ຘມ຺ມປຈ຺ຈນີເຍ ທຸກປຏ຺ຐານໍ

໑. ເຫຕຸທຸກໍ

໑-໗. ປຏິຈ຺ຈວາຣາທິ

ປຈ຺ຈຍຈຕຸກ຺ກໍ

ເຫຕຸປຈ຺ຈໂຍ

໑. ນເຫຕຸໍ ຘມ຺ມໍ ປຏິຈ຺ຈ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ນເຫຕຸໍ ເອກໍ ຂນ຺ຘໍ ປຏິຈ຺ຈ ຕໂຍ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ…ເປ… ທ຺ເວ ຂນ຺ເຘ ປຏິຈ຺ຈ ທ຺ເວ ຂນ຺ຘາ ຈິຕ຺ຕສມຸຏ຺ຐານຎ຺ຈ ຣູປໍ; ປຏິສນ຺ຘິກ຺ຂເຓ…ເປ… (ຍາວ ມຫາຠູຕາ). ນເຫຕຸໍ ຘມ຺ມໍ ປຏິຈ຺ຈ ນ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ນເຫຕູ ຂນ຺ເຘ ປຏິຈ຺ຈ ເຫຕູ; ປຏິສນ຺ຘິກ຺ຂເຓ…ເປ… ນເຫຕຸໍ ຘມ຺ມໍ ປຏິຈ຺ຈ ນເຫຕຸ ຈ ນ ນເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນ ນເຫຕຸໍ ຘມ຺ມໍ ປຏິຈ຺ຈ ນ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນ ນເຫຕຸໍ ຘມ຺ມໍ ປຏິຈ຺ຈ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນ ນເຫຕຸໍ ຘມ຺ມໍ ປຏິຈ຺ຈ ນເຫຕຸ ຈ ນ ນເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນເຫຕຸຎ຺ຈ ນ ນເຫຕຸຎ຺ຈ ຘມ຺ມໍ ປຏິຈ຺ຈ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸຎ຺ຈ ນ ນເຫຕຸຎ຺ຈ ຘມ຺ມໍ ປຏິຈ຺ຈ ນ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸຎ຺ຈ ນ ນເຫຕຸຎ຺ຈ ຘມ຺ມໍ ປຏິຈ຺ຈ ນເຫຕຸ ຈ ນ ນເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓) (ສໍຂິຕ຺ຕໍ.)

໒. ເຫຕຸຍາ ນວ, ອາຣມ຺ມເຓ ນວ…ເປ… ອວິຄເຕ ນວ.

(ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ ເອວໍ ວິຕ຺ຖາເຣຕພ຺ພໍ.)

ເຫຕຸ-ອາຣມ຺ມຓປຈ຺ຈຍາ

໓. ນ ນເຫຕຸ ຘມ຺ໂມ ນ ນເຫຕຸສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. ນ ນເຫຕຸ ຘມ຺ໂມ ນເຫຕຸສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. ນ ນເຫຕຸ ຘມ຺ໂມ ນເຫຕຸສ຺ສ ຈ ນ ນເຫຕຸສ຺ສ ຈ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໓)

ນເຫຕຸ ຘມ຺ໂມ ນເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ນເຫຕຸ ຘມ຺ໂມ ນ ນເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ນເຫຕຸ ຘມ຺ໂມ ນເຫຕຸສ຺ສ ຈ ນ ນເຫຕຸສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໓)

ນ ນເຫຕຸ ຘມ຺ໂມ ນ ນເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ນ ນເຫຕຸ ຘມ຺ໂມ ນເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ນ ນເຫຕຸ ຘມ຺ໂມ ນເຫຕຸສ຺ສ ຈ ນ ນເຫຕຸສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໓)

ນເຫຕຸ ຈ ນ ນເຫຕຸ ຈ ຘມ຺ມາ ນເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ນເຫຕຸ ຈ ນ ນເຫຕຸ ຈ ຘມ຺ມາ ນ ນເຫຕຸສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ນເຫຕຸ ຈ ນ ນເຫຕຸ ຈ ຘມ຺ມາ ນເຫຕຸສ຺ສ ຈ ນ ນເຫຕຸສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໓) (ສໍຂິຕ຺ຕໍ.)

໔. ເຫຕຸຍາ ຕີຓິ, ອາຣມ຺ມເຓ ນວ…ເປ… ອວິຄເຕ ນວ. (ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ.)

