ເຈຕຍິຕຕ຺ຕໍ – ອິທໍ ວຸຈ຺ຈຕິ ‘‘ປາຓາຕິປາຕາ ເວຣມຓີ ສິກ຺ຂາປທໍ’’. ອວເສສາ ຘມ຺ມາ ເຈຕນາຍ ສມ຺ປຍຸຕ຺ຕາ.

ຕຕ຺ຖ ກຕມໍ ປາຓາຕິປາຕາ ເວຣມຓີ ສິກ຺ຂາປທໍ? ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ໂສມນສ຺ສສຫຄຕໍ ຎາຓສມ຺ປຍຸຕ຺ຕໍ ປາຓາຕິປາຕາ ວິຣມນ຺ຕສ຺ສ, ໂຍ ຕສ຺ມິໍ ສມເຍ ຜສ຺ໂສ…ເປ… ປຄ຺ຄາໂຫ ອວິກ຺ເຂໂປ – ອິທໍ ວຸຈ຺ຈຕິ ‘‘ປາຓາຕິປາຕາ ເວຣມຓີ ສິກ຺ຂາປທໍ’’.

໗໐໕. ຕຕ຺ຖ ກຕມໍ ປາຓາຕິປາຕາ ເວຣມຓີ ສິກ຺ຂາປທໍ? ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ອຸເປກ຺ຂາສຫຄຕໍ ຎາຓວິປ຺ປຍຸຕ຺ຕໍ ສສງ຺ຂາເຣນ ປາຓາຕິປາຕາ ວິຣມນ຺ຕສ຺ສ, ຍາ ຕສ຺ມິໍ ສມເຍ ເຈຕນາ ສຎ຺ເຈຕນາ ສຎ຺ເຈຕຍິຕຕ຺ຕໍ – ອິທໍ ວຸຈ຺ຈຕິ ‘‘ປາຓາຕິປາຕາ ເວຣມຓີ ສິກ຺ຂາປທໍ’’. ອວເສສາ ຘມ຺ມາ ເຈຕນາຍ ສມ຺ປຍຸຕ຺ຕາ.

ຕຕ຺ຖ ກຕມໍ ປາຓາຕິປາຕາ ເວຣມຓີ ສິກ຺ຂາປທໍ? ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ອຸເປກ຺ຂາສຫຄຕໍ ຎາຓວິປ຺ປຍຸຕ຺ຕໍ ສສງ຺ຂາເຣນ ປາຓາຕິປາຕາ ວິຣມນ຺ຕສ຺ສ ຜສ຺ໂສ…ເປ… ປຄ຺ຄາໂຫ ອວິກ຺ເຂໂປ – ອິທໍ ວຸຈ຺ຈຕິ ‘‘ປາຓາຕິປາຕາ ເວຣມຓີ ສິກ຺ຂາປທໍ’’.

໗໐໖. ຕຕ຺ຖ ກຕມໍ ອທິນ຺ນາທານາ ເວຣມຓີ ສິກ຺ຂາປທໍ…ເປ… ກາເມສຸມິຈ຺ຉາຈາຣາ ເວຣມຓີ ສິກ຺ຂາປທໍ…ເປ… ມຸສາວາທາ ເວຣມຓີ ສິກ຺ຂາປທໍ…ເປ… ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ? ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ໂສມນສ຺ສສຫຄຕໍ ຎາຓສມ຺ປຍຸຕ຺ຕໍ ສຸຣາເມຣຍມຊ຺ຊປມາທຏ຺ຐານາ ວິຣມນ຺ຕສ຺ສ, ຍາ ຕສ຺ມິໍ ສມເຍ ສຸຣາເມຣຍມຊ຺ຊປມາທຏ຺ຐານາ ອາຣຕິ ວິຣຕິ ປຏິວິຣຕິ ເວຣມຓີ ອກິຣິຍາ ອກຣຓໍ ອນຊ຺ຌາປຕ຺ຕິ ເວລາອນຕິກ຺ກໂມ ເສຕຸຆາໂຕ – ອິທໍ ວຸຈ຺ຈຕິ ‘‘ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ’’. ອວເສສາ ຘມ຺ມາ ເວຣມຓິຍາ ສມ຺ປຍຸຕ຺ຕາ.

