໑-໗. ປຏິຈ຺ຈວາຣາທິ

໗. ເຫຕຸຎ຺ເຈວ ເຫຕຸສມ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ນເຫຕຸ ເຈວ ນເຫຕຸວິປ຺ປຍຸຕ຺ໂຕ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸຎ຺ເຈວ ເຫຕຸສມ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ນເຫຕຸວິປ຺ປຍຸຕ຺ໂຕ ເຈວ ນນເຫຕຸ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸຎ຺ເຈວ ເຫຕຸສມ຺ປຍຸຕ຺ຕຎ຺ຈ ຘມ຺ມໍ ປຏິຈ຺ຈ ນເຫຕຸ ເຈວ ນເຫຕຸວິປ຺ປຍຸຕ຺ໂຕ ຈ ນເຫຕຸວິປ຺ປຍຸຕ຺ໂຕ ເຈວ ນນເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ເຫຕຸສມ຺ປຍຸຕ຺ຕຎ຺ເຈວ ນ ຈ ເຫຕຸໍ ຘມ຺ມໍ ປຏິຈ຺ຈ ນເຫຕຸວິປ຺ປຍຸຕ຺ໂຕ ເຈວ ນນເຫຕຸ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸສມ຺ປຍຸຕ຺ຕຎ຺ເຈວ ນ ຈ ເຫຕຸໍ ຘມ຺ມໍ ປຏິຈ຺ຈ ນເຫຕຸ ເຈວ ນເຫຕຸວິປ຺ປຍຸຕ຺ໂຕ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸສມ຺ປຍຸຕ຺ຕຎ຺ເຈວ ນ ຈ ເຫຕຸໍ ຘມ຺ມໍ ປຏິຈ຺ຈ ນເຫຕຸ ເຈວ ນເຫຕຸວິປ຺ປຍຸຕ຺ໂຕ ຈ ນເຫຕຸວິປ຺ປຍຸຕ຺ໂຕ ເຈວ ນນເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓)

ເຫຕຸຎ຺ເຈວ ເຫຕຸສມ຺ປຍຸຕ຺ຕຎ຺ຈ ເຫຕຸສມ຺ປຍຸຕ຺ຕຎ຺ເຈວ ນ ຈ ເຫຕຸຎ຺ຈ ຘມ຺ມໍ ປຏິຈ຺ຈ ນເຫຕຸ ເຈວ ນເຫຕຸວິປ຺ປຍຸຕ຺ໂຕ ຈ ຘມ຺ໂມ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸຎ຺ເຈວ ເຫຕຸສມ຺ປຍຸຕ຺ຕຎ຺ຈ ເຫຕຸສມ຺ປຍຸຕ຺ຕຎ຺ເຈວ ນ ຈ ເຫຕຸຎ຺ຈ ຘມ຺ມໍ ປຏິຈ຺ຈ ນເຫຕຸວິປ຺ປຍຸຕ຺ໂຕ ເຈວ ນນເຫຕຸ ຘມ຺ໂມ ຈ ອຸປ຺ປຊ຺ຊຕິ ເຫຕຸປຈ຺ຈຍາ. ເຫຕຸຎ຺ເຈວ ເຫຕຸສມ຺ປຍຸຕ຺ຕຎ຺ຈ ເຫຕຸສມ຺ປຍຸຕ຺ຕຎ຺ເຈວ ນ ຈ ເຫຕຸຎ຺ຈ ຘມ຺ມໍ ປຏິຈ຺ຈ ນເຫຕຸ ເຈວ ນເຫຕຸວິປ຺ປຍຸຕ຺ໂຕ ຈ ນເຫຕຸວິປ຺ປຍຸຕ຺ໂຕ ເຈວ ນນເຫຕຸ ຈ ຘມ຺ມາ ອຸປ຺ປຊ຺ຊນ຺ຕິ ເຫຕຸປຈ຺ຈຍາ. (໓) (ສໍຂິຕ຺ຕໍ.)

ເຫຕຸຍາ ນວ. (ສຫຊາຕວາຣມ຺ປິ…ເປ… ປຎ຺ຫາວາຣມ຺ປິ ວິຕ຺ຖາເຣຕພ຺ພໍ.)