໒. ສເຫຕຸກທຸກໍ

໑-໗. ປຏິຈ຺ຈວາຣາທິ

ປຈ຺ຈຍຈຕຸກ຺ກໍ

ເຫຕຸປຈ຺ຈໂຍ

໕. ນສເຫຕຸກໍ ຘມ຺ມໍ ປຏິຈ຺ຈ ນສເຫຕຸໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ວິຈິກິຈ຺ຉາສຫຄຕໍ ອຸທ຺ຘຈ຺ຈສຫຄຕໍ ໂມຫໍ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ, ເອກໍ ມຫາຠູຕໍ ປຏິຈ຺ຈ ຕໂຍ ມຫາຠູຕາ…ເປ… ທ຺ເວ ມຫາຠູເຕ ປຏິຈ຺ຈ ທ຺ເວ ມຫາຠູຕາ, ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ກຏຕ຺ຕາຣູປໍ ອຸປາທາຣູປໍ. ນສເຫຕຸກໍ ຘມ຺ມໍ ປຏິຈ຺ຈ ນອເຫຕຸໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ວິຈິກິຈ຺ຉາສຫຄຕໍ ອຸທ຺ຘຈ຺ຈສຫຄຕໍ ໂມຫໍ ປຏິຈ຺ຈ ສມ຺ປຍຸຕ຺ຕກາ ຂນ຺ຘາ; ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ສເຫຕຸກາ ຂນ຺ຘາ. ນສເຫຕຸກໍ ຘມ຺ມໍ ປຏິຈ຺ຈ ນສເຫຕຸໂກ ຈ ນອເຫຕຸໂກ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນອເຫຕຸກໍ ຘມ຺ມໍ ປຏິຈ຺ຈ ນອເຫຕຸໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ນສເຫຕຸກຎ຺ຈ ນອເຫຕຸກຎ຺ຈ ຘມ຺ມໍ ປຏິຈ຺ຈ ນສເຫຕຸໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນສເຫຕຸກຎ຺ຈ ນອເຫຕຸກຎ຺ຈ ຘມ຺ມໍ ປຏິຈ຺ຈ ນອເຫຕຸໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນສເຫຕຸກຎ຺ຈ ນອເຫຕຸກຎ຺ຈ ຘມ຺ມໍ ປຏິຈ຺ຈ ນສເຫຕຸໂກ ຈ ນອເຫຕຸໂກ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓) (ສໍຂິຕ຺ຕໍ.)

໖. ເຫຕຸຍາ ນວ, ອາຣມ຺ມເຓ ຉ…ເປ… ອວິຄເຕ ນວ.

(ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ ເອວໍ ວິຕ຺ຖາເຣຕພ຺ພໍ.)

ເຫຕຸ-ອາຣມ຺ມຓປຈ຺ຈຍາ

໗. ນສເຫຕຸໂກ ຘມ຺ໂມ ນສເຫຕຸກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. ນສເຫຕຸໂກ ຘມ຺ໂມ ນອເຫຕຸກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. ນສເຫຕຸໂກ ຘມ຺ໂມ ນສເຫຕຸກສ຺ສ ຈ ນອເຫຕຸກສ຺ສ ຈ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໓)

ນອເຫຕຸໂກ ຘມ຺ໂມ ນອເຫຕຸກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ.

ນສເຫຕຸໂກ ຘມ຺ໂມ ນສເຫຕຸກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ (ສໍຂິຕ຺ຕໍ.)

໘. ເຫຕຸຍາ ຉ, ອາຣມ຺ມເຓ ນວ…ເປ… ອວິຄເຕ ນວ.

(ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ.)

໓. ເຫຕຸສມ຺ປຍຸຕ຺ຕທຸກໍ

໑-໗. ປຏິຈ຺ຈວາຣາທິ

໙. ນເຫຕຸສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນເຫຕຸສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນເຫຕຸວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນເຫຕຸສມ຺ປຍຸຕ຺ໂຕ ຈ ນເຫຕຸວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນເຫຕຸວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ນເຫຕຸວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ນເຫຕຸສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ນເຫຕຸສມ຺ປຍຸຕ຺ໂຕ ຈ ນເຫຕຸວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນເຫຕຸສມ຺ປຍຸຕ຺ຕຎ຺ຈ ນເຫຕຸວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ນເຫຕຸສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ. (ສໍຂິຕ຺ຕໍ.)

໑໐. ເຫຕຸຍາ ນວ, ອາຣມ຺ມເຓ ຉ…ເປ… ອວິຄເຕ ນວ. (ສຫຊາຕວາເຣປິ…ເປ… ປຎ຺ຫາວາເຣປິ ສພ຺ພຕ຺ຖ ວິຕ຺ຖາເຣຕພ຺ພໍ.)

໔. ເຫຕຸສເຫຕຸກທຸກໍ

໑-໗. ປຏິຈ຺ຈວາຣາທິ

໑໑. ນເຫຕຸຎ຺ເຈວ ນອເຫຕຸກຎ຺ຈ ຘມ຺ມໍ ປຏິຈ຺ຈ ນເຫຕຸ ເຈວ ນອເຫຕຸໂກ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸຎ຺ເຈວ ນອເຫຕຸກຎ຺ຈ ຘມ຺ມໍ ປຏິຈ຺ຈ ນອເຫຕຸໂກ ເຈວ ນ ນເຫຕຸ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸຎ຺ເຈວ ນອເຫຕຸກຎ຺ຈ ຘມ຺ມໍ ປຏິຈ຺ຈ ນເຫຕຸ ເຈວ ນອເຫຕຸໂກ ຈ ນອເຫຕຸໂກ ເຈວ ນ ນເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນອເຫຕຸກຎ຺ເຈວ ນ ນເຫຕຸຎ຺ຈ ຘມ຺ມໍ ປຏິຈ຺ຈ ນອເຫຕຸໂກ ເຈວ ນ ນເຫຕຸ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອເຫຕຸກຎ຺ເຈວ ນ ນເຫຕຸຎ຺ຈ ຘມ຺ມໍ ປຏິຈ຺ຈ ນເຫຕຸ ເຈວ ນອເຫຕຸໂກ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອເຫຕຸກຎ຺ເຈວ ນ ນເຫຕຸຎ຺ຈ ຘມ຺ມໍ ປຏິຈ຺ຈ ນເຫຕຸ ເຈວ ນອເຫຕຸໂກ ຈ ນອເຫຕຸໂກ ເຈວ ນ ນເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນເຫຕຸຎ຺ເຈວ ນອເຫຕຸກຎ຺ຈ ນອເຫຕຸກຎ຺ເຈວ ນ ນເຫຕຸຎ຺ຈ ຘມ຺ມໍ ປຏິຈ຺ຈ ນເຫຕຸ ເຈວ ນອເຫຕຸໂກ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ. (ສໍຂິຕ຺ຕໍ.)

