໑-໗. ປຏິຈ຺ຈວາຣາທິ

ປຈ຺ຈຍຈຕຸກ຺ກໍ

ເຫຕຸປຈ຺ຈໂຍ

໑໒. ເຫຕຸໍ ເຫຕຸສມ຺ປຍຸຕ຺ຕໍ ຘມ຺ມໍ ປຏິຈ຺ຈ ເຫຕຸ ເຫຕຸສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸໍ ເຫຕຸສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນເຫຕຸ ເຫຕຸສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸໍ ເຫຕຸສມ຺ປຍຸຕ຺ຕໍ ຘມ຺ມໍ ປຏິຈ຺ຈ ເຫຕຸ ເຫຕຸສມ຺ປຍຸຕ຺ໂຕ ຈ ນເຫຕຸ ເຫຕຸສມ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ນເຫຕຸໍ ເຫຕຸສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນເຫຕຸ ເຫຕຸສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ເຫຕຸໍ ເຫຕຸສມ຺ປຍຸຕ຺ຕຎ຺ຈ ນເຫຕຸໍ ເຫຕຸສມ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ເຫຕຸ ເຫຕຸສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ. (ສໍຂິຕ຺ຕໍ.)

໑໓. ເຫຕຸຍາ ນວ, ອາຣມ຺ມເຓ ນວ…ເປ… ອວິຄເຕ ນວ. (ສໍຂິຕ຺ຕໍ.)

໑໔. ເຫຕຸ ເຫຕຸສມ຺ປຍຸຕ຺ໂຕ ຘມ຺ໂມ ເຫຕຸສ຺ສ ເຫຕຸສມ຺ປຍຸຕ຺ຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ… ຕີຓິ. (ສໍຂິຕ຺ຕໍ.)

ເຫຕຸຍາ ຕີຓິ…ເປ… ອວິຄເຕ ນວ. (ສໍຂິຕ຺ຕໍ.)

(ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ.)

໑໕. ເຫຕຸໍ ເຫຕຸວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ນເຫຕຸ ເຫຕຸວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ນເຫຕຸໍ ເຫຕຸວິປ຺ປຍຸຕ຺ຕໍ ຘມ຺ມໍ ປຏິຈ຺ຈ ນເຫຕຸ ເຫຕຸວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑)

ເຫຕຸໍ ເຫຕຸວິປ຺ປຍຸຕ຺ຕຎ຺ຈ ນເຫຕຸໍ ເຫຕຸວິປ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ນເຫຕຸ ເຫຕຸວິປ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. (໑) (ສໍຂິຕ຺ຕໍ.)

ເຫຕຸຍາ ຕີຓິ, ອາຣມ຺ມເຓ ເອກໍ…ເປ… ອວິຄເຕ ຕີຓິ.

(ສຫຊາຕວາຣມ຺ປິ…ເປ… ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ ວິຕ຺ຖາເຣຕພ຺ພໍ.)

໑໖. ເຫຕຸ ເຫຕຸວິປ຺ປຍຸຕ຺ໂຕ ຘມ຺ໂມ ນເຫຕຸສ຺ສ ເຫຕຸວິປ຺ປຍຸຕ຺ຕສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (ສໍຂິຕ຺ຕໍ.)

ເຫຕຸຍາ ເອກໍ, ອາຣມ຺ມເຓ ຈຕ຺ຕາຣິ…ເປ… ອວິຄເຕ ຈຕ຺ຕາຣິ. (ສໍຂິຕ຺ຕໍ.)

(ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ.)