ຕຕ຺ຖ ກຕມໍ ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ, ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ໂສມນສ຺ສສຫຄຕໍ ຎາຓສມ຺ປຍຸຕ຺ຕໍ ສຸຣາເມຣຍມຊ຺ຊປມາທຏ຺ຐານາ ວິຣມນ຺ຕສ຺ສ, ຍາ ຕສ຺ມິໍ ສມເຍ ເຈຕນາ ສຎ຺ເຈຕນາ ສຎ຺ເຈຕຍິຕຕ຺ຕໍ – ອິທໍ ວຸຈ຺ຈຕິ ‘‘ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ’’. ອວເສສາ ຘມ຺ມາ ເຈຕນາຍ ສມ຺ປຍຸຕ຺ຕາ.

ຕຕ຺ຖ ກຕມໍ ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ? ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ໂສມນສ຺ສສຫຄຕໍ ຎາຓສມ຺ປຍຸຕ຺ຕໍ ສຸຣາເມຣຍມຊ຺ຊປມາທຏ຺ຐານາ ວິຣມນ຺ຕສ຺ສ, ໂຍ ຕສ຺ມິໍ ສມເຍ ຜສ຺ໂສ…ເປ… ປຄ຺ຄາໂຫ ອວິກ຺ເຂໂປ – ອິທໍ ວຸຈ຺ຈຕິ ‘‘ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ’’.

ຕຕ຺ຖ ກຕມໍ ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ? ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ໂສມນສ຺ສສຫຄຕໍ ຎາຓສມ຺ປຍຸຕ຺ຕໍ ສສງ຺ຂາເຣນ…ເປ… ໂສມນສ຺ສສຫຄຕໍ ຎາຓວິປ຺ປຍຸຕ຺ຕໍ…ເປ… ໂສມນສ຺ສສຫຄຕໍ ຎາຓວິປ຺ປຍຸຕ຺ຕໍ ສສງ຺ຂາເຣນ…ເປ… ອຸເປກ຺ຂາສຫຄຕໍ ຎາຓສມ຺ປຍຸຕ຺ຕໍ…ເປ… ອຸເປກ຺ຂາສຫຄຕໍ ຎາຓສມ຺ປຍຸຕ຺ຕໍ ສສງ຺ຂາເຣນ…ເປ… ອຸເປກ຺ຂາສຫຄຕໍ ຎາຓວິປ຺ປຍຸຕ຺ຕໍ…ເປ… ອຸເປກ຺ຂາສຫຄຕໍ ຎາຓວິປ຺ປຍຸຕ຺ຕໍ ສສງ຺ຂາເຣນ ສຸຣາເມຣຍມຊ຺ຊປມາທຏ຺ຐານາ ວິຣມນ຺ຕສ຺ສ, ຍາ ຕສ຺ມິໍ ສມເຍ ສຸຣາເມຣຍມຊ຺ຊປມາທຏ຺ຐານາ ອາຣຕິ ວິຣຕິ ປຏິວິຣຕິ ເວຣມຓີ ອກິຣິຍາ ອກຣຓໍ ອນຊ຺ຌາປຕ຺ຕິ ເວລາອນຕິກ຺ກໂມ ເສຕຸຆາໂຕ – ອິທໍ ວຸຈ຺ຈຕິ ‘‘ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ’’. ອວເສສາ ຘມ຺ມາ ເວຣມຓິຍາ ສມ຺ປຍຸຕ຺ຕາ.

໗໐໗. ຕຕ຺ຖ ກຕມໍ ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ? ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ອຸເປກ຺ຂາສຫຄຕໍ ຎາຓວິປ຺ປຍຸຕ຺ຕໍ ສສງ຺ຂາເຣນ ສຸຣາເມຣຍມຊ຺ຊປມາທຏ຺ຐານາ ວິຣມນ຺ຕສ຺ສ, ຍາ ຕສ຺ມິໍ ສມເຍ ເຈຕນາ ສຎ຺ເຈຕນາ ສຎ຺ເຈຕຍິຕຕ຺ຕໍ – ອິທໍ ວຸຈ຺ຈຕິ ‘‘ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ’’. ອວເສສາ ຘມ຺ມາ ເຈຕນາຍ ສມ຺ປຍຸຕ຺ຕາ.

ຕຕ຺ຖ ກຕມໍ ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ? ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ອຸເປກ຺ຂາສຫຄຕໍ ຎາຓວິປ຺ປຍຸຕ຺ຕໍ ສສງ຺ຂາເຣນ ສຸຣາເມຣຍມຊ຺ຊປມາທຏ຺ຐານາ ວິຣມນ຺ຕສ຺ສ, ໂຍ ຕສ຺ມິໍ ສມເຍ ຜສ຺ໂສ…ເປ… ປຄ຺ຄາໂຫ ອວິກ຺ເຂໂປ – ອິທໍ ວຸຈ຺ຈຕິ ‘‘ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ’’.