ເຫຕຸຍາ ນວ, ອາຣມ຺ມເຓ ນວ…ເປ… ອວິຄເຕ ນວ.

(ສຫຊາຕວາເຣປິ…ເປ… ປຎ຺ຫາວາເຣປິ ສພ຺ພຕ຺ຖ ວິຕ຺ຖາໂຣ.)

໕. ເຫຕຸເຫຕຸສມ຺ປຍຸຕ຺ຕທຸກໍ

໑-໗. ປຏິຈ຺ຈວາຣາທິ

໑໒. ນເຫຕຸຎ຺ເຈວ ນເຫຕຸວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ນເຫຕຸ ເຈວ ນເຫຕຸວິປ຺ປຍຸຕ຺ໂຕ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸຎ຺ເຈວ ນເຫຕຸວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ນເຫຕຸວິປ຺ປຍຸຕ຺ໂຕ ເຈວ ນ ນເຫຕຸ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸຎ຺ເຈວ ນເຫຕຸວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ນເຫຕຸ ເຈວ ນເຫຕຸວິປ຺ປຍຸຕ຺ໂຕ ຈ ນເຫຕຸວິປ຺ປຍຸຕ຺ໂຕ ເຈວ ນ ນເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນເຫຕຸວິປ຺ປຍຸຕ຺ຕຎ຺ເຈວ ນ ນເຫຕຸຎ຺ຈ ຘມ຺ມໍ ປຏິຈ຺ຈ ນເຫຕຸວິປ຺ປຍຸຕ຺ໂຕ ເຈວ ນ ນເຫຕຸ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸວິປ຺ປຍຸຕ຺ຕຎ຺ເຈວ ນ ນເຫຕຸຎ຺ຈ ຘມ຺ມໍ ປຏິຈ຺ຈ ນເຫຕຸ ເຈວ ນເຫຕຸວິປ຺ປຍຸຕ຺ໂຕ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸວິປ຺ປຍຸຕ຺ຕຎ຺ເຈວ ນ ນເຫຕຸຎ຺ຈ ຘມ຺ມໍ ປຏິຈ຺ຈ ນເຫຕຸ ເຈວ ນເຫຕຸວິປ຺ປຍຸຕ຺ໂຕ ຈ ນເຫຕຸວິປ຺ປຍຸຕ຺ໂຕ ເຈວ ນ ນເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນເຫຕຸຎ຺ເຈວ ນເຫຕຸວິປ຺ປຍຸຕ຺ຕຎ຺ຈ ນເຫຕຸວິປ຺ປຍຸຕ຺ຕຎ຺ເຈວ ນ ນເຫຕຸຎ຺ຈ ຘມ຺ມໍ ປຏິຈ຺ຈ ນເຫຕຸ ເຈວ ນເຫຕຸວິປ຺ປຍຸຕ຺ໂຕ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ. (ສໍຂິຕ຺ຕໍ.)

ເຫຕຸຍາ ນວ…ເປ… ອວິຄເຕ ນວ. (ສພ຺ພຕ຺ຖ ວິຕ຺ຖາໂຣ.)

໖. ນເຫຕຸສເຫຕຸກທຸກໍ

໑-໗. ປຏິຈ຺ຈວາຣາທິ

໑໓. ນເຫຕຸໍ ນສເຫຕຸກໍ ຘມ຺ມໍ ປຏິຈ຺ຈ ນເຫຕຸ ນສເຫຕຸໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ເອກໍ ມຫາຠູຕໍ ປຏິຈ຺ຈ ຕໂຍ ມຫາຠູຕາ…ເປ…. ນເຫຕຸໍ ນສເຫຕຸກໍ ຘມ຺ມໍ ປຏິຈ຺ຈ ນເຫຕຸ ນອເຫຕຸໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ – ປຏິສນ຺ຘິກ຺ຂເຓ ວຕ຺ຖຸໍ ປຏິຈ຺ຈ ນເຫຕຸສເຫຕຸກາ ຂນ຺ຘາ. ນເຫຕຸໍ ນສເຫຕຸກໍ ຘມ຺ມໍ ປຏິຈ຺ຈ ນເຫຕຸ ນສເຫຕຸໂກ ຈ ນເຫຕຸ ນອເຫຕຸໂກ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນເຫຕຸໍ ນອເຫຕຸກໍ ຘມ຺ມໍ ປຏິຈ຺ຈ ນເຫຕຸ ນອເຫຕຸໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸໍ ນອເຫຕຸກໍ ຘມ຺ມໍ ປຏິຈ຺ຈ ນເຫຕຸ ນສເຫຕຸໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸໍ ນອເຫຕຸກໍ ຘມ຺ມໍ ປຏິຈ຺ຈ ນເຫຕຸ ນສເຫຕຸໂກ ຈ ນເຫຕຸ ນອເຫຕຸໂກ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນເຫຕຸໍ ນສເຫຕຸກຎ຺ຈ ນເຫຕຸໍ ນອເຫຕຸກຎ຺ຈ ຘມ຺ມໍ ປຏິຈ຺ຈ ນເຫຕຸ ນສເຫຕຸໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸໍ ນສເຫຕຸກຎ຺ຈ ນເຫຕຸໍ ນອເຫຕຸກຎ຺ຈ ຘມ຺ມໍ ປຏິຈ຺ຈ ນເຫຕຸ ນອເຫຕຸໂກ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເຫຕຸໍ ນສເຫຕຸກຎ຺ຈ ນເຫຕຸໍ ນອເຫຕຸກຎ຺ຈ ຘມ຺ມໍ ປຏິຈ຺ຈ ນເຫຕຸ ນສເຫຕຸໂກ ຈ ນເຫຕຸ ນອເຫຕຸໂກ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓) (ສໍຂິຕ຺ຕໍ.)

