໒-໑. ເວທນາຕ຺ຕິກ-ເຫຕຸທຸກໍ

໖໕. ສຸຂາຍ ເວທນາຍ ສມ຺ປຍຸຕ຺ຕໍ ເຫຕຸໍ ຘມ຺ມໍ ປຏິຈ຺ຈ ນສຸຂາຍ ເວທນາຍ ສມ຺ປຍຸຕ຺ໂຕ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ສຸຂາຍ ເວທນາຍ ສມ຺ປຍຸຕ຺ຕໍ ເຫຕຸໍ ຘມ຺ມໍ ປຏິຈ຺ຈ ນທຸກ຺ຂາຍ ເວທນາຍ ສມ຺ປຍຸຕ຺ໂຕ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ສຸຂາຍ ເວທນາຍ ສມ຺ປຍຸຕ຺ຕໍ ເຫຕຸໍ ຘມ຺ມໍ ປຏິຈ຺ຈ ນອທຸກ຺ຂມສຸຂາຍ ເວທນາຍ ສມ຺ປຍຸຕ຺ໂຕ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ…ເປ… ສຕ຺ຕ ປຎ຺ຫາ.

ທຸກ຺ຂາຍ ເວທນາຍ ສມ຺ປຍຸຕ຺ຕໍ ເຫຕຸໍ ຘມ຺ມໍ ປຏິຈ຺ຈ ນທຸກ຺ຂາຍ ເວທນາຍ ສມ຺ປຍຸຕ຺ໂຕ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ສຕ຺ຕ ປຎ຺ຫາ.

ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕໍ ເຫຕຸໍ ຘມ຺ມໍ ປຏິຈ຺ຈ ນອທຸກ຺ຂມສຸຂາຍ ເວທນາຍ ສມ຺ປຍຸຕ຺ໂຕ ນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ສຕ຺ຕ ປຎ຺ຫາ. ເຫຕຸຍາ ເອກວີສ…ເປ… ອວິຄເຕ ເອກວີສ. (ສພ຺ພຕ຺ຖ ເອກວີສ.)

໖໖. ສຸຂາຍ ເວທນາຍ ສມ຺ປຍຸຕ຺ຕໍ ນເຫຕຸໍ ຘມ຺ມໍ ປຏິຈ຺ຈ ນທຸກ຺ຂາຍ ເວທນາຍ ສມ຺ປຍຸຕ຺ໂຕ ນນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ສຸຂາຍ ເວທນາຍ ສມ຺ປຍຸຕ຺ຕໍ ນເຫຕຸໍ ຘມ຺ມໍ ປຏິຈ຺ຈ ນອທຸກ຺ຂມສຸຂາຍ ເວທນາຍ ສມ຺ປຍຸຕ຺ໂຕ ນນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ສຸຂາຍ ເວທນາຍ ສມ຺ປຍຸຕ຺ຕໍ ນເຫຕຸໍ ຘມ຺ມໍ ປຏິຈ຺ຈ ນທຸກ຺ຂາຍ ເວທນາຍ ສມ຺ປຍຸຕ຺ໂຕ ນນເຫຕຸ ຈ ນອທຸກ຺ຂມສຸຂາຍ ເວທນາຍ ສມ຺ປຍຸຕ຺ໂຕ ນນເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. ຕີຓິ.

ທຸກ຺ຂາຍ ເວທນາຍ ສມ຺ປຍຸຕ຺ຕໍ ນເຫຕຸໍ ຘມ຺ມໍ ປຏິຈ຺ຈ ນສຸຂາຍ ເວທນາຍ ສມ຺ປຍຸຕ຺ໂຕ ນນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ.

ອທຸກ຺ຂມສຸຂາຍ ເວທນາຍ ສມ຺ປຍຸຕ຺ຕໍ ນເຫຕຸໍ ຘມ຺ມໍ ປຏິຈ຺ຈ ນສຸຂາຍ ເວທນາຍ ສມ຺ປຍຸຕ຺ໂຕ ນນເຫຕຸ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ຕີຓິ… ເຫຕຸຍາ ນວ.