໗໐໘. ປຎ຺ຈ ສິກ຺ຂາປທານິ – ປາຓາຕິປາຕາ ເວຣມຓີ ສິກ຺ຂາປທໍ, ອທິນ຺ນາທານາ ເວຣມຓີ ສິກ຺ຂາປທໍ, ກາເມສຸມິຈ຺ຉາຈາຣາ ເວຣມຓີ ສິກ຺ຂາປທໍ, ມຸສາວາທາ ເວຣມຓີ ສິກ຺ຂາປທໍ, ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ.

໗໐໙. ຕຕ຺ຖ ກຕມໍ ປາຓາຕິປາຕາ ເວຣມຓີ ສິກ຺ຂາປທໍ? ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ໂສມນສ຺ສສຫຄຕໍ ຎາຓສມ຺ປຍຸຕ຺ຕໍ ຫີນໍ… ມຊ຺ຌິມໍ… ປຓີຕໍ… ຉນ຺ທາຘິປເຕຍ຺ຍໍ… ວີຣິຍາຘິປເຕຍ຺ຍໍ… ຈິຕ຺ຕາຘິປເຕຍ຺ຍໍ… ວີມໍສາຘິປເຕຍ຺ຍໍ… ຉນ຺ທາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ… ວີຣິຍາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ… ຈິຕ຺ຕາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ… ວີມໍສາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ ປາຓາຕິປາຕາ ວິຣມນ຺ຕສ຺ສ, ຍາ ຕສ຺ມິໍ ສມເຍ ປາຓາຕິປາຕາ ອາຣຕິ ວິຣຕິ ປຏິວິຣຕິ ເວຣມຓີ ອກິຣິຍາ ອກຣຓໍ ອນຊ຺ຌາປຕ຺ຕິ ເວລາອນຕິກ຺ກໂມ ເສຕຸຆາໂຕ – ອິທໍ ວຸຈ຺ຈຕິ ‘‘ປາຓາຕິປາຕາ ເວຣມຓີ ສິກ຺ຂາປທໍ’’. ອວເສສາ ຘມ຺ມາ ເວຣມຓິຍາ ສມ຺ປຍຸຕ຺ຕາ.

ຕຕ຺ຖ ກຕມໍ ປາຓາຕິປາຕາ ເວຣມຓີ ສິກ຺ຂາປທໍ? ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ໂສມນສ຺ສສຫຄຕໍ ຎາຓສມ຺ປຍຸຕ຺ຕໍ ຫີນໍ… ມຊ຺ຌິມໍ… ປຓີຕໍ… ຉນ຺ທາຘິປເຕຍ຺ຍໍ… ວີຣິຍາຘິປເຕຍ຺ຍໍ… ຈິຕ຺ຕາຘິປເຕຍ຺ຍໍ… ວີມໍສາຘິປເຕຍ຺ຍໍ… ຉນ຺ທາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ… ວີຣິຍາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ… ຈິຕ຺ຕາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ… ວີມໍສາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ ປາຓາຕິປາຕາ ວິຣມນ຺ຕສ຺ສ, ຍາ ຕສ຺ມິໍ ສມເຍ ເຈຕນາ ສຎ຺ເຈຕນາ ສຎ຺ເຈຕຍິຕຕ຺ຕໍ – ອິທໍ ວຸຈ຺ຈຕິ ‘‘ປາຓາຕິປາຕາ ເວຣມຓີ ສິກ຺ຂາປທໍ’’. ອວເສສາ ຘມ຺ມາ ເຈຕນາຍ ສມ຺ປຍຸຕ຺ຕາ.