໑໔. ເຫຕຸຍາ ນວ, ອາຣມ຺ມເຓ ຈຕ຺ຕາຣິ…ເປ… ອວິຄເຕ ນວ.

(ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ.)

ອາຣມ຺ມຓປຈ຺ຈໂຍ

໑໕. ນເຫຕຸ ນສເຫຕຸໂກ ຘມ຺ໂມ ນເຫຕຸສ຺ສ ນສເຫຕຸກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ນເຫຕຸ ນສເຫຕຸໂກ ຘມ຺ໂມ ນເຫຕຸສ຺ສ ນອເຫຕຸກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໒)

ນເຫຕຸ ນອເຫຕຸໂກ ຘມ຺ໂມ ນເຫຕຸສ຺ສ ນອເຫຕຸກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ນເຫຕຸ ນອເຫຕຸໂກ ຘມ຺ໂມ ນເຫຕຸສ຺ສ ນສເຫຕຸກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໒) (ສໍຂິຕ຺ຕໍ.)

໑໖. ອາຣມ຺ມເຓ ຈຕ຺ຕາຣິ…ເປ… ອວິຄເຕ ສຕ຺ຕ.

ເຫຕຸໂຄຈ຺ຉກໍ ນິຏ຺ຐິຕໍ.

໗. ສປ຺ປຈ຺ຈຍທຸກໍ

໑-໗. ປຏິຈ຺ຈວາຣາທິ

໑໗. ນອປ຺ປຈ຺ຈຍໍ ຘມ຺ມໍ ປຏິຈ຺ຈ ນອປ຺ປຈ຺ຈໂຍ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ.

ເຫຕຸຍາ ເອກໍ. (ສພ຺ພຕ຺ຖ ວິຕ຺ຖາໂຣ.)

໑໘. ນອປ຺ປຈ຺ຈໂຍ ຘມ຺ໂມ ນອປ຺ປຈ຺ຈຍສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ.

ນສປ຺ປຈ຺ຈໂຍ ຘມ຺ໂມ ນອປ຺ປຈ຺ຈຍສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (ສໍຂິຕ຺ຕໍ.)

ເຫຕຸຍາ ເອກໍ, ອາຣມ຺ມເຓ ທ຺ເວ. (ສພ຺ພຕ຺ຖ ວິຕ຺ຖາໂຣ.)

໘. ສງ຺ຂຕທຸກໍ

໑-໗. ປຏິຈ຺ຈວາຣາທິ

໑໙. ນອສງ຺ຂຕໍ ຘມ຺ມໍ ປຏິຈ຺ຈ ນອສງ຺ຂໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸຍາ ເອກໍ. (ສປ຺ປຈ຺ຈຍທຸກສທິສໍ.)

໙. ສນິທສ຺ສນທຸກໍ

໑-໗. ປຏິຈ຺ຈວາຣາທິ

໒໐. ນສນິທສ຺ສນໍ ຘມ຺ມໍ ປຏິຈ຺ຈ ນສນິທສ຺ສໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນສນິທສ຺ສນໍ ຘມ຺ມໍ ປຏິຈ຺ຈ ນອນິທສ຺ສໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນສນິທສ຺ສນໍ ຘມ຺ມໍ ປຏິຈ຺ຈ ນສນິທສ຺ສໂນ ຈ ນອນິທສ຺ສໂນ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓) (ສໍຂິຕ຺ຕໍ.)

ເຫຕຸຍາ ຕີຓິ.

໑໐. ສປ຺ປຏິຆທຸກໍ

໑-໗. ປຏິຈ຺ຈວາຣາທິ

໒໑. ນສປ຺ປຏິຆໍ ຘມ຺ມໍ ປຏິຈ຺ຈ ນສປ຺ປຏິໂຆ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນສປ຺ປຏິຆໍ ຘມ຺ມໍ ປຏິຈ຺ຈ ນອປ຺ປຏິໂຆ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນສປ຺ປຏິຆໍ ຘມ຺ມໍ ປຏິຈ຺ຈ ນສປ຺ປຏິໂຆ ຈ ນອປ຺ປຏິໂຆ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນອປ຺ປຏິຆໍ ຘມ຺ມໍ ປຏິຈ຺ຈ ນອປ຺ປຏິໂຆ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ນສປ຺ປຏິຆຎ຺ຈ ນອປ຺ປຏິຆຎ຺ຈ ຘມ຺ມໍ ປຏິຈ຺ຈ ນສປ຺ປຏິໂຆ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ. (ສໍຂິຕ຺ຕໍ.)

ເຫຕຸຍາ ນວ, ອາຣມ຺ມເຓ ເອກໍ.

(ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ.)

