໔-໕-໑. ເຫຕຸສເຫຕຸກທຸກາທິ-ກຸສລຕ຺ຕິກໍ

໓໖. ນເຫຕຸຎ຺ເຈວ ນອເຫຕຸກຎ຺ຈ ນກຸສລໍ ຘມ຺ມໍ ປຏິຈ຺ຈ ນເຫຕຸ ເຈວ ນອເຫຕຸໂກ ຈ ນກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸຎ຺ເຈວ ນອເຫຕຸກຎ຺ຈ ນກຸສລໍ ຘມ຺ມໍ ປຏິຈ຺ຈ ນອເຫຕຸໂກ ເຈວ ນນ ຈ ເຫຕຸ ນກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸຎ຺ເຈວ ນອເຫຕຸກຎ຺ຈ ນກຸສລໍ ຘມ຺ມໍ ປຏິຈ຺ຈ ນເຫຕຸ ເຈວ ນອເຫຕຸໂກ ຈ ນກຸສໂລ ຈ ນອເຫຕຸໂກ ເຈວ ນນ ຈ ເຫຕຸ ນກຸສໂລ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນອເຫຕຸກຎ຺ເຈວ ນນ ຈ ເຫຕຸໍ ນກຸສລໍ ຘມ຺ມໍ ປຏິຈ຺ຈ ນອເຫຕຸໂກ ເຈວ ນນ ຈ ເຫຕຸ ນກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ນເຫຕຸຎ຺ເຈວ ນອເຫຕຸກຎ຺ຈ ນກຸສລຎ຺ຈ ນອເຫຕຸກຎ຺ເຈວ ນນ ຈ ເຫຕຸໍ ນກຸສລຎ຺ຈ ຘມ຺ມໍ ປຏິຈ຺ຈ ນເຫຕຸ ເຈວ ນອເຫຕຸໂກ ຈ ນກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ. (ສໍຂິຕ຺ຕໍ.)

ເຫຕຸຍາ ນວ.

໓໗. ນເຫຕຸຎ຺ເຈວ ນອເຫຕຸກຎ຺ຈ ນອກຸສລໍ ຘມ຺ມໍ ປຏິຈ຺ຈ ນເຫຕຸ ເຈວ ນອເຫຕຸໂກ ຈ ນອກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (ສໍຂິຕ຺ຕໍ.)

ເຫຕຸຍາ ນວ.

໓໘. ນເຫຕຸຎ຺ເຈວ ນອເຫຕຸກຎ຺ຈ ນອພ຺ຍາກຕໍ ຘມ຺ມໍ ປຏິຈ຺ຈ ນເຫຕຸ ເຈວ ນອເຫຕຸໂກ ຈ ນອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (ສໍຂິຕ຺ຕໍ.)

ເຫຕຸຍາ ນວ.

(ເຫຕຸເຫຕຸສມ຺ປຍຸຕ຺ຕທຸກໍ ເຫຕຸສເຫຕຸກທຸກສທິສໍ.)