ຕຕ຺ຖ ກຕມໍ ປາຓາຕິປາຕາ ເວຣມຓີ ສິກ຺ຂາປທໍ? ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ໂສມນສ຺ສສຫຄຕໍ ຎາຓສມ຺ປຍຸຕ຺ຕໍ ຫີນໍ… ມຊ຺ຌິມໍ… ປຓີຕໍ… ຉນ຺ທາຘິປເຕຍ຺ຍໍ… ວີຣິຍາຘິປເຕຍ຺ຍໍ… ຈິຕ຺ຕາຘິປເຕຍ຺ຍໍ… ວີມໍສາຘິປເຕຍ຺ຍໍ… ຉນ຺ທາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ… ວີຣິຍາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ… ຈິຕ຺ຕາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ… ວີມໍສາຘິປເຕຍ຺ຍໍ ຫີນໍ… ມຊ຺ຌິມໍ … ປຓີຕໍ ປາຓາຕິປາຕາ ວິຣມນ຺ຕສ຺ສ, ໂຍ ຕສ຺ມິໍ ສມເຍ ຜສ຺ໂສ…ເປ… ປຄ຺ຄາໂຫ ອວິກ຺ເຂໂປ – ອິທໍ ວຸຈ຺ຈຕິ ‘‘ປາຓາຕິປາຕາ ເວຣມຓີ ສິກ຺ຂາປທໍ’’.

ຕຕ຺ຖ ກຕມໍ ປາຓາຕິປາຕາ ເວຣມຓີ ສິກ຺ຂາປທໍ? ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ໂສມນສ຺ສສຫຄຕໍ ຎາຓສມ຺ປຍຸຕ຺ຕໍ ສສງ຺ຂາເຣນ…ເປ… ໂສມນສ຺ສສຫຄຕໍ ຎາຓວິປ຺ປຍຸຕ຺ຕໍ…ເປ… ໂສມນສ຺ສສຫຄຕໍ ຎາຓວິປ຺ປຍຸຕ຺ຕໍ ສສງ຺ຂາເຣນ…ເປ… ອຸເປກ຺ຂາສຫຄຕໍ ຎາຓສມ຺ປຍຸຕ຺ຕໍ…ເປ… ອຸເປກ຺ຂາສຫຄຕໍ ຎາຓສມ຺ປຍຸຕ຺ຕໍ ສສງ຺ຂາເຣນ…ເປ… ອຸເປກ຺ຂາສຫຄຕໍ ຎາຓວິປ຺ປຍຸຕ຺ຕໍ…ເປ… ອຸເປກ຺ຂາສຫຄຕໍ ຎາຓວິປ຺ປຍຸຕ຺ຕໍ ສສງ຺ຂາເຣນ ຫີນໍ… ມຊ຺ຌິມໍ… ປຓີຕໍ… ຉນ຺ທາຘິປເຕຍ຺ຍໍ… ວີຣິຍາຘິປເຕຍ຺ຍໍ… ຈິຕ຺ຕາຘິປເຕຍ຺ຍໍ… ຉນ຺ທາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ… ວີຣິຍາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ… ຈິຕ຺ຕາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ ປາຓາຕິປາຕາ ວິຣມນ຺ຕສ຺ສ, ຍາ ຕສ຺ມິໍ ສມເຍ ປາຓາຕິປາຕາ ອາຣຕິ ວິຣຕິ ປຏິວິຣຕິ ເວຣມຓີ ອກິຣິຍາ ອກຣຓໍ ອນຊ຺ຌາປຕ຺ຕິ ເວລາອນຕິກ຺ກໂມ ເສຕຸຆາໂຕ – ອິທໍ ວຸຈ຺ຈຕິ ‘‘ປາຓາຕິປາຕາ ເວຣມຓີ ສິກ຺ຂາປທໍ’’. ອວເສສາ ຘມ຺ມາ ເວຣມຓິຍາ ສມ຺ປຍຸຕ຺ຕາ…ເປ… ອວເສສາ ຘມ຺ມາ ເຈຕນາຍ ສມ຺ປຍຸຕ຺ຕາ…ເປ… ຜສ຺ໂສ…ເປ… ປຄ຺ຄາໂຫ ອວິກ຺ເຂໂປ – ອິທໍ ວຸຈ຺ຈຕິ ‘‘ປາຓາຕິປາຕາ ເວຣມຓີ ສິກ຺ຂາປທໍ’’.

