໑-໕໘. ກຸສລຕ຺ຕິກ-ຈິຕ຺ຕສມ຺ປຍຸຕ຺ຕທຸກໍ

໓໖. ກຸສລໍ ຈິຕ຺ຕສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນກຸສໂລ ນຈິຕ຺ຕສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ກຸສລໍ ຈິຕ຺ຕສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນອກຸສໂລ ນຈິຕ຺ຕສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ກຸສລໍ ຈິຕ຺ຕສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນອພ຺ຍາກໂຕ ນຈິຕ຺ຕສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ກຸສລໍ ຈິຕ຺ຕສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນອກຸສໂລ ນຈິຕ຺ຕສມ຺ປຍຸຕ຺ໂຕ ຈ ນອພ຺ຍາກໂຕ ນຈິຕ຺ຕສມ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. ກຸສລໍ ຈິຕ຺ຕສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນກຸສໂລ ນຈິຕ຺ຕສມ຺ປຍຸຕ຺ໂຕ ຈ ນອກຸສໂລ ນຈິຕ຺ຕສມ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. ປຎ຺ຈ.

ອກຸສລໍ ຈິຕ຺ຕສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນອກຸສໂລ ນຈິຕ຺ຕສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ… ປຎ຺ຈ.

ອພ຺ຍາກຕໍ ຈິຕ຺ຕສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນກຸສໂລ ນຈິຕ຺ຕສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ອພ຺ຍາກຕໍ ຈິຕ຺ຕສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນອກຸສໂລ ນຈິຕ຺ຕສມ຺ປຍຸຕ຺ໂຕ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ອພ຺ຍາກຕໍ ຈິຕ຺ຕສມ຺ປຍຸຕ຺ຕໍ ຘມ຺ມໍ ປຏິຈ຺ຈ ນກຸສໂລ ນຈິຕ຺ຕສມ຺ປຍຸຕ຺ໂຕ ຈ ນອກຸສໂລ ນຈິຕ຺ຕສມ຺ປຍຸຕ຺ໂຕ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. ຕີຓິ. (ສໍຂິຕ຺ຕໍ.) ເຫຕຸຍາ ເຕຣສ. ຈິຕ຺ຕວິປ຺ປຍຸຕ຺ເຕ ຕີຓິ.