໒-໔-໑. ສເຫຕຸກາທິທຸການິ-ກຸສລຕ຺ຕິກໍ

໓. ນສເຫຕຸກໍ ນກຸສລໍ ຘມ຺ມໍ ປຈ຺ຈຍາ ສເຫຕຸໂກ ກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸຍາ ເອກໍ.

ນສເຫຕຸກໍ ນອກຸສລໍ ຘມ຺ມໍ ປຈ຺ຈຍາ ສເຫຕຸໂກ ອກຸສໂລ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸຍາ ເອກໍ.

໔. ນສເຫຕຸກໍ ນອພ຺ຍາກຕໍ ຘມ຺ມໍ ປຏິຈ຺ຈ ອເຫຕຸໂກ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນອເຫຕຸກໍ ນອພ຺ຍາກຕໍ ຘມ຺ມໍ ປຏິຈ຺ຈ ອເຫຕຸໂກ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ນສເຫຕຸກໍ ນອພ຺ຍາກຕຎ຺ຈ ນອເຫຕຸກໍ ນອພ຺ຍາກຕຎ຺ຈ ຘມ຺ມໍ ປຏິຈ຺ຈ ອເຫຕຸໂກ ອພ຺ຍາກໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ເຫຕຸຍາ ຕີຓິ.

໕. ນເຫຕຸສມ຺ປຍຸຕ຺ຕໍ ນກຸສລໍ ຘມ຺ມໍ ປຈ຺ຈຍາ….

໖. ນເຫຕຸ ເຈວ ນອເຫຕຸໂກ ຈ ນກຸສໂລ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ກຸສລສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ນເຫຕຸ ເຈວ ນອເຫຕຸໂກ ຈ ນກຸສໂລ ຘມ຺ໂມ ສເຫຕຸກສ຺ສ ເຈວ ນ ຈ ເຫຕຸສ຺ສ ກຸສລສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ນເຫຕຸ ເຈວ ນອເຫຕຸໂກ ຈ ນກຸສໂລ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ກຸສລສ຺ສ ຈ ສເຫຕຸກສ຺ສ ເຈວ ນ ຈ ເຫຕຸສ຺ສ ກຸສລສ຺ສ ຈ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ. ຕີຓິ.

ນອເຫຕຸໂກ ເຈວ ນນ ຈ ເຫຕຸ ນກຸສໂລ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ກຸສລສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ຕີຓິ.

ນເຫຕຸ ເຈວ ນອເຫຕຸໂກ ນກຸສໂລ ຈ ນອເຫຕຸໂກ ເຈວ ນນເຫຕຸ ນກຸສໂລ ຈ ຘມ຺ມາ ເຫຕຸສ຺ສ ເຈວ ສເຫຕຸກສ຺ສ ຈ ກຸສລສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ຕີຓິ. (ສພ຺ພຕ຺ຖ ນວ ປຎ຺ຫາ.)

໗. ນເຫຕຸ ເຈວ ນອເຫຕຸໂກ ຈ ນອກຸສໂລ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ອກຸສລສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ (ສໍຂິຕ຺ຕໍ, ນວ ປຎ຺ຫາ).

ນເຫຕຸ ເຈວ ນອເຫຕຸໂກ ຈ ນອພ຺ຍາກໂຕ ຘມ຺ໂມ ເຫຕຸສ຺ສ ເຈວ ສເຫຕຸກສ຺ສ ຈ ອພ຺ຍາກຕສ຺ສ ຘມ຺ມສ຺ສ ອາຣມ຺ມຓປຈ຺ຈເຍນ ປຈ຺ຈໂຍ… ຕີຓິ. (ນວ ປຎ຺ຫາ.)