໒໒. ນສປ຺ປຏິໂຆ ຘມ຺ໂມ ນສປ຺ປຏິຆສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. ນສປ຺ປຏິໂຆ ຘມ຺ໂມ ນອປ຺ປຏິຆສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. ນສປ຺ປຏິໂຆ ຘມ຺ໂມ ນສປ຺ປຏິຆສ຺ສ ຈ ນອປ຺ປຏິຆສ຺ສ ຈ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໓)

ນສປ຺ປຏິໂຆ ຘມ຺ໂມ ນສປ຺ປຏິຆສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ນອປ຺ປຏິໂຆ ຘມ຺ໂມ ນສປ຺ປຏິຆສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໒) (ສໍຂິຕ຺ຕໍ.)

໒໓. ເຫຕຸຍາ ຕີຓິ, ອາຣມ຺ມເຓ ທ຺ເວ, ອຘິປຕິຍາ ຈຕ຺ຕາຣິ…ເປ… ອວິຄເຕ ນວ.

໑໑. ຣູປີທຸກໍ

໑-໗. ປຏິຈ຺ຈວາຣາທິ

໒໔. ນຣູປິໍ ຘມ຺ມໍ ປຏິຈ຺ຈ ນຣູປີ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນຣູປິໍ ຘມ຺ມໍ ປຏິຈ຺ຈ ນອຣູປີ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນຣູປິໍ ຘມ຺ມໍ ປຏິຈ຺ຈ ນຣູປີ ຈ ນອຣູປີ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນອຣູປິໍ ຘມ຺ມໍ ປຏິຈ຺ຈ ນອຣູປີ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອຣູປິໍ ຘມ຺ມໍ ປຏິຈ຺ຈ ນຣູປີ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອຣູປິໍ ຘມ຺ມໍ ປຏິຈ຺ຈ ນຣູປີ ຈ ນອຣູປີ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນຣູປິຎ຺ຈ ນອຣູປິຎ຺ຈ ຘມ຺ມໍ ປຏິຈ຺ຈ ນຣູປີ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນຣູປິຎ຺ຈ ນອຣູປິຎ຺ຈ ຘມ຺ມໍ ປຏິຈ຺ຈ ນອຣູປີ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນຣູປິຎ຺ຈ ນອຣູປິຎ຺ຈ ຘມ຺ມໍ ປຏິຈ຺ຈ ນຣູປີ ຈ ນອຣູປີ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓) (ສໍຂິຕ຺ຕໍ.)

໒໕. ເຫຕຸຍາ ນວ, ອາຣມ຺ມເຓ ຕີຓິ…ເປ… ອວິຄເຕ ນວ.

(ສຫຊາຕວາເຣປິ…ເປ… ປຎ຺ຫາວາເຣປິ ສພ຺ພຕ຺ຖ ວິຕ຺ຖາໂຣ.)

໑໒. ໂລກິຍທຸກໍ

໑-໗. ປຏິຈ຺ຈວາຣາທິ

໒໖. ນໂລກິຍໍ ຘມ຺ມໍ ປຏິຈ຺ຈ ນໂລກິໂຍ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນໂລກິຍໍ ຘມ຺ມໍ ປຏິຈ຺ຈ ນໂລກຸຕ຺ຕໂຣ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນໂລກິຍໍ ຘມ຺ມໍ ປຏິຈ຺ຈ ນໂລກິໂຍ ຈ ນໂລກຸຕ຺ຕໂຣ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນໂລກຸຕ຺ຕຣໍ ຘມ຺ມໍ ປຏິຈ຺ຈ ນໂລກຸຕ຺ຕໂຣ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ.

ນໂລກິຍຎ຺ຈ ນໂລກຸຕ຺ຕຣຎ຺ຈ ຘມ຺ມໍ ປຏິຈ຺ຈ ນໂລກຸຕ຺ຕໂຣ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໒) (ສໍຂິຕ຺ຕໍ.)

ເຫຕຸຍາ ປຎ຺ຈ, ອາຣມ຺ມເຓ ທ຺ເວ…ເປ… ອວິຄເຕ ປຎ຺ຈ. (ສພ຺ພຕ຺ຖ ວິຕ຺ຖາໂຣ.)

໑໓. ເກນຈິວິຎ຺ເຎຍ຺ຍທຸກໍ

໑-໗. ປຏິຈ຺ຈວາຣາທິ

໒໗. ນເກນຈິ ວິຎ຺ເຎຍ຺ຍໍ ຘມ຺ມໍ ປຏິຈ຺ຈ ນເກນຈິ ວິຎ຺ເຎຍ຺ໂຍ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເກນຈິ ວິຎ຺ເຎຍ຺ຍໍ ຘມ຺ມໍ ປຏິຈ຺ຈ ນນເກນຈິ ວິຎ຺ເຎຍ຺ໂຍ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນເກນຈິ ວິຎ຺ເຎຍ຺ຍໍ ຘມ຺ມໍ ປຏິຈ຺ຈ ນເກນຈິ ວິຎ຺ເຎຍ຺ໂຍ ຈ ນນເກນຈິ ວິຎ຺ເຎຍ຺ໂຍ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນນເກນຈິ ວິຎ຺ເຎຍ຺ຍໍ ຘມ຺ມໍ ປຏິຈ຺ຈ ນນເກນຈິ ວິຎ຺ເຎຍ຺ໂຍ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ນເກນຈິ ວິຎ຺ເຎຍ຺ຍຎ຺ຈ ນນເກນຈິ ວິຎ຺ເຎຍ຺ຍຎ຺ຈ ຘມ຺ມໍ ປຏິຈ຺ຈ ນເກນຈິ ວິຎ຺ເຎຍ຺ໂຍ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ. (ສໍຂິຕ຺ຕໍ.)

