ປຈ຺ຈນີຍໍ

ນອຘິປຕິປຈ຺ຈໂຍ

໕. ເຫຕຸໍ ສເຫຕຸກໍ ຘມ຺ມໍ ປຏິຈ຺ຈ ເຫຕຸ ສເຫຕຸໂກ ຘມ຺ໂມ ອຸປ຺ປຊ຺ຊຕິ ນອຘິປຕິປຈ຺ຈຍາ. (ສໍຂິຕ຺ຕໍ.)

ນອຘິປຕິຍາ ນວ, ນປຸເຣຊາເຕ ນວ, ນປຈ຺ຉາຊາເຕ ນວ, ນກມ຺ເມ ຕີຓິ, ນວິປາເກ ນວ, ນວິປ຺ປຍຸຕ຺ເຕ ນວ. (ສໍຂິຕ຺ຕໍ.)

ເຫຕຸປຈ຺ຈຍາ ນອຘິປຕິຍາ ນວ. (ສໍຂິຕ຺ຕໍ.)

ນອຘິປຕິປຈ຺ຈຍາ ເຫຕຸຍາ ນວ. (ສໍຂິຕ຺ຕໍ.)

(ສຫຊາຕວາຣມ຺ປິ ປຈ຺ຈຍວາຣມ຺ປິ ນິສ຺ສຍວາຣມ຺ປິ ສໍສຏ຺ຐວາຣມ຺ປິ ສມ຺ປຍຸຕ຺ຕວາຣມ຺ປິ ປຏິຈ຺ຈວາຣສທິສໍ.)

ເຫຕຸ-ອາຣມ຺ມຓປຈ຺ຈຍາ

໖. ເຫຕຸ ສເຫຕຸໂກ ຘມ຺ໂມ ເຫຕຸສ຺ສ ສເຫຕຸກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. ເຫຕຸ ສເຫຕຸໂກ ຘມ຺ໂມ ນເຫຕຸສ຺ສ ສເຫຕຸກສ຺ສ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. ເຫຕຸ ສເຫຕຸໂກ ຘມ຺ໂມ ເຫຕຸສ຺ສ ສເຫຕຸກສ຺ສ ຈ ນເຫຕຸສ຺ສ ສເຫຕຸກສ຺ສ ຈ ຘມ຺ມສ຺ສ ເຫຕຸປຈ຺ຈເຍນ ປຈ຺ຈໂຍ. (໓)

໗. ເຫຕຸ ສເຫຕຸໂກ ຘມ຺ໂມ ເຫຕຸສ຺ສ ສເຫຕຸກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ເຫຕຸ ສເຫຕຸໂກ ຘມ຺ໂມ ນເຫຕຸສ຺ສ ສເຫຕຸກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ເຫຕຸ ສເຫຕຸໂກ ຘມ຺ໂມ ເຫຕຸສ຺ສ ສເຫຕຸກສ຺ສ ຈ ນເຫຕຸສ຺ສ ສເຫຕຸກສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໓)

ນເຫຕຸ ສເຫຕຸໂກ ຘມ຺ໂມ ນເຫຕຸສ຺ສ ສເຫຕຸກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ນເຫຕຸ ສເຫຕຸໂກ ຘມ຺ໂມ ເຫຕຸສ຺ສ ສເຫຕຸກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ນເຫຕຸ ສເຫຕຸໂກ ຘມ຺ໂມ ເຫຕຸສ຺ສ ສເຫຕຸກສ຺ສ ຈ ນເຫຕຸສ຺ສ ສເຫຕຸກສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໓)

ເຫຕຸ ສເຫຕຸໂກ ຈ ນເຫຕຸ ສເຫຕຸໂກ ຈ ຘມ຺ມາ ເຫຕຸສ຺ສ ສເຫຕຸກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ເຫຕຸ ສເຫຕຸໂກ ຈ ນເຫຕຸ ສເຫຕຸໂກ ຈ ຘມ຺ມາ ນເຫຕຸສ຺ສ ສເຫຕຸກສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ເຫຕຸ ສເຫຕຸໂກ ຈ ນເຫຕຸ ສເຫຕຸໂກ ຈ ຘມ຺ມາ ເຫຕຸສ຺ສ ສເຫຕຸກສ຺ສ ຈ ນເຫຕຸສ຺ສ ສເຫຕຸກສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (໓) (ສໍຂິຕ຺ຕໍ.)

໘. ເຫຕຸຍາ ຕີຓິ, ອາຣມ຺ມເຓ ນວ…ເປ… ອຸປນິສ຺ສເຍ ນວ ອວິຄເຕ ນວ. (ສໍຂິຕ຺ຕໍ.)

(ຍຖາ ກຸສລຕ຺ຕິເກ ປຎ຺ຫາວາຣໍ, ເອວໍ ວິຕ຺ຖາເຣຕພ຺ພໍ.)