໗-໑໓-໑. ຈູຬນ຺ຕຣທຸການິ-ເຫຕຸທຸກໍ

໕໒. ນອປ຺ປຈ຺ຈຍໍ ນເຫຕຸໍ ຘມ຺ມໍ ປຏິຈ຺ຈ ສປ຺ປຈ຺ຈໂຍ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸຍາ ເອກໍ.

ນອປ຺ປຈ຺ຈຍໍ ນນເຫຕຸໍ ຘມ຺ມໍ ປຏິຈ຺ຈ ສປ຺ປຈ຺ຈໂຍ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸຍາ ເອກໍ. (ສງ຺ຂຕໍ ສປ຺ປຈ຺ຈຍສທິສໍ.)

໕໓. ນສນິທສ຺ສນໍ ນເຫຕຸໍ ຘມ຺ມໍ ປຏິຈ຺ຈ ອນິທສ຺ສໂນ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸຍາ ເອກໍ.

ນສນິທສ຺ສນໍ ນນເຫຕຸໍ ຘມ຺ມໍ ປຏິຈ຺ຈ ສນິທສ຺ສໂນ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸຍາ ຕີຓິ.

໕໔. ນສປ຺ປຏິຆໍ ນເຫຕຸໍ ຘມ຺ມໍ ປຏິຈ຺ຈ ອປ຺ປຏິໂຆ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸຍາ ເອກໍ.

ນສປ຺ປຏິຆໍ ນນເຫຕຸໍ ຘມ຺ມໍ ປຏິຈ຺ຈ ສປ຺ປຏິໂຆ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ເຫຕຸຍາ ຕີຓິ.

໕໕. ນຣູປິໍ ນເຫຕຸໍ ຘມ຺ມໍ ປຏິຈ຺ຈ ອຣູປີ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ເຫຕຸຍາ ຕີຓິ.

ນຣູປິໍ ນນເຫຕຸໍ ຘມ຺ມໍ ປຏິຈ຺ຈ ອຣູປີ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຄຓິຕເກນ ຕີຓິ.

໕໖. ນໂລກິຍໍ ນເຫຕຸໍ ຘມ຺ມໍ ປຏິຈ຺ຈ ໂລກຸຕ຺ຕໂຣ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເອກໍ.

ນໂລກຸຕ຺ຕຣໍ ນເຫຕຸໍ ຘມ຺ມໍ ປຏິຈ຺ຈ ໂລກິໂຍ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເອກໍ. ເຫຕຸຍາ ທ຺ເວ.

ນໂລກິຍໍ ນນເຫຕຸໍ ຘມ຺ມໍ ປຏິຈ຺ຈ ໂລກິໂຍ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ນໂລກຸຕ຺ຕຣໍ ນນເຫຕຸໍ ຘມ຺ມໍ ປຏິຈ຺ຈ ໂລກິໂຍ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເອກໍ. ເຫຕຸຍາ ຈຕ຺ຕາຣິ.

໕໗. ນເກນຈິ ວິຎ຺ເຎຍ຺ຍໍ ນເຫຕຸໍ ຘມ຺ມໍ ປຏິຈ຺ຈ ເກນຈິ ວິຎ຺ເຎຍ຺ໂຍ ເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ເຫຕຸຍາ ນວ.

ນເກນຈິ ນວິຎ຺ເຎຍ຺ຍໍ ນນເຫຕຸໍ ຘມ຺ມໍ ປຏິຈ຺ຈ ເກນຈິ ນວິຎ຺ເຎຍ຺ໂຍ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ເຫຕຸຍາ ນວ.