ເຫຕຸຍາ ນວ…ເປ… ອວິຄເຕ ນວ. (ສພ຺ພຕ຺ຖ ວິຕ຺ຖາໂຣ.)

ຈູຬນ຺ຕຣທຸກໍ ນິຏ຺ຐິຕໍ.

໑໔. ອາສວທຸກໍ

໑-໗. ປຏິຈ຺ຈວາຣາທິ

໒໘. ໂນອາສວໍ ຘມ຺ມໍ ປຏິຈ຺ຈ ໂນອາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ໂນອາສວໍ ຘມ຺ມໍ ປຏິຈ຺ຈ ນໂນອາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ໂນອາສວໍ ຘມ຺ມໍ ປຏິຈ຺ຈ ໂນອາສໂວ ຈ ນໂນອາສໂວ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນໂນອາສວໍ ຘມ຺ມໍ ປຏິຈ຺ຈ ນໂນອາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ໂນອາສວຎ຺ຈ ນໂນອາສວຎ຺ຈ ຘມ຺ມໍ ປຏິຈ຺ຈ ໂນອາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ໂນອາສວຎ຺ຈ ນໂນອາສວຎ຺ຈ ຘມ຺ມໍ ປຏິຈ຺ຈ ນໂນອາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ໂນອາສວຎ຺ຈ ນໂນອາສວຎ຺ຈ ຘມ຺ມໍ ປຏິຈ຺ຈ ໂນອາສໂວ ຈ ນໂນອາສໂວ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓) (ສໍຂິຕ຺ຕໍ.)

ເຫຕຸຍາ ນວ, ອາຣມ຺ມເຓ ນວ…ເປ… ອວິຄເຕ ນວ (ສພ຺ພຕ຺ຖ ວິຕ຺ຖາໂຣ).

໑໕. ສາສວທຸກໍ

໑-໗. ປຏິຈ຺ຈວາຣາທິ

໒໙. ນສາສວໍ ຘມ຺ມໍ ປຏິຈ຺ຈ ນສາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນສາສວໍ ຘມ຺ມໍ ປຏິຈ຺ຈ ນອນາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນສາສວໍ ຘມ຺ມໍ ປຏິຈ຺ຈ ນສາສໂວ ຈ ນອນາສໂວ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນອນາສວໍ ຘມ຺ມໍ ປຏິຈ຺ຈ ນອນາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ນສາສວຎ຺ຈ ນອນາສວຎ຺ຈ ຘມ຺ມໍ ປຏິຈ຺ຈ ນອນາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

ເຫຕຸຍາ ປຎ຺ຈ, ອາຣມ຺ມເຓ ທ຺ເວ…ເປ… ອວິຄເຕ ປຎ຺ຈ (ສພ຺ພຕ຺ຖ ວິຕ຺ຖາໂຣ).

໑໖. ອາສວສມ຺ປຍຸຕ຺ຕທຸກໍ

໑-໗. ປຏິຈ຺ຈວາຣາທິ

໓໐. ນອາສວສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນອາສວສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອາສວສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນອາສວວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອາສວສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນອາສວສມ຺ປຍຸຕ຺ໂຕ ຈ ນອາສວວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນອາສວວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ນອາສວວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອາສວວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ນອາສວສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອາສວວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ນອາສວສມ຺ປຍຸຕ຺ໂຕ ຈ ນອາສວວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນອາສວສມ຺ປຍຸຕ຺ຕຎ຺ຈ ນອາສວວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ນອາສວສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອາສວສມ຺ປຍຸຕ຺ຕຎ຺ຈ ນອາສວວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ນອາສວວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອາສວສມ຺ປຍຸຕ຺ຕຎ຺ຈ ນອາສວວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ນອາສວສມ຺ປຍຸຕ຺ໂຕ ຈ ນອາສວວິປ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓) (ສໍຂິຕ຺ຕໍ.)

ເຫຕຸຍາ ນວ, ອາຣມ຺ມເຓ ຉ…ເປ… ອວິຄເຕ ນວ. (ສພ຺ພຕ຺ຖ ວິຕ຺ຖາໂຣ.)