໗໑໐. ຕຕ຺ຖ ກຕມໍ ອທິນ຺ນາທານາ ເວຣມຓີ ສິກ຺ຂາປທໍ…ເປ… ກາເມສຸມິຈ຺ຉາຈາຣາ ເວຣມຓີ ສິກ຺ຂາປທໍ…ເປ… ມຸສາວາທາ ເວຣມຓີ ສິກ຺ຂາປທໍ…ເປ… ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ? ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ໂສມນສ຺ສສຫຄຕໍ ຎາຓສມ຺ປຍຸຕ຺ຕໍ ຫີນໍ… ມຊ຺ຌິມໍ… ປຓີຕໍ… ຉນ຺ທາຘິປເຕຍ຺ຍໍ… ວີຣິຍາຘິປເຕຍ຺ຍໍ … ຈິຕ຺ຕາຘິປເຕຍ຺ຍໍ… ວີມໍສາຘິປເຕຍ຺ຍໍ… ຉນ຺ທາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ… ວີຣິຍາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ… ຈິຕ຺ຕາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ… ວີມໍສາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ ສຸຣາເມຣຍມຊ຺ຊປມາທຏ຺ຐານາ ວິຣມນ຺ຕສ຺ສ, ຍາ ຕສ຺ມິໍ ສມເຍ ສຸຣາເມຣຍມຊ຺ຊປມາທຏ຺ຐານາ ອາຣຕິ ວິຣຕິ ປຏິວິຣຕິ ເວຣມຓີ ອກິຣິຍາ ອກຣຓໍ ອນຊ຺ຌາປຕ຺ຕິ ເວລາອນຕິກ຺ກໂມ ເສຕຸຆາໂຕ – ອິທໍ ວຸຈ຺ຈຕິ ‘‘ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ’’. ອວເສສາ ຘມ຺ມາ ເວຣມຓິຍາ ສມ຺ປຍຸຕ຺ຕາ …ເປ… ອວເສສາ ຘມ຺ມາ ເຈຕນາຍ ສມ຺ປຍຸຕ຺ຕາ…ເປ… ຜສ຺ໂສ…ເປ… ປຄ຺ຄາໂຫ ອວິກ຺ເຂໂປ – ອິທໍ ວຸຈ຺ຈຕິ ‘‘ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ’’.

໗໑໑. ຕຕ຺ຖ ກຕມໍ ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ? ຍສ຺ມິໍ ສມເຍ ກາມາວຈເຣ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ໂສມນສ຺ສສຫຄຕໍ ຎາຓສມ຺ປຍຸຕ຺ຕໍ ສສງ຺ຂາເຣນ…ເປ… ໂສມນສ຺ສສຫຄຕໍ ຎາຓວິປ຺ປຍຸຕ຺ຕໍ…ເປ… ໂສມນສ຺ສສຫຄຕໍ ຎາຓວິປ຺ປຍຸຕ຺ຕໍ ສສງ຺ຂາເຣນ…ເປ… ອຸເປກ຺ຂາສຫຄຕໍ ຎາຓສມ຺ປຍຸຕ຺ຕໍ…ເປ… ອຸເປກ຺ຂາສຫຄຕໍ ຎາຓສມ຺ປຍຸຕ຺ຕໍ ສສງ຺ຂາເຣນ…ເປ… ອຸເປກ຺ຂາສຫຄຕໍ ຎາຓວິປ຺ປຍຸຕ຺ຕໍ…ເປ… ອຸເປກ຺ຂາສຫຄຕໍ ຎາຓວິປ຺ປຍຸຕ຺ຕໍ ສສງ຺ຂາເຣນ ຫີນໍ… ມຊ຺ຌິມໍ… ປຓີຕໍ… ຉນ຺ທາຘິປເຕຍ຺ຍໍ… ວີຣິຍາຘິປເຕຍ຺ຍໍ… ຈິຕ຺ຕາຘິປເຕຍ຺ຍໍ… ຉນ຺ທາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ… ວີຣິຍາຘິປເຕຍ຺ຍໍ ຫີນໍ… ມຊ຺ຌິມໍ… ປຓີຕໍ… ຈິຕ຺ຕາຘິປເຕຍ຺ຍໍ ຫີນໍ… ມຊ຺ຌິມໍ ປຓີຕໍ ສຸຣາເມຣຍມຊ຺ຊປມາທຏ຺ຐານາ ວິຣມນ຺ຕສ຺ສ, ຍາ ຕສ຺ມິໍ ສມເຍ ສຸຣາເມຣຍມຊ຺ຊປມາທຏ຺ຐານາ ອາຣຕິ ວິຣຕິ ປຏິວິຣຕິ ເວຣມຓີ ອກິຣິຍາ ອກຣຓໍ ອນຊ຺ຌາປຕ຺ຕິ ເວລາອນຕິກ຺ກໂມ ເສຕຸຆາໂຕ – ອິທໍ ວຸຈ຺ຈຕິ ‘‘ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ’’. ອວເສສາ ຘມ຺ມາ ເວຣມຓິຍາ ສມ຺ປຍຸຕ຺ຕາ…ເປ… ອວເສສາ ຘມ຺ມາ ເຈຕນາຍ ສມ຺ປຍຸຕ຺ຕາ…ເປ… ຜສ຺ໂສ…ເປ… ປຄ຺ຄາໂຫ ອວິກ຺ເຂໂປ – ອິທໍ ວຸຈ຺ຈຕິ ‘‘ສຸຣາເມຣຍມຊ຺ຊປມາທຏ຺ຐານາ ເວຣມຓີ ສິກ຺ຂາປທໍ’’.

