໑-໑໙-໒໐. ກຸສລຕ຺ຕິກ-ອຊ຺ຌຕ຺ຕຕ຺ຕິກທ຺ວຍໍ

໒໓. ນກຸສໂລ ນອຊ຺ຌຕ຺ໂຕ ຘມ຺ໂມ ອຊ຺ຌຕ຺ຕສ຺ສ ກຸສລສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (ສໍຂິຕ຺ຕໍ.) ອາຣມ຺ມເຓ ອຏ຺ຐາຣສ, ອຘິປຕິຍາ ໂສຬສ, ອຸປນິສ຺ສເຍ ອຏ຺ຐາຣສ, ປຸເຣຊາເຕ ອຕ຺ຖິຍາ ອວິຄເຕ ນວ.

ນກຸສໂລ ນພຫິທ຺ຘາ ຘມ຺ໂມ ພຫິທ຺ຘາ ກຸສລສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. (ສໍຂິຕ຺ຕໍ.) ອາຣມ຺ມເຓ ອຏ຺ຐາຣສ, ອຘິປຕິຍາ ຉ, ອຸປນິສ຺ສເຍ ອຏ຺ຐາຣສ, ປຸເຣຊາເຕ ອຕ຺ຖິຍາ ອວິຄເຕ ນວ.

໒໔. ນກຸສລໍ ນອຊ຺ຌຕ຺ຕາຣມ຺ມຓໍ ຘມ຺ມໍ ປຏິຈ຺ຈ ອພ຺ຍາກໂຕ ອຊ຺ຌຕ຺ຕາຣມ຺ມໂຓ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ເຫຕຸຍາ ຕີຓິ.

ນກຸສລໍ ນພຫິທ຺ຘາຣມ຺ມຓໍ ຘມ຺ມໍ ປຏິຈ຺ຈ ອພ຺ຍາກໂຕ ພຫິທ຺ຘາຣມ຺ມໂຓ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ເຫຕຸຍາ ຕີຓິ.