໑໗. ອາສວສາສວທຸກໍ

໑-໗. ປຏິຈ຺ຈວາຣາທິ

໓໑. ນອາສວຎ຺ເຈວ ນອນາສວຎ຺ຈ ຘມ຺ມໍ ປຏິຈ຺ຈ ນອາສໂວ ເຈວ ນອນາສໂວ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອາສວຎ຺ເຈວ ນອນາສວຎ຺ຈ ຘມ຺ມໍ ປຏິຈ຺ຈ ນອນາສໂວ ເຈວ ນໂນ ຈ ອາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອາສວຎ຺ເຈວ ນອນາສວຎ຺ຈ ຘມ຺ມໍ ປຏິຈ຺ຈ ໂນອາສໂວ ເຈວ ນອນາສໂວ ຈ ນອນາສໂວ ເຈວ ນໂນ ຈ ອາສໂວ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນອນາສວຎ຺ເຈວ ນໂນ ຈ ອາສວໍ ຘມ຺ມໍ ປຏິຈ຺ຈ ນອນາສໂວ ເຈວ ນໂນ ຈ ອາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອນາສວຎ຺ເຈວ ນໂນ ຈ ອາສວໍ ຘມ຺ມໍ ປຏິຈ຺ຈ ນອາສໂວ ເຈວ ນອນາສໂວ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອນາສວຎ຺ເຈວ ນໂນ ຈ ອາສວໍ ຘມ຺ມໍ ປຏິຈ຺ຈ ນອາສໂວ ເຈວ ນອນາສໂວ ຈ ນອນາສໂວ ເຈວ ນໂນ ຈ ອາສໂວ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນອາສວຎ຺ເຈວ ນອນາສວຎ຺ຈ ນອນາສວຎ຺ເຈວ ນໂນອາສວຎ຺ຈ ຘມ຺ມໍ ປຏິຈ຺ຈ ນອາສໂວ ເຈວ ນອນາສໂວ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອາສວຎ຺ເຈວ ນອນາສວຎ຺ຈ ນອນາສວຎ຺ເຈວ ນໂນ ຈ ອາສວໍ ຘມ຺ມໍ ປຏິຈ຺ຈ ນອນາສໂວ ເຈວ ນໂນ ຈ ອາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອາສວຎ຺ເຈວ ນອນາສວຎ຺ຈ ນອນາສວຎ຺ເຈວ ນໂນອາສວຎ຺ຈ ຘມ຺ມໍ ປຏິຈ຺ຈ ນອາສໂວ ເຈວ ນອນາສໂວ ຈ ນອນາສໂວ ເຈວ ນໂນ ຈ ອາສໂວ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓) (ສໍຂິຕ຺ຕໍ.)

ເຫຕຸຍາ ນວ, ອາຣມ຺ມເຓ ນວ…ເປ… ອວິຄເຕ ນວ (ສພ຺ພຕ຺ຖ ວິຕ຺ຖາໂຣ).

໑໘. ອາສວອາສວສມ຺ປຍຸຕ຺ຕທຸກໍ

໑-໗. ປຏິຈ຺ຈວາຣາທິ

໓໒. ນອາສວຎ຺ເຈວ ນອາສວວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ນອາສໂວ ເຈວ ນອາສວວິປ຺ປຍຸຕ຺ໂຕ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອາສວຎ຺ເຈວ ນອາສວວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ນອາສວວິປ຺ປຍຸຕ຺ໂຕ ເຈວ ນໂນ ຈ ອາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອາສວຎ຺ເຈວ ນອາສວວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ນອາສໂວ ເຈວ ນອາສວວິປ຺ປຍຸຕ຺ໂຕ ຈ ນອາສວວິປ຺ປຍຸຕ຺ໂຕ ເຈວ ນໂນອາສໂວ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນອາສວວິປ຺ປຍຸຕ຺ຕຎ຺ເຈວ ນໂນອາສວຎ຺ຈ ຘມ຺ມໍ ປຏິຈ຺ຈ ນອາສວວິປ຺ປຍຸຕ຺ໂຕ ເຈວ ນໂນອາສໂວ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອາສວວິປ຺ປຍຸຕ຺ຕຎ຺ເຈວ ນໂນອາສວຎ຺ຈ ຘມ຺ມໍ ປຏິຈ຺ຈ ນອາສໂວ ເຈວ ນອາສວວິປ຺ປຍຸຕ຺ໂຕ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອາສວວິປ຺ປຍຸຕ຺ຕຎ຺ເຈວ ນໂນ ຈ ອາສວໍ ຘມ຺ມໍ ປຏິຈ຺ຈ ນອາສໂວ ເຈວ ນອາສວວິປ຺ປຍຸຕ຺ໂຕ ຈ ນອາສວວິປ຺ປຍຸຕ຺ໂຕ ເຈວ ນໂນ ຈ ອາສໂວ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນອາສວຎ຺ເຈວ ນອາສວວິປ຺ປຍຸຕ຺ຕຎ຺ຈ ນອາສວວິປ຺ປຍຸຕ຺ຕຎ຺ເຈວ ນໂນອາສວຎ຺ຈ ຘມ຺ມໍ ປຏິຈ຺ຈ ນອາສໂວ ເຈວ ນອາສວວິປ຺ປຍຸຕ຺ໂຕ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອາສວຎ຺ເຈວ ນອາສວວິປ຺ປຍຸຕ຺ຕຎ຺ຈ ນອາສວວິປ຺ປຍຸຕ຺ຕຎ຺ເຈວ ນໂນ ຈ ອາສວຎ຺ຈ ຘມ຺ມໍ ປຏິຈ຺ຈ ນອາສວວິປ຺ປຍຸຕ຺ໂຕ ເຈວ ນໂນ ຈ ອາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອາສວຎ຺ເຈວ ນອາສວວິປ຺ປຍຸຕ຺ຕຎ຺ຈ ນອາສວວິປ຺ປຍຸຕ຺ຕຎ຺ເຈວ ນໂນ ຈ ອາສວຎ຺ຈ ຘມ຺ມໍ ປຏິຈ຺ຈ ນອາສໂວ ເຈວ ນອາສວວິປ຺ປຍຸຕ຺ໂຕ ຈ ນອາສວວິປ຺ປຍຸຕ຺ໂຕ ເຈວ ນໂນ ຈ ອາສໂວ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓) (ສໍຂິຕ຺ຕໍ.)