໗໑໒. ກຕເມ ຘມ຺ມາ ສິກ຺ຂາ? ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ໂສມນສ຺ສສຫຄຕໍ ຎາຓສມ຺ປຍຸຕ຺ຕໍ ຣູປາຣມ຺ມຓໍ ວາ…ເປ… ຘມ຺ມາຣມ຺ມຓໍ ວາ ຍໍ ຍໍ ວາ ປນາຣພ຺ຠ, ຕສ຺ມິໍ ສມເຍ ຜສ຺ໂສ ໂຫຕິ…ເປ… ອວິກ຺ເຂໂປ ໂຫຕິ. ອິເມ ຘມ຺ມາ ສິກ຺ຂາ.

ກຕເມ ຘມ຺ມາ ສິກ຺ຂາ? ຍສ຺ມິໍ ສມເຍ ກາມາວຈຣໍ ກຸສລໍ ຈິຕ຺ຕໍ ອຸປ຺ປນ຺ນໍ ໂຫຕິ ໂສມນສ຺ສສຫຄຕໍ ຎາຓສມ຺ປຍຸຕ຺ຕໍ ສສງ຺ຂາເຣນ…ເປ… ໂສມນສ຺ສສຫຄຕໍ ຎາຓວິປ຺ປຍຸຕ຺ຕໍ…ເປ… ໂສມນສ຺ສສຫຄຕໍ ຎາຓວິປ຺ປຍຸຕ຺ຕໍ ສສງ຺ຂາເຣນ…ເປ… ອຸເປກ຺ຂາສຫຄຕໍ ຎາຓສມ຺ປຍຸຕ຺ຕໍ…ເປ… ອຸເປກ຺ຂາສຫຄຕໍ ຎາຓສມ຺ປຍຸຕ຺ຕໍ ສສງ຺ຂາເຣນ…ເປ… ອຸເປກ຺ຂາສຫຄຕໍ ຎາຓວິປ຺ປຍຸຕ຺ຕໍ…ເປ… ອຸເປກ຺ຂາສຫຄຕໍ ຎາຓວິປ຺ປຍຸຕ຺ຕໍ ສສງ຺ຂາເຣນ ຣູປາຣມ຺ມຓໍ ວາ…ເປ… ຘມ຺ມາຣມ຺ມຓໍ ວາ ຍໍ ຍໍ ວາ ປນາຣພ຺ຠ, ຕສ຺ມິໍ ສມເຍ ຜສ຺ໂສ ໂຫຕິ…ເປ… ອວິກ຺ເຂໂປ ໂຫຕິ. ອິເມ ຘມ຺ມາ ສິກ຺ຂາ.

໗໑໓. ກຕເມ ຘມ຺ມາ ສິກ຺ຂາ? ຍສ຺ມິໍ ສມເຍ ຣູປູປປຕ຺ຕິຍາ ມຄ຺ຄໍ ຠາເວຕິ…ເປ… ອຣູປູປປຕ຺ຕິຍາ ມຄ຺ຄໍ ຠາເວຕິ…ເປ… ໂລກຸຕ຺ຕຣໍ ຌານໍ ຠາເວຕິ ນິຍ຺ຍານິກໍ ອປຈຍຄາມິໍ ທິຏ຺ຐິຄຕານໍ ປຫານາຍ ປຐມາຍ ຠູມິຍາ ປຕ຺ຕິຍາ ວິວິຈ຺ເຈວ ກາເມຫິ…ເປ… ປຐມໍ ຌານໍ ອຸປສມ຺ປຊ຺ຊ ວິຫຣຕິ ທຸກ຺ຂປຏິປທໍ ທນ຺ຘາຠິຎ຺ຎໍ, ຕສ຺ມິໍ ສມເຍ ຜສ຺ໂສ ໂຫຕິ…ເປ… ອວິກ຺ເຂໂປ ໂຫຕິ. ອິເມ ຘມ຺ມາ ສິກ຺ຂາ.

ອຠິຘມ຺ມຠາຊນີຍໍ.