໑໐໐-໗. ສຣຓທຸກ-ຈູຬນ຺ຕຣທຸກໍ

໖໗. ນສຣໂຓ ນສປ຺ປຈ຺ຈໂຍ ຘມ຺ໂມ ອຣຓສ຺ສ ສປ຺ປຈ຺ຈຍສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ອາຣມ຺ມເຓ ເອກໍ.

໖໘. ນສຣໂຓ ນສງ຺ຂໂຕ ຘມ຺ໂມ… (ສໍຂິຕ຺ຕໍ).

໖໙. ນສຣຓໍ ນສນິທສ຺ສນໍ ຘມ຺ມໍ ປຏິຈ຺ຈ ອຣໂຓ ສນິທສ຺ສໂນ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ເຫຕຸຍາ ຕີຓິ.

ນສຣໂຓ ນອນິທສ຺ສໂນ ຘມ຺ໂມ ສຣຓສ຺ສ ອນິທສ຺ສນສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ນສຣໂຓ ນອນິທສ຺ສໂນ ຘມ຺ໂມ ອຣຓສ຺ສ ອນິທສ຺ສນສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ອາຣມ຺ມເຓ ທ຺ເວ.

໗໐. ນສຣຓໍ ນສປ຺ປຏິຆໍ ຘມ຺ມໍ ປຏິຈ຺ຈ ອຣໂຓ ສປ຺ປຏິໂຆ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ເຫຕຸຍາ ຕີຓິ.

໗໑. ນສຣຓໍ ນຣູປິໍ ຘມ຺ມໍ ປຏິຈ຺ຈ ອຣໂຓ ຣູປີ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອຣຓໍ ນຣູປິໍ ຘມ຺ມໍ ປຏິຈ຺ຈ ອຣໂຓ ຣູປີ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸຍາ ທ຺ເວ.

ນສຣຓໍ ນອຣູປິໍ ຘມ຺ມໍ ປຈ຺ຈຍາ ສຣໂຓ ອຣູປີ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນສຣຓໍ ນອຣູປິໍ ຘມ຺ມໍ ປຈ຺ຈຍາ ອຣໂຓ ອຣູປີ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸຍາ ທ຺ເວ.

໗໒. ນສຣຓໍ ນໂລກິຍໍ ຘມ຺ມໍ ປຏິຈ຺ຈ ອຣໂຓ ໂລກິໂຍ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸຍາ ເອກໍ.

ນສຣຓໍ ນໂລກຸຕ຺ຕຣໍ ຘມ຺ມໍ ປຈ຺ຈຍາ ອຣໂຓ ໂລກຸຕ຺ຕໂຣ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸຍາ ເອກໍ.

໗໓. ນສຣຓໍ ນເກນຈິ ວິຎ຺ເຎຍ຺ຍໍ ຘມ຺ມໍ ປຏິຈ຺ຈ ອຣໂຓ ເກນຈິ ວິຎ຺ເຎຍ຺ໂຍ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ເຫຕຸຍາ ປຎ຺ຈ.

ນສຣຓໍ ນເກນຈິ ນວິຎ຺ເຎຍ຺ຍໍ ຘມ຺ມໍ ປຏິຈ຺ຈ ອຣໂຓ ເກນຈິ ນວິຎ຺ເຎຍ຺ໂຍ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ເຫຕຸຍາ ປຎ຺ຈ.