ເຫຕຸຍາ ນວ, ອາຣມ຺ມເຓ ນວ…ເປ… ອວິຄເຕ ນວ. (ສພ຺ພຕ຺ຖ ວິຕ຺ຖາໂຣ.)

໑໙. ອາສວວິປ຺ປຍຸຕ຺ຕສາສວທຸກໍ

໑-໗. ປຏິຈ຺ຈວາຣາທິ

໓໓. ອາສວວິປ຺ປຍຸຕ຺ຕໍ ນສາສວໍ ຘມ຺ມໍ ປຏິຈ຺ຈ ອາສວວິປ຺ປຍຸຕ຺ໂຕ ນສາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ອາສວວິປ຺ປຍຸຕ຺ຕໍ ນສາສວໍ ຘມ຺ມໍ ປຏິຈ຺ຈ ອາສວວິປ຺ປຍຸຕ຺ໂຕ ນອນາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ອາສວວິປ຺ປຍຸຕ຺ຕໍ ນສາສວໍ ຘມ຺ມໍ ປຏິຈ຺ຈ ອາສວວິປ຺ປຍຸຕ຺ໂຕ ນສາສໂວ ຈ ອາສວວິປ຺ປຍຸຕ຺ໂຕ ນອນາສໂວ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ອາສວວິປ຺ປຍຸຕ຺ຕໍ ນອນາສວໍ ຘມ຺ມໍ ປຏິຈ຺ຈ ອາສວວິປ຺ປຍຸຕ຺ໂຕ ນອນາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ອາສວວິປ຺ປຍຸຕ຺ຕໍ ນສາສວຎ຺ຈ ອາສວວິປ຺ປຍຸຕ຺ຕໍ ນອນາສວຎ຺ຈ ຘມ຺ມໍ ປຏິຈ຺ຈ ອາສວວິປ຺ປຍຸຕ຺ໂຕ ນອນາສໂວ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (ສໍຂິຕ຺ຕໍ.)

ເຫຕຸຍາ ປຎ຺ຈ, ອາຣມ຺ມເຓ ທ຺ເວ…ເປ… ອວິຄເຕ ປຎ຺ຈ. (ສພ຺ພຕ຺ຖ ວິຕ຺ຖາໂຣ.)

ອາສວໂຄຈ຺ຉກໍ ນິຏ຺ຐິຕໍ.

໒໐. ສຎ຺ໂຎຊນທຸກໍ

໓໔. ໂນສຎ຺ໂຎຊນໍ ຘມ຺ມໍ ປຏິຈ຺ຈ ໂນສຎ຺ໂຎຊໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ໂນສຎ຺ໂຎຊນໍ ຘມ຺ມໍ ປຏິຈ຺ຈ ນໂນສຎ຺ໂຎຊໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ໂນສຎ຺ໂຎຊນໍ ຘມ຺ມໍ ປຏິຈ຺ຈ ໂນສຎ຺ໂຎຊໂນ ຈ ນໂນສຎ຺ໂຎຊໂນ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນໂນສຎ຺ໂຎຊນໍ ຘມ຺ມໍ ປຏິຈ຺ຈ ນໂນສຎ຺ໂຎຊໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນໂນສຎ຺ໂຎຊນໍ ຘມ຺ມໍ ປຏິຈ຺ຈ ໂນສຎ຺ໂຎຊໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນໂນສຎ຺ໂຎຊນໍ ຘມ຺ມໍ ປຏິຈ຺ຈ ໂນສຎ຺ໂຎຊໂນ ຈ ນໂນສຎ຺ໂຎຊໂນ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ໂນສຎ຺ໂຎຊນຎ຺ຈ ນໂນສຎ຺ໂຎຊນຎ຺ຈ ຘມ຺ມໍ ປຏິຈ຺ຈ ໂນສຎ຺ໂຎຊໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ໂນສຎ຺ໂຎຊນຎ຺ຈ ນໂນສຎ຺ໂຎຊນຎ຺ຈ ຘມ຺ມໍ ປຏິຈ຺ຈ ນໂນສຎ຺ໂຎຊໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ໂນສຎ຺ໂຎຊນຎ຺ຈ ນໂນສຎ຺ໂຎຊນຎ຺ຈ ຘມ຺ມໍ ປຏິຈ຺ຈ ໂນສຎ຺ໂຎຊໂນ ຈ ນໂນສຎ຺ໂຎຊໂນ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓) (ສໍຂິຕ຺ຕໍ.)

ເຫຕຸຍາ ນວ, ອາຣມ຺ມເຓ ນວ…ເປ… ອວິຄເຕ ນວ. (ສພ຺ພຕ຺ຖ ວິຕ຺ຖາໂຣ.)

໒໑. ສຎ຺ໂຎຊນິຍທຸກໍ

໓໕. ນສຎ຺ໂຎຊນິຍໍ ຘມ຺ມໍ ປຏິຈ຺ຈ ນສຎ຺ໂຎຊນິໂຍ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນສຎ຺ໂຎຊນິຍໍ ຘມ຺ມໍ ປຏິຈ຺ຈ ນອສຎ຺ໂຎຊນິໂຍ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນສຎ຺ໂຎຊນິຍໍ ຘມ຺ມໍ ປຏິຈ຺ຈ ນສຎ຺ໂຎຊນິໂຍ ຈ ນອສຎ຺ໂຎຊນິໂຍ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)